Luku 1:42 - LAWA A BOO SONBORE 2011

⁴² Elizabɛti la, á pɛ ka lɛn golen Mariya ganaa kɛnɛn: «Mariya, Lawa barka wɔ n nɛ á la lɔ din tumaa nɛ, n bɛ́ die nɛ mɛn yii, Lawa barka wɔ bɛa nɛ lɛ dɔ nɛ.

LAWA A BOO SONBORE

⁴² Elizabɛti la, á pɛ ka lɛn golen Mariya ganaa kɛnɛn: «Mariya, Lawa barka wɔ n nɛ á la lɔ din tumaa nɛ, n bɛ́ die nɛ mɛn yii, Lawa barka wɔ bɛa nɛ lɛ dɔ nɛ.

Luku 1:42 ပူးပေါင်းရင်းမြစ်များ

Siin Giala 22:18

Kanaa a tɔrɔn dinin tumaa á die lɛn bǐɛ̃ bíi kɔn li ǹ pɛ: «Lawa barka wɔ n nɛ ka Abrahamu tɔrɔn wɔ bɛ́ lɔn.» A giala, ń masɛ bɔlɔ si.

Loen 21:6

N din a gɔ̀lɔ̀baa barka nɛ, á gugurubaa gole yɛ, n din nə ń siĩnbaa laanka golebaa kɔ la.

Loen 45:2

Boo sonbore ma gɔ́ɔ̃ pã, man die loe loe ma kii tɔ bɔ nɛ. Toa ma lɛwɔn lɛ bɔ li, ka sɛ́wɔ-kiɛ̃li sonbore a sɛ́wɔ kiɛ̃ ǹ màn bɛ́ lɔn.

Luku 1:28

Lon a dia dí-a wole lɛ woo a li, á pɛ-n kɛnɛn: «Mariya, ma á fòo diɛ n nɛ, Lawa tá kunun n ni, a na á n bɔ, á bǐɛ̃ gole baa nɛ.»

Luku 1:41

Elizabɛti bɛ́ á Mariya a fòo-diɛ lɛ ma, a din bǎã-n gɔrɔ, a nɛ bìn da a gɔ́ɔ̃ nɛ. Lawa a Yiri Fu gisĩ

Luku 1:43

A na á saa lɔn, min mɛn bɛ́ die maa Dɛnaa biɛ, bɛ dan daa n yii kɔ masɛ din doobaa kɛ li?

Luku 1:48

Masɛ din doobaa kɛ lɛ, ma na a din a bɛ̀rɛlɔ lɛa, sɛnɛ, á lɛ kɔ á n yɔrɔ da ma la. Bɛ lɛ nɛ, a n giala kɔ sisia ganaa a wo nyɛɛnaan yaa, minin tá re pii, mà masɛ wɔ bǐɛ̃ kɔ.

Luku 19:38

Maǹ nə́ goã pii kɛnɛn: «Kii ke die ka Dɛnaa tɔ nɛ, Lawa barka wɔ bɛ nɛ! Là nyantoro tá lon, gugurubaa goã lon a Lawa gole wɔ lɛa!»

Rɔmu minin 9:5

Ǹ dinin lɛn man wɔ digolo Abrahamu laanka Izaaki ka Zakɔba a nɛnyaanan lɛa. Haalɛ wɔ Nyin-sili Yezu Krita dɔ dinmaa lɛ nə ǹ dinin tɔrɔ min lɛa, gɔ̀nɔn siĩ wɔ gɔn la. Krita lɛ n Lawa lɛa, a din nə màn tumaa mìi la. Gugurubaa na a wɔ lɛa yǎa duduu. A n miɛ̃!

Ebrəə 12:2

Ka daa wɔ ga Yezu ganaa, a din nə golee Lawa li lɛ a giala-kɔle laanka a lɛ pã wole lɛa wɔ foo ne. Nyɛnyɛɛ mɛn bɛ́ koa-n nɛ, á n yii doa bɛ la, á gɛ̀ wɔ gɔn ganaa kɛ si a ganaa, a ga-a sìi lɛa wa. Bɛ kio, á giã gugurubaa ǹ bǎã nɛ Lawa a kii dankan gusin.

Sii yɔrɔ-bɔlen 5:24

Lɔn bii, Lawa die a barka da Kenii tɔrɔ Ebɛɛrɛ a lɔ Zayeli ganaa. Mɔnaa kion lɔn tumaa bii, Lawa die a barka da asɛ lɛ ganaa.