Luku 1:48 - LAWA A BOO SONBORE 2011

⁴⁸ Masɛ din doobaa kɛ lɛ, ma na a din a bɛ̀rɛlɔ lɛa, sɛnɛ, á lɛ kɔ á n yɔrɔ da ma la. Bɛ lɛ nɛ, a n giala kɔ sisia ganaa a wo nyɛɛnaan yaa, minin tá re pii, mà masɛ wɔ bǐɛ̃ kɔ.

LAWA A BOO SONBORE

⁴⁸ Masɛ din doobaa kɛ lɛ, ma na a din a bɛ̀rɛlɔ lɛa, sɛnɛ, á lɛ kɔ á n yɔrɔ da ma la. Bɛ lɛ nɛ, a n giala kɔ sisia ganaa a wo nyɛɛnaan yaa, minin tá re pii, mà masɛ wɔ bǐɛ̃ kɔ.

Luku 1:48 ပူးပေါင်းရင်းမြစ်များ

Siin Giala 30:13

Leyaa tɔ́n pɛ: «Maa wɔ bǐɛ̃ kɔ dɛ! A giala, lɔn nə́ ma bíi bǐɛ̃lɔ.» Á bɛa nɛ lɛ bíi Asɛɛrɛ (bɛ giala mà "Bǐɛ̃kɔmaa").

Samayeli2 7:8

Bɛ lɛ nɛ, wo pɛ maa dí-nyali Davida nɛ mà masɛ Dɛnaa Lawa mɛn bɛ́ pàã tumaa a Dɛnaa lɛa, mà masɛ n kɛ pii: «Ma din ni má n bɔ má n bɔ tɔɔn kio tɔɔn lɛduə̃ ǹ bǎã nɛ, màn mɛn bɛ́ toɛ n masɛ a zaman, Izirayeli minin lɛn mìilandɛnaa baa.

Loen 102:17

Dɛnaa Lawa bɛ́ re wusii a Zeruzalɛmu kiwi kɛ dɔ doo, a bɛ́ re wusii a n din nyaa foaãfoaã, a gugurubaa kɛ nɛ.

Loen 136:23

Wɔsɛn koe-yɛ biikoo li, á n yiri koa wɔsɛn kɛn li, a kɔn-narɛɛ a nyɛɛ duduu wa.

Loen 138:6

Ta Dɛnaa Lawa din nə lon sɔsɔɔ lɔn, a yii tá minbuiin tumaa a kiɛɛrɛdɛnaa ganaa, a nə n toɛ sɔsɔɔ, a din gole-kɔlen dɔ̃.

Loen 72:17

Lawa toa kii lɛ tɔ bɔ biikoo tumaa li, yǎa duduu. A tɔ-bɔ lɛ belebɔ ka wasa bɛ́ lɔn. Bɛ̀ minin tá Lawa bǐɛ̃ bíi kɔn li, ǹ die ǹ kii lɛ tɔ da li, gánan tumaa die ǹ pɛ, mà Lawa barka da kii lɛ ganaa.

Izayii 66:2

Bɛa mànan kɛn tumaa, ma din gɔn nɛ á ǹ zɛnaa. Ǹ tumaa n ma din wɔn lɛa. Masɛ Dɛnaa Lawa a da ǹ boo ne. Sɛnɛ, ma yii bɛ́ doa-n min mɛn la ka makara-doɛ̃ nɛ, nɔmaa-wɔle kɛ nɛ, a foo n ziziɛ̃ nɛ, ka min mɛn bɛ́ n too koe maa boo ganaa, a n nyɛ́ɛ biɛ ma yii ni.

Malakii 3:12

Tɔrɔ kɔsɔn kɛn tumaa á re ka doɛ̃ foo kɔɔ̃n-an lɛa, a giala kaa gána a giã ma-n tá re goɛ̃ kɔɔ̃nɛ. Masɛ Dɛnaa Lawa Pàãyiidɛnaa n pii ka nɛ.»

Luku 1:28

Lon a dia dí-a wole lɛ woo a li, á pɛ-n kɛnɛn: «Mariya, ma á fòo diɛ n nɛ, Lawa tá kunun n ni, a na á n bɔ, á bǐɛ̃ gole baa nɛ.»

Luku 1:42

Elizabɛti la, á pɛ ka lɛn golen Mariya ganaa kɛnɛn: «Mariya, Lawa barka wɔ n nɛ á la lɔ din tumaa nɛ, n bɛ́ die nɛ mɛn yii, Lawa barka wɔ bɛa nɛ lɛ dɔ nɛ.

Luku 1:45

Nsɛ wɔ bǐɛ̃ kɔ, nsɛ mɛn bɛ́ n lɛ kɔ a ganaa, Dɛnaa Lawa nə ǹ dia ǹ nə́ daa boo mɛn pɛ n nɛ, bɛ á die n zɛnɛɛ sonbore.»

Luku 1:49

A giala Lawa Pàãyiidɛnaa sii dadaran zɛnaa masɛ nɛ, a tɔ á sonbore.

Luku 11:27

Yezu bɛ́ bɛa boo kɛ lɛ diɛ, lɔ goon nə́ n toa zaman bii á pɛ: «Lɔ mɛn nə n nɔ̀ gũ á n yɛ, á nyɔ kɔ n la, barka n bɛa lɔ kɛ ganaa.»

Samayeli1 1:11

Á n lɛ kɔ, á pɛ: «Dɛnaa Lawa Pàãyiidɛnaa, masɛ nə n bɛ̀rɛlɔ lɛa. Bɛ̀ ń lɛ kɔ, ń masɛ a nɔmaa kɛ dɔ̃ ma la, ń nə n yiri kɔ masɛ li, bɛ̀ n yiri bɔ ka ma-n wa, yǎa n nɛgiĩ kɔ ma la, masɛ n die bɛa nɛgiĩ kɛ lɛ koe Dɛnaa Lawa la duduu yǎa a n boe a wasa nɛ. Kùn ba re n diɛ a mii-n wa.»

Samayeli1 2:8

A n pàãwɛnaa sii gusuũn la. A n doobaa dɔ kuĩ tonton bɔlɔ la, a ǹ kaa tán kun ka min dadaran nɛ, a bǎã tɔnaa kɔ ǹ la. A giala, tán a bìbĩn lɛn man Lawa wɔn lɛa, a na á kanaa lɛ giala doa bɛn la.