Loen 8:1 - LAWA A BOO SONBORE 2011

¹ Loe-saalin goledɛnaa loe mɛn lɔ. Ǹ Gaati minin tùtu da loe mɛn li. Davida a loe n ke.

LAWA A BOO SONBORE

¹ LOE-saalin goledɛnaa loe mɛn lɔ. Ǹ Gaati minin tùtu da loe mɛn li. Davida a loe n ke.

Loen 8:1 ပူးပေါင်းရင်းမြစ်များ

Kiin1 8:27

Lawa á die boe la sonbore a tán baa a giã bǎã lɛa? Lon lɛ din laanka a golebaa nɛ, bɛ ba a giã ǹ bǎã boe wa, n tɔn kion kɛ pɛ má dɔ!

Loen 145:1

Davida a Lawa tɔ bɔ ǹ loe n ke. Maa Lawa, n din nə maa kii lɛa. Man die n din guguru koe, man die barka diɛ n din ni miɛ̃ duduu.

Loen 148:13

Kasɛn tumaa loe lɔ ka Dɛnaa Lawa tɔ bɔ nɛ, a giala, a dinsɔɔ̃ tɔ n gole. A siĩnbaa kɛ tán laanka lon si, á n kɔ lɛ.

Loen 36:5

Bɛ̀ a tá a piì la, a nə n taasɛ ka sii kɔkɔrɔ zɛnaa dinsɔɔ̃ nɛ. Zii mɛn bɛ́ a siĩn wa, a nə n gɔn parɛɛ bɛ ganaa. A sii baraa kiɛ doɛ̃ wa.

Loen 57:5

Man min baraan bii. Maǹ baraa ka yàra min-sɔ̃lin bɛ́ lɔn. Ǹ sɔn man pɛpɛnɛ ka sɛmiɛ̃n bɛ́ lɔn, pɛpɛnɛ ka kiɛn dɔn bɛ́ lɔn. Ǹ lɛwɔn dɔ n lɛ boe ka gɔya sa bɛ́ lɔn.

Loen 63:1

Davida a loe, bɛ̀ a bɛ́ don sabii Zudaa gána nɛ.

Loen 68:4

Sɛnɛ, min peperen sɛn manə n nyɛnyɛɛ, ǹ foo n kɔɔ̃n Lawa yɔrɔ-a, ǹ nə́ foo kɔɔ̃nbaa ǹ bɛ̀ biɛ.

Loen 8:9

bàanan nɛ ka zɔ̀n nɛ, ka màn mɛn tumaa bɛ́ yìsi mu gole li.

Loen 81:1

Loe-saalin goledɛnaa loen mɛnɛn lɔ. Asaafu a loe goon ne. A nə n loe bɛ̀ Gaati ná a bɛ̀ dɛ ǹ màn diɛ li.

Loen 84:1

Loe-saalin goledɛnaa loe mɛn lɔ, Gaati minin tùtu wuu li. Koore a minin loe goon ne.

Bɔ bɛ̀rɛbaa nɛ 15:11

Dɛnaa, die n ka n bɛ́ lɔn lawan bii? Die n ka n bɛ́ lɔn, a siĩnbaa n yii kɛnɛn? Die n ka n bɛ́ lɔn, màn gole lɛa, màn yii guguru-a dɔ lɛa, a n boe kaãbaa ǹ siin zɛnaa la? Min kɔ́n!

Loe kɔɔ̃n kɔɔ̃n 5:16

A sɔɔ min ni n nɔnɔɔ, ka min na a dinmaa tumu saa n mui. Zeruzalɛmu nɛlɔn lɛn, ma din foo dùũ wɔ lɛ n ka bɛ nɛ, maa paa ǹ wɔ lɛ n ka bɛ nɛ.

Izayii 26:13

Dɛnaa Lawa, wɔa Lawa, mìinaa kɔsɔn nə́ goã wɔ mìi la. Sɛnɛ, wɔ nə n dinsɔɔ̃ guguru koe.

Abakuku 3:3

Lawa n boe Temaa, Lawa sonbore lɛ n boe Paran a kelen la. *Doa A golebaa lon pã, a tɔ laakalaa tán pã.

Matiə 22:45

Bɛ̀ Davida dinmaa lɛ bíi, "maa Dɛnaa", a Davida tɔrɔ baa dinsɔɔ̃ giala na á saa lɔn?

Zaã a sɛ́wɔ 20:28

Toomaa tɔ́n pɛ nɛ: «Maa Dɛnaa! Maa Lawa!»

Efɛɛzi minin 4:10

Min mɛn bɛ́ á gisĩ, a din goon kɛ lɛ dɔ na á dii haalɛ lon sɔɔsɔɔ, ń giɛ á boe la a bǎã tumaa pã.

Timəə dí-pɛn 28:58

Dí-pɛn boon mɛnɛn tumaa bɛ́ kiɛ̃-n sɛ́wɔ kɛ nɛ, bɛ̀ ka yiri bɔ bɛn li ká kɔ ǹ lɛ wa, tɔ mɛn lɛ á ke gugurubaa ná a nɛ á n nyɛ́ɛ dɔ diɛ, "kaa Lawa, Dɛnaa Lawa" lɛ, bɛ̀ ka nyɛ́ɛ baa bɛ-n wa,

Filipi minin 3:8

Maa Dɛnaa Yezu Krita doɛ̃ kɛ bɛ́ bǐɛ̃ gole gole mɛn lɛa ma yɔrɔ-a, bɛ lɛ n toɛ ma á pii, máa bɛa ga tɔ li ǹ sii kɛ lɛ tumaa n papaã ǹ sii lɛa. Dɛnaa a lɛa nɛ, má n la bɔ ma din a là sii tumaa ganaa; man giɛ bɛ tumaa ganaa yisi lɛa, ń giɛ ma á Krita yii.

Ebrəə 7:26

Wɔ laadoo bɛ́ wúlu-bɔlen kiã mɛn ganaa, bɛ n ka Yezu ni. A n siĩni; zɛ̀rɛ laanka sii baraa kɔ́n ba a ganaa wa. A sii kɔ́n dɔ ba kun ka sii baraa-zɛnaalin wɔ-n wa. Lawa saa lon a ná a gole kɔ, á la lon màn tumaa nɛ.

Sii-nyaan 19:6

Má ma doo ka zaman gole lɛn nə boe, a wuu n boe ka mu bɛ́ n toe màn nɛ lɔn, ka la a paraa bɛ́ lɔn, á goã pii: «Aleluya! Lawa tɔ bɔ! A giala mà wɔa Dɛnaa Lawa Pàãyiidɛnaa n kiibaa ǹ pàã la!