Luku 1:17 - LAWA A BOO SONBORE 2011

¹⁷ Á re die Dɛnaa nyɛɛnɛ, a na a daa boo pɛ. Á re die ka Lawa a Yiri Fu pàã-n a lon, ka Lawa a boo gii-dali Yilii bɛ́ á goã lɔn. Á die díin laanka nɛn kiɛ kun. Á die toɛ, min mɛnɛn nə n piã lɛlɛ ka Lawa nɛ, bɛn nə wusoo, ǹ da a ganaa, màn mɛn bɛ́ toɛ, Lawa din tɔrɔ mɛn bɔ, bɛ nə n yɔrɔ bɔ, a n yii da Dɛnaa lɛ la.»

LAWA A BOO SONBORE

¹⁷ Á re die Dɛnaa nyɛɛnɛ, a na a daa boo pɛ. Á re die ka Lawa a Yiri Fu pàã-n a lon, ka Lawa a boo gii-dali Yilii bɛ́ á goã lɔn. Á die díin laanka nɛn kiɛ kun. Á die toɛ, min mɛnɛn nə n piã lɛlɛ ka Lawa nɛ, bɛn nə wusoo, ǹ da a ganaa, màn mɛn bɛ́ toɛ, Lawa din tɔrɔ mɛn bɔ, bɛ nə n yɔrɔ bɔ, a n yii da Dɛnaa lɛ la.»

Luku 1:17 ပူးပေါင်းရင်းမြစ်များ

Kiin1 17:1

Tisibii min, Yilii mɛn nə́ ke Galaati gána min goon lɛa, bɛ pɛ Akaabu ni: «Dɛnaa Lawa Yiikoonaa tɔ nɛ, Izirayeli a Lawa lɛ, ma bɛ́ dí nyɛɛ ǹ mɛn lɛn nɛ, lɛ̀n kɛn die giɛ̃, la ba re kiɛ wa, pele dɔ a die koe wa, bɛ̀ ma bie ma boo da wa.»

Kiin1 18:18

Yilii ná a lɛ si: «Masɛ sii bie wa. N din laanka n kion minin sii ni. A giala, ka Dɛnaa Lawa a gɔn waa ǹ boon toa walan, ka bɛ dɔ nɛ, ń *Baali nyínin guguru kɔ.

Kiin1 21:20

Akaabu bɛ́ á Yilii yɛ, á pɛ nɛ: «Ee maa zɔ́ɔ, ń ma wɔlɔ yɛ kəni.» Yilii tɔ́n na a lɛ si: Má n wɔlɔ yɛ, a giala n nə́ n din kɔ dí baraa nya la, Dɛnaa Lawa yɔrɔ-a.

Kiin2 1:16

Yilii pɛ kii lɛ nɛ: «Dɛnaa Lawa mà n bɛ́ ń minin dia woe nɔ̀n diɛ Ekrɔn kiwi a dì Baali-Zebubu la, mà Lawa na a banban Izirayeli gána nɛ min nə́ boe la a nɔ̀n da la wa? Bɛ lɛ nɛ, n mɛ tán piì mɛn la, n ba re yui n nə n bɔ bɛ la doo wa, a giala n tá re giɛ̃ a giala yii li.»

KZS1 29:18

Dɛnaa Lawa, wɔ digolo Abrahamu, Izaaki, ka Izirayeli a Lawa, biikoo tumaa li, toa taasiɛn kɛn nə goã n zaman lɛ foo ne, ǹ nə n foo bɔyaa taãnɛ ǹ dia n din la.

KZS2 29:36

Ezekiasi ni ka Izirayeli tɔrɔn lɛn tumaa foo kɔɔ̃n kɔ á la yii ni, Lawa a zɛnaa ǹ sii taman yii zaman lɛ nɛ, a giala ǹ tumaa nə́ n zɛnaa fufuu.

Loen 10:17

Dɛnaa Lawa, n din bɛ́ n pàãwɛɛnaan gɔ́ɔ̃gɔ́ɔ̃ ǹ siin zɛnɛɛ, n din nə ǹ foo taɛ̃, n din nə n too koe ǹ lon taãn-taãnɛ.

Loen 111:10

Sii-doɛ̃ nə n giala koe ka nyɛ́ɛ baa Dɛnaa Lawa yii-n ni. Min mɛnɛn tumaa bɛ́ zɛnɛɛ miɛ̃, bɛn man sii-dɔ̃li taãnan lɛa. Gugurubaa n Dɛnaa Lawa wɔ lɛa yǎa duduu.

Loen 78:8

Ǹ baran n baa ka ǹ digolon kɛn bɛ́ lɔn wa. Tɔrɔ too kaka-a, piã-wɔlen manɛ. Ǹ yiri n paa, ǹ ba n foo doɛ Lawa ganaa wa.

Izayii 29:24

Yiriwɛɛnaan tá re yiri yii, boo bisin dalin tá re n too koe doroo li.

Amɔɔsi 4:12

Bɛ lɛ na á toa, Izirayeli minin lɛn, ka sii mɛn zɛnaa, man die a dɔlɔ boe ka ganaa. A bɛ́ miɛ̃, Izirayeli minin lɛn, ma din bɛ́ n kaa Lawa lɛa, ka n yɔrɔ bɔ, ka da n da kaa Lawa lɛ.

Matiə 11:14

Ǹ tumaa pɛ mà Yilii á re die, ta ka lɛ kɔ woo, ta ka lɛ kɔ wa, a din Zaã kɛ lɛ nɛ, ǹ ná a boo da.

Matiə 14:4

Bɛ lɛ nɛ, Zaã goã pii ni mà a doamaa bie a kũ a baa a lɔ lɛa wa.

Matiə 3:3

Lawa a boo gii-dali Izayii boo da min mɛn wɔ gɔn la, Zaã din ni. A na á pɛ: «Min a lɛ-dia bɔ diə gɔ́ɔ̃ nɛ á pɛ: Ka Dɛnaa a zii zɛnaa. Ka zii telee sonboren zɛnaa nɛ!»

Matiə 3:4

Zaã na á goã nyɔɔmaa ka dɔnkɛ we, a bii yii ǹ maabɛlɛ na á goã ki lɛa, a màn-bii na á goã ka bisin laanka zoo nyɔɔ nɛ.

Luku 1:16

A nya ǹ dí n die toɛ Zuifun gigiã wusoo, ǹ da ǹ Dɛnaa Lawa ganaa doo.

Luku 1:76

Nsɛ nɛnyaan tiɛɛ̃n lɛ dɔ ganaa, maǹ die n bíi lon a Lawa gole a boo gii-dali, ma n die die wɔa Dɛnaa nyɛɛnɛ, ma n die wɔa Dɛnaa a ziin zɛnɛɛ.

Zaã a sɛ́wɔ 1:13

Ǹ bie yii díi laanka náa la ka minbuiinin wɔ bɛ́ lɔn wa, sɛnɛ Lawa din nə yiikoonaabaa dii koe ǹ la.

Zaã a sɛ́wɔ 1:34

Ma din yii na á Yiri Fu lɛ yɛ gisĩ la, bɛ lɛ n toɛ ma tá a siére pii máa giĩ kɛ lɛ, Lawa a Nɛgiĩ ni.»

Zaã a sɛ́wɔ 3:28

Ka dininmaan kɛn lɛn, ka dinin man masɛ a siéren lɛa, má pɛ ka nɛ máa ma bie Minin Nyin-sili lɛa wa, sɛnɛ, Lawa min mɛn dia a nyɛɛnɛ, masɛ din ni.

Nya ǹ dín 10:33

A din bǎã-n gɔrɔ má minin dia giɛ n li. N dɔ́ minbaa zɛnaa, ń lɛ kɔ ń daa wɔsɛn li. Sisia, wɔsɛn tumaa bɛ́ n yɔrɔ-a, Dɛnaa màn mɛn kɔ n la mà n pɛ, wɔsɛn man die n too koe bɛ li.

Rɔmu minin 9:23

Min kɔsɔn dɔn tan, Lawa n die makara boe bɛn ganaa. Bɛn laan mà maǹ yii kanaa dinin, bɛ̀ Lawa ná a yɔrɔ bɔ, mà ǹ tá re ǹ wɔ gii yii a din a gugurubaa kɛ nɛ. Lawa n die a din a gugurubaa kɛ a golebaa nyɛɛ wɔ dinin lɛn manɛ.

Kolɔɔsi minin 1:12

ka boo la ka barka da Díi Lawa nɛ ka foo kɔɔ̃n nɛ. Lawa mɛn bɛ́ á zii bũ ka nɛ, a bɛ́ màn mɛn koɛ a minin manɛ, a din a wɔlɔ fúlu kɛ nɛ, a die a toa ka kaa wɔ gii yɛ bɛ nɛ.

Timote2 2:21

Bɛ̀ min mɛn nə n din kũ, bɛa boo kooron lɛn ganaa, bɛa dɛnaa á die dí nya ǹ màn sonbore biɛ. A giala, a n Dɛnaa wɔ lɛa, á n sii bǐɛ̃ koe Dɛnaa nɛ, á n boe la a zɛnaa ǹ sii sonbore tumaa zɛnaa.

Piɛrɛ1 2:9

Sɛnɛ, kasɛn man Lawa a tɔrɔ boe lɛa, tɔrɔ mɛn bɛ́ Kii Lawa a wúlu-bɔlen lɛa. Kasɛn man tɔrɔ lɛa, Lawa koa a gɔrɔn a din wɔ lɛa, tɔrɔ mɛn a minin bɛ́ Lawa wɔn lɛa. A na á ka bíi á ka bɔ wɔlɔ tì li, á daa ka nɛ a din a wɔlɔ fúlu sonbore kɛ li, mà ka a din a sii sonboren kɛn laakalaa.

Zaã1 2:28

A bɛ́ miɛ̃ kəni, maa nɛnyaanan lɛn, ka toa ka goã kun ka Krita nɛ, ń giɛ, wɔ á goɛ̃ piɛ̃-n ka foo-doa nɛ, a din-nyaa biikoo li, sìi baran wɔ kũ a daa pinaa, wɔ wɔlɔ lui a ganaa wa.

Sii-nyaan 20:4

Má tɔ́n kii dankanan yɛ. Min mɛnɛn bɛ́ giã nɛ ǹ la, ǹ nə́ lɛ kɔ ǹ la, mà ǹ dinin nə kiri kuru. Min mɛnɛn bɛ́ ǹ nə́ gɛ̀ wɔ lɛlɛ, Yezu a boo taãn laanka Lawa a boo a lɛa, ka ǹ mɛnɛn bɛ́ ǹ goã Tɔɔ kɛ laanka a nyín guguru koe wa, ǹ lɛ dɔ kɔ ǹ ná a nyaǹ kiɛ̃ ǹ nyanlɛ-a ka ǹ gɔn nɛ wa, má wusoo má bɛn telenboenən yɛ. Bɛn tumaa wusoo ǹ nə́ yiikoonaabaa yɛ, ǹ nə́ giã pàã la kun ka Krita nɛ, yǎa lɛ̀ duu goon.

Samayeli1 7:5

Samayeli pɛ: «Ka Izirayeli kuturu lɛ sɔkɔn Misipaa, masɛ n die Dɛnaa Lawa nyankoe kaa lɛa.»