Loen 71:16 - LAWA A BOO SONBORE 2011

¹⁶ Dɛnaa Lawa, ma á re n Pàãyiidɛnaabaa kɛ laakalɛɛ. Ma á re n dinsɔɔ̃ a peperebaa kɛ boo diɛ.

LAWA A BOO SONBORE

¹⁶ Dɛnaa Lawa, ma á re n Pàãyiidɛnaabaa kɛ laakalɛɛ. Ma á re n dinsɔɔ̃ a peperebaa kɛ boo diɛ.

Loen 71:16 ပူးပေါင်းရင်းမြစ်များ

Loen 106:2

Die n boe la, a Dɛnaa Lawa a nya ǹ dí dadaraan kɛn pɛ, a ǹ nya? Die n boe la, a na a tɔ bɔ a zii li?

Loen 29:11

Dɛnaa Lawa din tá re pàã koe a minin kɛn la, Dɛnaa Lawa din tá re a minin kɛn gɛrɛsiɛ boe, a là nyantoro kɔ ǹ la.

Loen 51:14

Maa kirisibaa lɛ taman yii, n din wusoo n foo kɔɔ̃nbaa kɔ ma la, n din nə n dɔ ma lɛ n bɔlɔ si ǹ yiri kɔ ma la.

Loen 71:15

Baraabaraa, n peperebaa boo kɛ n ma lɛ-a, ma nə n minin kirisibaa kɛ boo diɛ. Ma ba n bǐɛ̃-zɛnaa kɛ din lɛ doɛ̃, ma pɛ wa.

Loen 71:19

Lawa! N peperebaa lɛ á gole, á la yii ni, ń dí dadaran dɔn nya. Lawa! N miã banban.

Loen 71:2

N din a peperebaa gɔ́ɔ̃ nɛ, ma si sii la, n ma bɔ a nɛ. N too kɔ ma lon, n ma kirisibaa.

Loen 71:24

Biikoo tumaa li, man die n peperebaa kɛ boo diɛ, a giala, mà min mɛnɛn bɛ́ giɛ maa bɔ̀n li, sìi bɛn kũ, ǹ nə́ puusə-kɔ dɔ yɛ.

Izayii 26:13

Dɛnaa Lawa, wɔa Lawa, mìinaa kɔsɔn nə́ goã wɔ mìi la. Sɛnɛ, wɔ nə n dinsɔɔ̃ guguru koe.

Izayii 40:31

Sɛnɛ, min mɛnɛn bɛ́ n foo doɛ Dɛnaa Lawa ganaa, bɛn man wusii ǹ pàã dii yɛ. Maǹ yui ka giogialatã-a bɛ́ lɔn, baa sii, ǹ ba nɔmɛɛ wa. Maǹ woe nyɛɛnɛ, ka pàã nɛ.

Izayii 63:7

Man ka yiri gisĩ Dɛnaa Lawa a bǐɛ̃ nɛ, ka sii mɛnɛn bɛ́ re ka diɛ a tɔ laakalaa ganaa: A sii mɛn tumaa zɛnaa wɔ nɛ, a bǐɛ̃ gole mɛn baa Izirayeli a zaman nɛ, a màn mɛn tumaa zɛnaa a kɔn-narɛɛ gole kɛ gɔ́ɔ̃ nɛ, ka a bǐɛ̃ damata kɛ nɛ á zɛnaa.

Zakarii 10:12

Ma á re pàã koe maa zaman la. Sii mɛn bɛ́ kɔɔ̃n ma ganaa, ǹ tá re bɛ zɛnɛɛ. Dɛnaa Lawa a da ǹ boo ne.»

Matiə 6:33

Ka ga *Lawa a kiibaa laanka a peperebaa li bɔrɔ, bɛ kio, Lawa á die bɛa mànan kɛn tumaa koe ka la.

Rɔmu minin 1:17

A giala Boo Tii Kɔɔ̃n nə nyɛɛ Lawa bɛ́ min biɛ min pepere lɛa a din yɔrɔ-a lɔn goleemali dinsɔɔ̃ barka nɛ, ka a bɛ́ kiɛ̃-n Lawa a boo sɛ́wɔ-n lɔn: «Min mɛn bɛ́ a pepere wa, bɛa dɛnaa á re mɛnɛɛ. Sɛnɛ, min mɛn bɛ́ pepere, a bɔlɔgoondɛnaabaa n die toɛ a yii goã koo.»

Rɔmu minin 10:3

Sonbore, Lawa bɛ́ lɛ koe minin-a min peperen lɛa ka yɔrɔ mɛn nɛ, ǹ bɛ dɔ̃ wa. Maǹ nə́ ga ǹ dinin wɔ a yɔrɔ li. Bɛ lɛ na á toa, ǹ lɛ kɔ Lawa wɔ a yɔrɔ kɛ lɛ ganaa wa.

Rɔmu minin 3:21

Sisia kəni, Lawa bɛ́ wɔ biɛ min pepere lɛa lɔn a din yɔrɔ-a dí-pɛn gòɛ̃ ná a ba a-n wa, á bɛ nyaa wɔ nɛ. Dí-pɛn laanka Lawa a boo gii-dalin nə́ bɛ pɛ lɛlɛ.

Efɛɛzi minin 3:16

Lawa a min bǐɛ̃baa á gole. Bɛ lɛ nɛ, ma tá a nyankoe máa a pàã kɔ ka la ka Yiri Fu barka nɛ, ń giɛ pàã á we kaa goleemali ni.

Efɛɛzi minin 6:10

Bɛ tumaa kio, ka ga pàã li kaa tá kun ka Dɛnaa-n kɛ gɔ́ɔ̃ nɛ, ka ga a din a pàã gole kɛ li.

Timəə dí-pɛn 33:25

Kaa kiɛnlɛ-a ǹ goon lɛn die ǹ goã fɔlɔ laanka zan lɛa, ka goã kaka miɛ̃ yǎa a woe kiɛ kaa gɛ̀ lɛ.»

Filipi minin 3:9

Man giɛ li, máa ma goã doa-n kɔn ka a din ni taãnɛ. Ma bie giɛ li, máa ma goã pepere landa sii zɛnaa a lɛa doo wa. Krita màn mɛn zɛnaa maa lɛa, man pepere bɛ taman yii. Lawa na á lɛ kɔ ma ganaa min pepere lɛa maa golee Krita li a lɛa.

Filipi minin 4:13

Man boe la, ma á yɔ boe bɛa sii kɛ lɛ din tumaa ganaa, ka maa pàã kɔmala wole Krita barka nɛ.

Tesaloniki2 1:6

A giala, min mɛnɛn nə goã fuu nyɛɛ ka nɛ, Lawa á re fuu nyɛɛ ǹ dɔn man miɛ̃. Bɛ lɛ n pepere Lawa yɔrɔ-a.

Timote2 2:1

N din wɔ paǹ li, nsɛ mɛn bɛ́ maa nɛ lɛa, wɔ bɛ́ Lawa a bǐɛ̃ mɛn giulun, wɔa tá kun ka Yezu *Krita-n lɛ gɔ́ɔ̃ nɛ, n dɔ nə n gɔn paraa bɛ lɛ ganaa, n nə n gù we yii.