Loen 82:5 - LAWA A BOO SONBORE 2011

⁵ Sɛnɛ, ka a màn kɔn doɛ̃ wa, ka a màn kɔn giala miɛ wa. Ka n tɔ we wɔlɔ tì li, ka nə́ n gɔn tatalɛɛ. Bɛ lɛ a lɛa nɛ, kanaa lɛ lɛ á kanaa nɛ, á n giɛ li a bɔ̀n baa.

LAWA A BOO SONBORE

⁵ Sɛnɛ, ka a màn kɔn doɛ̃ wa, ka a màn kɔn giala miɛ wa. Ka n tɔ we wɔlɔ tì li, ka nə́ n gɔn tatalɛɛ. Bɛ lɛ a lɛa nɛ, kanaa lɛ lɛ á kanaa nɛ, á n giɛ li a bɔ̀n baa.

Loen 82:5 ပူးပေါင်းရင်းမြစ်များ

Zɔbu 8:9

A giala, wɔsɛn man gunun nɛnyaanan lɛa, wɔ a màn kɔn doɛ̃ wa. Wɔa yiikoonaabaa lɛ tán la, a n ka màn nyín bɛ́ lɔn.

Loen 11:3

Sii kɔn din bɛ́ a ba a giala la doo wa, min pepere n boe la a wàa zɛnaa?

Loen 14:4

Dɛnaa Lawa pɛ: Min kɔn na a ba min baraan kɛn bii, á boo giala miɛ duduu wa? Ǹsɛn mɛnɛn bɛ́ bɔ̀n diɛ maa minin ganaa, ǹ nə́ n dinin toe ne, ǹ nə́ ǹ ba n yɔrɔ diɛ ma dinmaa la duduu wa.

Loen 53:4

Ǹ tumaa sã, ǹ tumaa ziziɛ̃. Ǹ kɔn din banban, bɛ́ n sii bǐɛ̃ zɛnɛɛ wa. Haalɛ goone!

Loen 75:3

Lawa lɛ n pii kɛnɛn: Ma bɛ́ re biikoo mɛn koɛ, bɛ̀ bɛ́ dɔ, ma á re kiri kuri ka peperebaa nɛ.

Loen 99:1

Dɛnaa Lawa n kii lɛa, tɔrɔn man bìn diɛ. A n giã-n lon màn yiikoonaan la, kanaa n tatalɛɛ.

Suusun 1:29

Bɛ n die n zɛnɛɛ a giala ka n piã ka doɛ̃ nɛ, ka n piã ka nyɛ́ɛbaa Dɛnaa Lawa yii n ni.

Suusun 2:13

Ǹ mɛnɛn bɛ́ zii pepere toɛ walan ǹ nə́ tɔ we wɔlɔ tì li, ǹ tá re n kanbiɛ bɛn ganaa.

Suusun 4:19

Sɛnɛ, min mɛnɛn bɛ́ sii baraa zɛnɛɛ, bɛn wɔ n wɔlɔ tì lɛa ka tèlò bɛ́ lɔn. Màn mɛn bɛ́ re ǹ boe a ǹ daa, ǹ yii ba bɛ-a wa.

Boo-laakalaali 2:14

Sii-dɔ̃li tá giɛ tán, gàãnaa n tɔ we wɔlɔ tì li. Sɛnɛ masɛ á doɛ̃, máa a din sii goon lɛ n die ǹ dinin paanan yii.

Boo-laakalaali 3:16

Ka bɛ dɔ nɛ, kanaa kɛ nɛ, má yɛ doo, baraabaa na á mɛ sii yɔrɔ bɔ bǎã nɛ, baraabaa na á mɛ peperebaa bǎã nɛ.

Izayii 5:7

Dɛnaa Lawa Pàãyiidɛnaa a rezɛ̃ wuru n ka Izirayeli ni. Dan mɛnɛn nə goã kɔɔ̃nɛ a ganaa parsiini, bɛ n ka Zudaa a zaman nɛ. Dɛnaa Lawa nə n yii diɛ peperebaa la, sɛnɛ bǎã tumaa nɛ, peperebaabaã nɛ. A nə n yii diɛ sonborebaa la, sɛnɛ bǎã tumaa nɛ, sonborebaabaã nɛ.

Izayii 59:9

Bɛ lɛ nɛ, sonborebaa wɔlɔ á lui-n wɔ ganaa, peperebaa a doe wɔ li wa. Wɔ nə n yii diɛ wɔlɔ fúlu la, sɛnɛ, wɔ n wɔlɔ tì li. Wɔ nə n yii die lɛ̀ a waa la, sɛnɛ, wɔ ǹ tɔ we wɔlɔ tì li.

Misee 3:1

Zakɔba tɔrɔn goledɛnan lɛn, Izirayeli minin sii yɔrɔ-bɔlen lɛn, masɛ Misee n ka nyankoe: ka bǐɛ̃ kɔ ka n too kɔ. Min doamaa nɛ a sii yɔrɔ bɔ ǹ gɔn nyaa kasɛn kɛn ma-n doo?

Zaã a sɛ́wɔ 12:35

Yezu tɔ́n pɛ ǹ nɛ: «Wɔlɔ fúlu tá ka bii bɔrɔ, sɛnɛ, a die beleboe wa. Wɔlɔ fúlu bɛ́ ka li ǹ mɛn waáraa, ka tɔ wɔ bɛa biikoo li, màn mɛn bɛ́ toɛ, wɔlɔ tì baran da ka tɔwaa wa. A giala, min mɛn bɛ́ tɔ we wɔlɔ tì li, bɛa dɛnaa ba a din a woo ǹ bǎã doɛ̃ wa.

Zaã a sɛ́wɔ 3:19

Kiri lɛ a wɔ ǹ mìi á ke: Wɔlɔ fúlu daa kanaa gɔ́ɔ̃ nɛ, sɛnɛ, wɔlɔ tì kɔɔ̃n kɔ minbuiinin ganaa á la wɔlɔ fúlu ni, a giala ǹ zɛnaa ǹ siin ba siĩn-n wa.

Rɔmu minin 1:28

Ka bɛ dɔ-n doo, ǹ lɛ kɔ ǹ nə́ Lawa doɛ̃ sii toa ǹ gɔ́ɔ̃-n wa. Bɛ lɛ nɛ, Lawa nə́ ǹ toa ǹ dinin yiri gɔgɔrɛ kɛ gɔn, màn mɛn bɛ́ toɛ, siin mɛnɛn doamaa bɛ́ n bie ka zɛnaa-n wa, ǹ bɛn zɛnaa.

Timote2 2:19

Sɛnɛ, Lawa din kion giala mɛn daa, bɛ lɛ n goɛ̃. Boon kɛn man kiɛ̃ nɛ a ganaa gɔn bǎã lɛa kɛnɛn: «Dɛnaa din tá a wɔn doɛ̃.» Á n pɛ dɔn: «Min mɛn tumaa bɛ́ mà asɛ n Dɛnaa wɔ lɛa, bɛ nə n bɔ sii baraa wɔlɔ li.»

Zaã1 2:11

Sɛnɛ, bɛ̀ min mɛn dɔɔ̃n tìĩ á boe-n a nyin ni, bɛ n tɔn wɔlɔ tì li, a n tɔ we wɔlɔ tì li. A bɛ́ woe bǎã mɛn nɛ, a bɛ doɛ̃ wa, a giala, wɔlɔ tì na á baa yii tere-a lɛa.