Luku 11:22 - LAWA A BOO SONBORE 2011

²² Min kɔsɔ mɛn bɛ́ kaka á la a dɔ nɛ, bɛ̀ bɛ́ daa, yǎa a boo la, a bɛ́ n foo doɛ zia-baa ǹ mànan mɛnɛn ganaa, bɛa min kaka kɔsɔ kɛ lɛ n bɛn sii, a ná a gɔn màn dɔ si a gii.»

LAWA A BOO SONBORE

²² Min kɔsɔ mɛn bɛ́ kaka á la a dɔ nɛ, bɛ̀ bɛ́ daa, yǎa a boo la, a bɛ́ n foo doɛ zia-baa ǹ mànan mɛnɛn ganaa, bɛa min kaka kɔsɔ kɛ lɛ n bɛn sii, a ná a gɔn màn dɔ si a gii.»

Luku 11:22 ပူးပေါင်းရင်းမြစ်များ

Siin Giala 3:15

Ma á re baraabaa diɛ n laanka lɔ bii ni, ma da n tɔrɔ laanka lɔ tɔrɔ bii ni. Lɔ tɔrɔ á re n mìi yɔyɔrɛ, n dɔ á re lɔ tɔrɔ yawɛɛ a gòãtoro ganaa.»

Bɔ bɛ̀rɛbaa nɛ 15:9

Zɔ́ɔ pɛ: «Man die a kio lui, ma dɔ a ganaa. Ma dɛ, ma a mànan goa, man lon pã nɛ. Ma á re maa gɔya sa boe, ma gɔn dɔ ǹ ganaa, ma ǹ dɛ.»

Izayii 27:1

Bɛa pinaa, Dɛnaa Lawa á re yui *Leviatan gialaa ka a gɔya sa kaka pàãdɛnaa kɛ nɛ, Leviatan lɛ n miɛ̃ baa-sili lɛa. Leviatan piɛ̃maa-n ka taasiɛ baraa nɛ. Dɛnaa Lawa á re bɛa mu li ǹ màn babaraa lɛ dii.

Izayii 53:12

Bɛ lɛ nɛ, man bǎã koe la min dadaran bii. Á re zɔ́ɔn gɔn màn gii kɔn ka pàãdɛnan nɛ. A giala á n din kɔ gɛ̀ la, ǹ nə́ da kun ka min baraan nɛ. Taãn nɛ, á n toɛ̃ ka min gigiã a sii baraan nɛ, á daa sii baraa-zɛnaalin gú ganaa.

Luku 11:21

Bɛ̀ min kaka tá a kion lɛduĩ ka ziabaa ǹ mànan nɛ, màn ba pɔrɛɛ a gɔn màn kɔ́n-a wa.

Luku 11:23

Yezu pɛ: «Bɛ̀ min mɛn ba kun ka masɛ-n wa, bɛa dɛnaa na á n piã ka masɛ nɛ. Doo, bɛ̀ min mɛn ba Lawa a minin lɛ soekɔn kun ka masɛ-n wa, bɛa dɛnaa nə ǹ sasawɛɛ.»

Efɛɛzi minin 6:11

Lawa bɛ́ ziabaa ǹ mànan mɛnɛn koe ka la, ka tumaa bɛn kaa ka ganaa, màn mɛn bɛ́ toɛ, ka boo la ka yɔ bɔ *Sɛtaan a minin bebere ǹ yirin kɛn ganaa.

Efɛɛzi minin 6:13

Bɛ lɛ a lɛa, ka Lawa a ziabaa ǹ mànan tumaa gũ ka gɔn kanna. Màn mɛn bɛ́ toɛ, bɛ̀ lɛawaa baraa kɛ́ dɔ, yǎa kaa zɔ́ɔ kɛ da yoo ka gialaa, ka boo la ka n gòãn doa a ganaa. Ka á re zia biɛ a ganaa miɛ̃ yǎa a woe nyɛɛ, ka á re goɛ̃ ka dinin giã ǹ gɔn taãn la ka bɛ nɛ.

Kolɔɔsi minin 2:15

Bɛa yɔrɔ kɛ lɛ la, Lawa na á lon màn pàãdɛnan laanka a goledɛnan pàã nya. A na á sìi da ǹ ganaa buə̃buə̃ ne, á ǹ kũ ka kòso nɛn bɛ́ lɔn, á ǹ kaa kun ka zaman kɛ nɛ, woe gɔ̀lɔ̀baa ǹ da-zii we a Nɛgiĩ ni.

Zaã1 3:8

N mɛn bɛ́ n tɔn sii baraa zɛnaa lɛ da wa, ma n *Sɛtaan wɔ lɛa. A giala, a saa giala-kɔ waáraa ganaa, Sɛtaan na á sii baraa zɛnaa. Lawa a Nɛgiĩ na á daa bɛ lɛ a lɛa, mà a Sɛtaan a nya ǹ dín ziziɛ̃.

Zaã1 4:4

Sɛnɛ, maa nɛnyaanan lɛn, kasɛn mɛnɛn bɛ́ Lawa wɔn lɛa, kasɛn nə́ boo Lawa a boo gii-dali soɛ-bɔlen kɛn la. A giala, Yiri mɛn bɛ́ ka lon, a pàã la kanaa kɛ a minin wɔ nɛ.