Luku 1:20 - LAWA A BOO SONBORE 2011

²⁰ Ma bɛ́ má siin mɛnɛn pɛ n nɛ, bɛn man die n zɛnɛɛ ǹ kɔnpɛ ǹ biikoo ne. Sɛnɛ, n bɛ́ n lɛ kɔ ǹ-a wa, bɛ lɛ taman yii, n tá re lɛ tere-a biɛ, n ba re boe la n boo da wa, yǎa bɛa siin kɛn lɛn zɛnaa pinaa doe.»

LAWA A BOO SONBORE

²⁰ Ma bɛ́ má siin mɛnɛn pɛ n nɛ, bɛn man die n zɛnɛɛ ǹ kɔnpɛ ǹ biikoo ne. Sɛnɛ, n bɛ́ n lɛ kɔ ǹ-a wa, bɛ lɛ taman yii, n tá re lɛ tere-a biɛ, n ba re boe la n boo da wa, yǎa bɛa siin kɛn lɛn zɛnaa pinaa doe.»

Luku 1:20 ပူးပေါင်းရင်းမြစ်များ

Kiin2 7:19

Dí-nyali lɛ na á goã á pɛ Lawa a min lɛ nɛ mà ta Dɛnaa Lawa n lon a dɔǹɔn lɛ buĩ, mà kɛ ba boe la a n zɛnaa wa. Yǎa Yiliizee dɔ tɔn a lɛ si mà a tá re yii ka a yii ni, sɛnɛ, mà a na a ba re bii wa.

Kiin2 7:2

Kii a dí-nyali mɛn bɛ́ mɔrɛɛ nɛ a ganaa, bɛ Yiliizee lɛ si: «Ta Dɛnaa Lawa din na á lon a dɔǹɔn lɛ bũ, kɛa boe la a n zɛnaa doɛ̃ wa.» Yiliizee nə́ n toa: «N tá re yii ka n yii ni, sɛnɛ, n ba re bii wa.»

Bɔ bɛ̀rɛbaa nɛ 4:11

Dɛnaa pɛ-n kɛnɛn: «Die na á lɛ kɔ minbuiin nɛ la? Die n minbuiin nɛ lɛ tiɛ̃, a nà a too tã? Die n toɛ a yii á wɔlɔ yii, die na a yii tiɛ̃? Ma din Dɛnaa Lawa bie wa?

Izayii 7:9

Samarii kɛ dɔ Efrayimu tɔrɔn kiwi gole lɛa, Remalia a nɛgiĩ sɛ n kii lɛa walan. Bɛ̀ ka n foo doa Dɛnaa Lawa ganaa wa, ka a re yii-nyɛɛ yii wa.

Ezekieli 24:27

Bɛa baa si a la wole kɛ lɛ a daa pinaa dɔ nɛ, n lɛ á re n buĩ. N tá re boo diɛ, n ba re goɛ̃ lɛ tere-a lɛa doo wa. N sii kɛ lɛ á re sii giala pii ǹ ni. Ǹ tá re doɛ̃ ka bɛ lɛ-n kəni, mà ma din nə Dɛnaa Lawa lɛa.»

Ezekieli 3:26

Ma á re n lɛwɔn damɛ n lɛ gɔ́ɔ̃ nɛ, n ba re boe la doo, n boo da, n piã-wɔlen kɛn zɛ̀rɛbaa wa.

Danayeli sɛ́wɔ 10:15

A bɛ́ a gialaa bɛa boon lɛn diɛ ma nɛ, má n mìi zuməə tán, ma boo kɔn da wa.

Minin nimi 20:12

Sɛnɛ, Dɛnaa Lawa pɛ Muizu laanka Aarɔn nɛ: «Ka bɛ́ ka waa masɛ la wa, ka masɛ a gugurubaa nyaa Izirayeli minin lɛn yɔrɔ-a wa. Bɛ lɛ n ke, gána ke masɛ ń die koe zaman lɛ la, kasɛn kɛn bie re woe ka zaman lɛ-n walan wa.»

Marki 16:14

Bɛ tumaa kio, Yezu nə́ n din nyaa a kialandɛnaa fulugoon ne, bɛ̀ maǹ màn bii. Ǹ golee Lawa li baã laanka ǹ too kakabaa a la yii-n lɛ na á toa, Yezu yoo ǹ gialaa, a giala min mɛnɛn nə yɛ a yii n koo, ǹ golee bɛn lɛn boo li wa.

Marki 9:19

Yezu tɔ́n pɛ ǹ nɛ: «E, kasɛn golee Lawa li baãnaan kɛn! Masɛ n die goɛ̃ kun ka nɛ yǎa biĩ doo, ka tɔn golee Lawa li? Ma n die kaa sii sii ma ganaa miɛ̃ yǎa biĩ kəni? Ka nɛ lɛ kũ ka da kɔ ma la.»

Luku 1:19

Lon a dia dí-a wole lɛ tɔ́n pɛ nɛ: «Masɛ tɔ n Gabarayeli, man lon a dia dí-a wolen goledɛnaa goon lɛa, ma bɛ́ dí nyɛɛ Lawa mɛn nɛ, bɛ lɛ na á masɛ dia, mà ma da boo tii kɔɔ̃n kɛ pɛ n nɛ.

Luku 1:21

Bɛa biikoo kɛ lɛ din tumaa li, zaman lɛ nə n yii diɛ Zakarii la kanaa, ka bɛ dɔ nɛ, maǹ nə́ goã n kaãbiɛ a belebɔ kion gɔ́ɔ̃-n lɛ ganaa.

Luku 1:22

Zakarii bɛ́ á soo ǹ mɛn waáraa, a boo la á boo da min ni wa, zaman lɛ dɔ̃, mà a yii na á màn yɛ Lawa a kion nyɛɛnaan sonbore lɛ nɛ. A goã boo diɛ min kɔ́n nɛ wa, a na á goã n gɔnɔn dininsɔɔ̃nɔn biĩ.

Luku 1:45

Nsɛ wɔ bǐɛ̃ kɔ, nsɛ mɛn bɛ́ n lɛ kɔ a ganaa, Dɛnaa Lawa nə ǹ dia ǹ nə́ daa boo mɛn pɛ n nɛ, bɛ á die n zɛnɛɛ sonbore.»

Luku 1:64

A din bǎã-n gɔrɔ Zakarii dɔ́ boo la á boo da, yǎa a yoo á n Lawa tɔ boe.

Rɔmu minin 3:3

Sonbore ne, ǹ tɛnɛn nə goã bɔlɔgoondɛnaabaa la wa. Sɛnɛ, bɛ á boe la a Lawa a bɔlɔgoondɛnaabaa sàabaa ya?

Timote2 2:13

Ta wɔ a bɔlɔgoondɛnan lɛa wa, asɛ á die goɛ̃ bɔlɔgoondɛnaa lɛa, a giala, a boe la a n piã ka a din bɔlɔ-n wa.»

Tiitii 1:2

ń giɛ yiri doa nyin nyabaã ganaa kɛ á goɛ̃ ǹ li. Lawa mɛn bɛ́ a soɛ boe wa, a din na á lɛ kɔ wɔ la ka bɛa nyin nyabaã kɛ lɛ nɛ, bɛ̀ kanaa tɔn nə n giala kɔ wa.

Ebrəə 6:18

A na á ga li, mà a foo-doa ǹ sii màn paa zɛnaa wɔ nɛ, a lɛ-kɔ kɛ laanka a liɛ kɛ nɛ. Lawa a boe la, a soɛ bɔ bɛa sii paa kɛ lɛ gɔ́ɔ̃-n wa. Wɔsɛn mɛnɛn bɛ́ kiɛ Lawa yele, wɔ nə́ n gɔn parɛɛ Lawa din a foo doa ǹ màn kɛ ganaa á kɔ wɔ la, bɛa sii paa kɛ lɛ n wɔ foo taɛ̃ parsiini.

Sii-nyaan 3:19

Min mɛn bɛ́ kɔɔ̃n ma ganaa, man doree ka ma we ne. N gù kaa, n wusoo n sii baraan kio.