Luku 11:13 - LAWA A BOO SONBORE 2011

¹³ Ka laanka kaa baraabaa kɛ din tumaa nɛ, bɛ̀ kasɛn tá kaa nɛnyaanan foo dùũ mànan doɛ̃ ka n koe ǹ la, sanparɛ ka Díi Lawa nɛ, min mɛnɛn bɛ́ Yiri Fu nyankoe la, a n die koe bɛn la!»

LAWA A BOO SONBORE

¹³ Ka laanka kaa baraabaa kɛ din tumaa nɛ, bɛ̀ kasɛn tá kaa nɛnyaanan foo dùũ mànan doɛ̃ ka n koe ǹ la, sanparɛ ka Díi Lawa nɛ, min mɛnɛn bɛ́ Yiri Fu nyankoe la, a n die koe bɛn la!»

Luku 11:13 ပူးပေါင်းရင်းမြစ်များ

Siin Giala 8:21

Dɛnaa bɛa wúlu màn gìĩ kɔ́ɔ̃n lɛ ma, á tɔ́n pɛ a din gɔ́ɔ̃ nɛ kɛnɛn: «Ma a re lɛn pipiã bíi tán li doo duduu, minbuiin nɛ a zɛnaa ǹ sii taman yii wa. Minbuiin nɛ n yui tán ka sii baraa zɛnaa nɛ a foo-n sɛn, sɛnɛ, ma a re dɔlɔ boe màn yiikoonaa tumaa ganaa doo duduu, ka ma bɛ́ má zɛnaa lɔn wa.

Loen 51:5

Ma á maa sãn doɛ̃, maa sii baraa lɛ n ma yɔrɔ-a duduu.

Suusun 1:23

Ka n too kɔ maa doroon li. Man die ma yiri gisĩ ka la kəni, ma toa ka maa da ǹ boon dɔ̃.

Izayii 49:15

Sɛnɛ, Dɛnaa Lawa n pii: Nɛ ǹ dan yiri á boe a nɛnyaan tiɛɛ̃n ganaa? A nɛ mɛn yɛ, a kɔn-narɛɛ á nyɛɛ ka bɛ nɛ? Ta bɛ din yiri á boe, masɛ yiri á boe n ne duduu wa.

Ezekieli 36:27

Ma á re ma din yiri we ka nɛ, ka boo la ka tɔ wɔ a kɔnpɛ ka maa landa boon kɛn nɛ, ka boo la ka maa sii yɔrɔ bɔ ǹ boon kɛn tamaa, ka kɔ ǹ lɛ.

Matiə 5:16

Kaa bólon fúlu doamaa nɛ a kũ minin yɔrɔ-a miɛ̃, màn mɛn bɛ́ toɛ minin nə kaa zɛnaa ǹ sii sonboren yɛ, ǹ boo la ǹ kaa Díi Lawa guguru kɔ.

Matiə 5:45

Ka zɛnaa miɛ̃, bɛ lɛ n nyɛɛ mà ka n ka Di Lawa a nɛnyaanan lɛa. A giala, a bɛ́ a wasa lɛ boe min sonboren la lɔn ke, a n boe min baraan dɔn la miɛ̃. A bɛ́ la mu koe sii bǐɛ̃ zɛnaalin la lɔn, a n koe sii baraa-zɛnaalin dɔn la miɛ̃.

Matiə 6:14

A giala, bɛ̀ ka tá kaa wɔmalon wolen zɛ̀rɛ toɛ ǹ nɛ, ka Di Lawa á die ka dɔn zɛ̀rɛ toɛ ka nɛ.

Matiə 6:30

Buu mɛn bɛ́ don pelo, minin nə die tɛ koɛ-n biɛ̃, bɛ̀ Lawa tá n yiri koɛ bɛ li á n tamaɛ, sanparɛ ka kasɛn nɛ! Á die n yiri koɛ ka dɔn nɛ a ka dɔn tamaa. Kaa golee Lawa li á kiɛɛrɛ dɛ!

Matiə 6:32

Bɛ din tumaa, min kooron man giɛ li ka n yiin paanan nɛ. Sɛnɛ kasɛn Di Lawa tá doɛ̃ mà ka laadoo tá ǹ ganaa.

Matiə 7:11

Ka laanka kaa baraabaa kɛ din tumaa nɛ, ka tá kaa nɛnyaanan foo dùũ mànan doɛ̃, bɛ̀ ka kɔ ǹ la, sanparɛ ka ka Di Lawa nɛ, bɛ̀ min mɛnɛn nə́ màn sonbore nyankɔ la, á die koe ǹ la!

Luku 11:12

Hinlaa bɛ̀ nɛ lɛ koo gìi nyankɔ, a n die ton koe la?

Luku 11:2

Yezu pɛ ǹ nɛ: – Bɛ̀ ka tá Lawa nyankoe, ka pɛ kɛnɛn: «Díi, toa n tɔ gole kɔ, toa n kiibaa daa.

Luku 18:7

Sanparɛ ka Lawa nɛ, min mɛnɛn bɛ́ Lawa wɔn lɛa, ǹ ná a nyankoe tèlò-n ka penleen ne, a ba re bǐɛ̃ zɛnɛɛ bɛn man wa? A ba re n nanaɛ a n dɔ ǹ lɛ wa?

Zaã a sɛ́wɔ 4:10

Yezu tɔ́n pɛ nɛ: «Bɛ̀ ma n Lawa a minin gɔ ǹ màn kɛ doɛ̃, ka masɛ mɛn dɔ bɛ́ má pɛ n nɛ máa n mu kɔ ma mi, bɛ̀ n din kɛ lɛ n die nɔ̀n diɛ masɛ la ka mu ni; bɛ̀ man die mu koe n la n mi, mu mɛn bɛ́ yiikoonaabaa koe min la.»

Nya ǹ dín 2:38

Piɛrɛ nə́ ǹ lɛ si: «Ka wusoo kaa sii baraan kio. Kaa didie lɛ kɔ, wɔsɛn nə batɛmu kɛ da ka ganaa ka Yezu *Krita tɔ nɛ, màn mɛn bɛ́ toɛ, Lawa kaa sii baraan toa ka nɛ. Bɛa biikoo li, Lawa á die a Yiri Fu gisĩ ka la.

Rɔmu minin 5:17

Min goon toto a bɔlɔ-tii taman yii ni, gɛ̀ á minbuiinin mìi ni. Sɛnɛ, Yezu Krita goon toto kɛ màn mɛn zɛnaa, bɛa giala-nyɔmɔɔ ǹ sii á gole, á la Aadã a sii baraa kɛ wɔ nɛ. Min mɛnɛn tumaa bɛ́, Lawa ná a bǐɛ̃ gole kɔ ǹ la kooro, á lɛ kɔ ǹ ganaa min peperen lɛa, bɛn tá re nyin nyabaã yii Krita barka nɛ, ǹ kii baa kun ni.

Rɔmu minin 7:18

A giala, wɔ́ dɔ̃ wáa sii sonbore kɔ́n ba wɔ gɔ́ɔ̃-n wa, bɛ giala mà ǹ kɔ́n ba wɔ dinin ni wa. Ga sii bǐɛ̃ li n kɔɔ̃n wɔ ganaa, sɛnɛ, a zɛnaa ke, wɔ a boe bɛ la wa!

Rɔmu minin 8:32

Lawa nə n piã dinin ka a din a Nɛ kɛ a kɔ gɛ̀ la-n wa, a na á kɔ wɔsɛn tumaa a lɛa. A re màn tumaa dɔ koe wɔ la a da a Nɛgiĩ lɛ a koe la wa? Hiĩ! Á re màn tumaa koe wɔ la.

Tiitii 3:3

A giala, lɛlɛ, wɔsɛn dɔn man wɔ goã yiri wɛɛnaan lɛa, lɛ-tiilin lɛa, sã wolen lɛa. Wɔ dɔn man wɔ́ goã taasiɛn laanka foo sii baraa tɔrɔ gigiã a bɛ̀rɛn lɛa. Wɔ ǹ wɔ́ goã wɔa yiikoonaabaa zɛnɛɛ baraabaa gɔ́ɔ̃ nɛ, ka yiri koa sii ganaa nɛ. Wɔ goã bɔnɛɛ taãn-taãnɛ, wɔ n kɔn biɛ zɔ́ɔ.