Luku 1:33 - LAWA A BOO SONBORE 2011

³³ A n die giɛ̃ Izirayeli tɔrɔ minin mìi la yǎa duduu, a kiibaa a re nyɛɛ wa.»

LAWA A BOO SONBORE

³³ A n die giɛ̃ Izirayeli tɔrɔ minin mìi la yǎa duduu, a kiibaa a re nyɛɛ wa.»

Luku 1:33 ပူးပေါင်းရင်းမြစ်များ

Samayeli2 7:13

Bɛ lɛ n die kion doe a masɛ tɔ da la. Man die bɛ lɛ koɛ kiibaa la yǎa duduu.

Samayeli2 7:16

N kion laanka n kiibaa lɛ n die goɛ̃ yǎa duduu. N kii dankan lɛ gɔ́ɔ̃ kooro á die goɛ̃ duduu wa.»

Loen 45:6

N kiɛ lɛ pɛpɛnɛn kɛn, bɛn tá re n zɔ́ɔn kɛn foɛ̃ ǹ koron ganaa. Tɔrɔ kɔsɔ minin kɛn lɛn tá re kiɛ tán-a n giulun, kii.

Loen 89:4

N din nə́ n pɛ kɛnɛn: Ma maa bɛ̀rɛgiĩ Davida mɛn bɔ, má lɛ kɔ kɔn la wɔ ka bɛ nɛ, má n liɛ nɛ, má pɛ:

Izayii 16:5

Bɛ kio, kii pàã á re gole koe a bǐɛ̃baa taman yii. Bɛa kii bɔlɔgoondɛnaa kɛ lɛ Davida tɔrɔ lɛa, á re gána lɛ nyɛɛnaan boe ka peperebaa nɛ. A n die goɛ̃ kiri-wɔle lɛa, a n koe dí-pɛn lɛ, a nə́ n yiri koɛ peperebaa li.

Izayii 9:7

Dɛnaa boo da Zakɔba tɔrɔn ganaa, bɛa boo lɛ mɛ Izirayeli gána la.

Zeremii 23:5

Á ke, lɛawaan tá re doe, Dɛnaa Lawa a da ǹ boo ne, Davida tɔrɔ taãn tá re yii, a kiibaa zɛnaa, ka yiridɛnaabaa nɛ. Á re peperebaa laanka sonborebaa zɛnɛɛ gána lɛ nɛ.

Danayeli sɛ́wɔ 2:44

Bɛa kiin kɛn lɛn wasa nɛ, lon a Lawa á re kiibaa lɛ kɔn koɛ, bɛ ná a re ziziɛ̃ duduu wa. Bɛa kiibaa lɛ dɔ á re n sii a n kɔ tɔrɔ kɔsɔ la wa. Bɛ lɛ n die kiibaa gialakun kɛ tumaa yɔyɔrɛ, a ǹ ziziɛ̃ lenlen, sɛnɛ, a din nə die goɛ̃ yàa duduu.

Danayeli sɛ́wɔ 4:34

Bɛ lɛ na á toa, masɛ Nebukadenezɔɔrɔ á lon a Kii lɛ tɔ boe sisia, ma na a tɔ siɛ lon, man gugurubaa diɛ a tɔ la. A giala, a nya ǹ dí tumaa n siĩni, a zɛnaa ǹ sii tumaa n pepere. Min mɛnɛn bɛ́ din gole kɔ ǹ sii zɛnɛɛ, pàã tá a lon a bɛn gisĩ.

Danayeli sɛ́wɔ 6:26

Bɛ kio kəni, kii tɔ́n sɛ́wɔ kiɛ̃ á dia kanaa paǹ tumaa nɛ, tɔrɔ tumaa a minin la, gána tumaa a minin ni, ka bɔlɔ woo bɔlɔ a pɛlen ne, á pɛ kɛnɛn: «Là nyantoro gole die a giã ka li!

Danayeli sɛ́wɔ 7:18

Bɛ kio, kiibaa lɛ á re doe lon a Lawa gole a zaman ganaa, á re goɛ̃ ǹ gɔn miɛ̃ yǎa duduu.»

Danayeli sɛ́wɔ 7:27

Bɛa biikoo li, kiibaa mɛn tumaa á ke bǎã woo bǎã nɛ kanaa kɛ gɔ́ɔ̃ nɛ, bɛn tá re n koe lon a Lawa gole a minin lɛn la. Ǹsɛn kiibaa lɛ na a tan yǎa duduu, goledɛnan tumaa á re dí nyɛɛ ǹ nɛ, ǹ nə ǹ bɔlɔ si.»

Abdiasi 1:21

Min mɛnɛn nə kirisibaa bɛn tá re dii Siɔn kele kɛ la, ǹ giã Ezawu gána mìi la. Kiibaa á die goɛ̃ Dɛnaa Lawa nɛ!

Misee 4:7

Wɔ̀lɔ̀ goã ǹ mɛnɛn lɛn ganaa, ma á re bɛn toɛ maa zaman lɛ tɔrɔ lɛa. Ǹ nə ǹ mɛnɛn lɛn loo, ǹ nə́ woo ǹ ne sɔsɔɔ, ma á re ǹ soekɔn, ma ǹ baa gána pàãdɛnaa lɛa. Dɛnaa Lawa din tá re goɛ̃ ǹ kii lɛa, Siɔn kele kɛ la, a kũ bɛa pinaa lɛ ganaa, yǎa duduu.

Matiə 1:1

Yezu *Krita n kii Davida laanka Abrahamu tɔrɔ lɛa. Ǹ digolon tɔn nə́ ke:

Matiə 28:18

Yezu nə́ n zɔ̃ á dɔ, á pɛ ǹ nɛ: «Lawa pàã tumaa kɔ ma la lon, á kɔ ma la tán.

Luku 1:34

Bɛ kio, Mariya pɛ lon a dia dí-a wole lɛ nɛ: «Bɛa siin kɛn lɛn man die n zɛnɛɛ lɔn, a da yaa, masɛ n ma a giĩ doɛ̃ wa?»

Rɔmu minin 9:6

Ma bie giɛ li ma pɛ, mà Lawa boo mɛn da, mà bɛ giala yɛ wa. Haayii! Sɛnɛ, sonbore ne, min mɛnɛn tumaa bɛ́ Izirayeli tɔrɔ lɛa, bɛn tumaa bie Lawa a minin lɛa wa.

Galaasi minin 3:29

Bɛ̀ ka á Krita wɔn lɛa, bɛ n nyɛɛ kəni, mà ka n Abrahamu tɔrɔn dɔn lɛa. Lawa nə n lɛ kɔ la ka bǐɛ̃n mɛnɛn nɛ, ka dɔn tá re bɛn yii, a kɔnpɛ ka Lawa din a lɛ-kɔ kɛ nɛ.

Galaasi minin 6:16

Min mɛnɛn bɛ́ koe bɛa sii kɛ lɛ, là nyantoro laanka Lawa a makara-doɛ̃ die ǹ dɔ bɛn li kun ka Lawa a zaman kaa kun kɛ din tumaa nɛ.

Filipi minin 3:3

Bɛ̀ kurii wolebaa a lɛa nɛ, wɔsɛn lɛn man kurii wole taãnan lɛa, ǹsɛn bie wa; a giala wɔsɛn man dí nyɛɛ Lawa nɛ, ka a din Yiri ni, wɔ nə n foo doɛ Yezu *Krita ganaa, wɔ n wɔ ba n foo doɛ minbuiinin kanaa sii-zɛnaan ganaa wa.

Ebrəə 1:8

Sɛnɛ, Lawa màn mɛn pɛ a Nɛgiĩ ni, bɛ á ke: «N kiibaa lɛ n Lawa wɔ kɛ miã lɛa yǎa duduu. N din nə n minin lɛn nyɛɛnaan boe ka peperebaa nɛ.

Sii-nyaan 11:15

Lon a dia dí-a wole sɔbaabaa ǹ wɔ tɔ́n a bɛn pɛ, lɛn dadaran nə́ bɔ lon ǹ nə́ pii: «Kanaa a kiibaa lɛ n wɔa Dɛnaa Lawa wɔ lɛa kanna, ká Krita kɛ nɛ. A n die goɛ̃ pàã la baraabaraa yǎa duduu.»