Luku 15:20 - LAWA A BOO SONBORE 2011

²⁰ Bɛ kio, á yoo á wusoo á woo ǹ di a piɛ. A bɛ́ tiãlɛa, ǹ di yɛ, a makara kũ. Á baa si á woo nɛ lɛ kũ, á n sɔɔ a nɛ.

LAWA A BOO SONBORE

²⁰ Bɛ kio, á yoo á wusoo á woo ǹ di a piɛ. A bɛ́ tiãlɛa, ǹ di yɛ, a makara kũ. Á baa si á woo nɛ lɛ kũ, á n sɔɔ a nɛ.

Luku 15:20 ပူးပေါင်းရင်းမြစ်များ

Siin Giala 33:4

Ezawu baa si á woo n da lɛ, á n sɔɔ a nɛ ka parasa. Ǹ dinin paanan nə́ n lɛ da wuu-n kun.

Siin Giala 45:14

Bɛ kio, Zozɛfu nə́ n sɔɔ ǹ diɛ̃ Bɛnzamɛn nɛ, ǹ dinin min paa nə n toa kɔn-a, ǹ nə́ wuu pɛ.

Siin Giala 46:29

Zozɛfu ná a wotoro yii, á woo n da ǹ di Zakɔba lɛ walan. Zozɛfu bɛ́ á yɛ lɔn gɔrɔ, á n sɔɔ a nɛ, á wuu pɛ, á pɛ, bɛ̀ a gɔn ná a ganaa miɛ̃.

Samayeli2 14:33

Zoabu woo dɔ kii li, a ná a yɔrɔ pɛ nɛ. Kii lɛ dia Abusalɔn la, Abusalɔn bɛ́ á dɔ a li, á kaa tán a giulun, a guguru kɔ ǹ sii lɛa. Kii dɔ́ nə́ n sɔɔ a nɛ.

Loen 86:15

Sɛnɛ, Dɛnaa, nsɛ n Lawa lɛa, makara doɛ̃, n nə́ bǐɛ̃ zɛnɛɛ. N foo a yui fufuu wa, ma n piɛ̃-n ka kɔn-narɛɛ gole laanka bǐɛ̃ duduu ni.

Loen 86:5

Dɛnaa, n din mɛn bɛ́ bǐɛ̃ zɛnɛɛ, n nə́ sã toɛ, min mɛnɛn tumaa bɛ́ lɛ diɛ n la, n kɔn-narɛɛ á gole bɛn wɔ paǹ li.

Izayii 49:15

Sɛnɛ, Dɛnaa Lawa n pii: Nɛ ǹ dan yiri á boe a nɛnyaan tiɛɛ̃n ganaa? A nɛ mɛn yɛ, a kɔn-narɛɛ á nyɛɛ ka bɛ nɛ? Ta bɛ din yiri á boe, masɛ yiri á boe n ne duduu wa.

Izayii 57:18

Má a giã ǹ gɔn yɛ, sɛnɛ, ma á re a kaka koe, ma a foo taã, asɛ nɛ ka min mɛnɛn bɛ́ gɛ̀ koɛ.

Zeremii 31:20

Efrayimu n maa nɛgiĩ lɛa, ma n narɛ taãn-taãnɛ. Ma á narɛ á la yii ni. Bɛ lɛ nɛ, biikoo tumaa li, bɛ̀ máa boo diɛ a ganaa, maa taasiɛ n doa nɛ a ganaa. A sii n ma foo-n parsiini. Sonbore a makara n ma ganaa taãn-taãnɛ. Dɛnaa Lawa a da ǹ boo ne.

Ozee 11:8

Man siɛ lɔn man la bɔ n ganaa Efrayimu, ma n wɔ minin gɔn Izirayeli? Man siɛ lɔn ma n baa ka Admaa bɛ́ lɔn, ma n baa ka Seboyimu á ke lɔn? Ma yiri nə n lɔlɔkɔn, n makara bɔ ma-a.

Luku 15:19

Masɛ din ba siĩn doo n ma bíi n nɛ wa. Ma kũ ka n dí-nyali goon bɛ́ lɔn.»

Luku 15:21

Nɛgiĩ lɛ pɛ: «Díi, masɛ wɔ Lawa lon, ma wɔ n dɔ lon. Masɛ din ba siĩn doo n ma bíi mà n nɛ wa.»

Nya ǹ dín 2:39

A giala, Lawa din bɛ́ á n lɛ kɔ ka màn mɛn nɛ, bɛ ǹ ka dinin wɔ lɛa ka kaa nɛnyaanan nɛ, ka minin mɛnɛn tumaa wɔlɔ bɛ́ tɔn sɔsɔɔ, Lawa n die ǹ bíi.»

Nya ǹ dín 20:37

Ǹ tumaa kaa wuu ni, ǹ nə́ yoo ǹ nə́ n gɔnɔn sɔɔ Pooli ni, ǹ nə́ sawaa kɔn-a ǹ fòo da nɛ.

Efɛɛzi minin 2:13

Sɛnɛ kanna, Yezu Krita wɔbaa gɔ́ɔ̃ nɛ, ka bɛ́ ká goã sɔsɔɔ a ganaa, ka n ká wusoo ka n mɔrɔ a ganaa, Krita din a gɛ̀ pàã ganaa.

Efɛɛzi minin 2:17

Kasɛn tɔrɔ kɔsɔn mɛnɛn nə goã sɔsɔɔ Lawa ganaa, ka Zuifun mɛnɛn nə goã kunu a ganaa, Krita na á daa là nyantoro yɛ ǹ Boo Tii Kɔɔ̃n kɛ pɛ ka nɛ, ka bɛa yɔrɔ kɛ nɛ.