Loen 67:7 - LAWA A BOO SONBORE 2011

⁷ Tán nə́ màn-kɔsiɛn bǐɛ̃ kɔ. N din lɛ n wɔa Lawa lɛa, ń barka da wɔ-a.

LAWA A BOO SONBORE

⁷ Tán nə́ màn-kɔsiɛn bǐɛ̃ kɔ. N din lɛ n wɔa Lawa lɛa, ń barka da wɔ-a.

Loen 67:7 ပူးပေါင်းရင်းမြစ်များ

Loen 22:27

Doobaan tá re màn bii ǹ kã, min mɛnɛn bɛ́ giɛ Dɛnaa Lawa li, bɛn tá re a guguru koe. A die a ka foo nyɛɛ a yii-nyɛɛ kɔ ka la!

Loen 29:11

Dɛnaa Lawa din tá re pàã koe a minin kɛn la, Dɛnaa Lawa din tá re a minin kɛn gɛrɛsiɛ boe, a là nyantoro kɔ ǹ la.

Loen 33:8

Kanaa tumaa n siĩni a nyɛ́ɛ baa Dɛnaa Lawa nɛ, kanaa minin tumaa doamaa nɛ, ǹ gɔ̀nɔn nə bìn da a nyɛɛnɛ.

Loen 65:5

N bɛ́ lɛ koe min mɛnɛn ganaa, mà ǹ biikoo kɔn zɛnaa kunun n ni, bɛn wɔ na á bǐɛ̃ kɔ. Màn mɛn bɛ́ màn sonbore lɛa n din a kion, n din a kion kɛ nɛ, á kɔɔ̃n wɔ ganaa wɔ wɔa wɔ-gii yɛ bɛ nɛ taãn-taãnɛ.

Loen 72:17

Lawa toa kii lɛ tɔ bɔ biikoo tumaa li, yǎa duduu. A tɔ-bɔ lɛ belebɔ ka wasa bɛ́ lɔn. Bɛ̀ minin tá Lawa bǐɛ̃ bíi kɔn li, ǹ die ǹ kii lɛ tɔ da li, gánan tumaa die ǹ pɛ, mà Lawa barka da kii lɛ ganaa.

Loen 98:3

Á n yiri koa a din a kɔn-narɛɛ gole kɛ nɛ, ká a bǐɛ̃ duduu kɛ nɛ, Izirayeli tɔrɔ minin wɔ paǹ li. Á wo kanaa paǹ tumaa yaa, min tumaa yɛ, mà Lawa n wɔ kirisibaali lɛa.

Izayii 30:23

Ka bɛ-n kəni, Dɛnaa Lawa á re la kiɛ màn nàn kɛ la, n da. N bɛ́ re màn-bii mɛn boe tán nɛ, á re goɛ̃ mɔnaa nɛ, a n kɔɔ̃n dɔn. Bɛa pinaa kɛ nɛ, n tɔɔn tá re woe buu soɛ̃ tɔɔn buu sɔ̃ ǹ bǎã gole kɛ nɛ.

Izayii 43:6

Má pɛ gɔsɛ a lɛ̀gɔn nɛ: «Ǹ toa walan!» Má pɛ gusin a lɛ̀gɔn nɛ: «N nyan bìn da ǹ ganaa wa!» Ka maa nɛgiĩn kɛn kũ gána sɔsɔɔn kɛn nɛ, ka da ǹ nɛ, ka maa nɛlɔn kɛn kũ kanaa lɛ dan ganaa ka da ǹ nɛ.

Izayii 45:22

Ka n bɔyaa ka da masɛ li, kasɛn mɛnɛn bɛ́ tán lɛ dan ganaa, ka á re kirisibiɛ. A giala, ma din ni Dɛnaa Lawa lɛa, kɔsɔ banban.

Izayii 52:10

Dɛnaa Lawa na a pàã sonbore kɛ tumaa nyɛɛ tɔrɔn tumaa yɔrɔ-a. Dɛnaa Lawa bɛ́ wɔ kirisibiɛ lɔn, min tumaa á re bɛ yii yǎa kanaa lɛ dan ganaa.

Lawa a wúlu-bɔlen 26:4

Bɛ̀ ka zɛnaa miɛ̃, lan mɛnɛn bɛ́ ka laadoo bǐɛ̃ koe, ma á die toɛ, bɛn nə kaa a biikoo li. Tán-kɔsiɛ á die bǐɛ̃ koe, dan dɔn tá re nɛ koe.

Misee 5:4

A din lɛ n die die ka là nyantoro ne. Bɛ̀ Asiirii minin nə́ daa kɔ wɔa gána kɛ lɛ ǹ mɛn pinaa, bɛ̀ ǹ gòã mɛ wɔa pàãman kɛn kion ǹ mɛn pinaa, wɔ á die zia-baali damata kiɛ ǹ ganaa.

Zakarii 8:12

Là nyantoro n die goɛ̃ a tan, *rezɛ̃ dan tá re nɛ koe, tán kɔsiɛ̃ mànan tá re bǐɛ̃ koe, pele á re koe. Maa zaman lɛ a min mɛnɛn yii goã koo, man die ǹ koe bɛn la kíɛ̃ lɛa.

Zakarii 9:10

Ma á re ziabaa ǹ wotoron boe ma ǹ bɔ Efrayimu, ma ziabaa ǹ sùin bɔ ma ǹ bɔ Zeruzalɛmu. Ma á re ziabaa ǹ san yiyiɛ. Kii lɛ á re là nyantoro koe tɔrɔn la. A n die Dɛnaa biɛ, a kũ Yìsi mu kɔsɛ kɔsɛ ganaa a wo Yìsi mu gole kɔsɔn yaa, a kũ Efrati tà ganaa, a wo kanaa lɛ dan yaa.

Malakii 1:11

A saa lɛ̀giala ganaa a wo lɛ̀nyɛɛn yaa, tɔrɔ tumaa n maa golebaa doɛ̃, maǹ màn giĩ kɔɔ̃n tiɛ̃ bǎã tumaa nɛ ka ma tɔ nɛ, wúlu màn mɛn bɛ́ kɔnboe ka ma nɛ, ǹ nə́ die ka bɛ nɛ. Hiĩ! Tɔrɔ tumaa n maa golebaa doɛ̃, man pii ka nɛ masɛ, Dɛnaa Lawa Pàãyiidɛnaa.

Nya ǹ dín 13:26

Pooli pɛ doo: – Dɔɔ̃nɔn lɛn, ta ka n Abrahamu tɔrɔn lɛa hinlaa ta ka n tɔrɔ kɔsɔn lɛa, ka n nyɛ́ɛ biɛ Lawa nɛ, kirisibaa ǹ boo kɛ na á n dia wɔsɛn tumaa wɔ lɛa.

Nya ǹ dín 13:47

A giala, Dɛnaa din dí-pɛ mɛn kɔ wɔsɛn la, bɛ n ka kɛ nɛ: «Man má n koa tɔrɔn tɛ fúlu lɛa, màn mɛn bɛ́ toɛ, kirisibaa dɔ kanaa lɛ dan ganaa.»

Nya ǹ dín 2:28

Ma nə́ n yiikoonaabaa ǹ zii nyaa ma nɛ. N din a tá kun ma-n tá re ma foo kɔɔ̃n koe taãn-taãnɛ.»

Galaasi minin 3:14

Bɛ na á n zɛnaa, màn mɛn bɛ́ toɛ, Lawa barka mɛn da Abrahamu ganaa, bɛ dɔ tɔrɔ kɔsɔn kɛn tumaa ganaa Yezu Krita pàã ganaa. Bɛa yɔrɔ kɛ lɛ la, goleemali barka nɛ, wɔ n boe la, wɔ Lawa a lɛ-kɔ ǹ Yiri Fu kɛ yɛ.

Galaasi minin 3:9

Abrahamu golee li, Lawa tɔ́n barka da a ganaa. Bɛa yɔrɔ lɛ la, min mɛnɛn tumaa bɛ́ goleemali we, Lawa á re barka diɛ bɛn ganaa ka Abrahamu wɔ bɛ́ lɔn.

Sii-nyaan 15:4

Dɛnaa, die na a re nyɛ́ɛ biɛ n nɛ wa? Die na a re n guguru koe wa? A giala mà n dinsɔɔ̃ n sonbore. Tɔrɔ din tumaa á re die n yɔrɔ-a, ǹ tumaa á re n guguru koe. A giala mà n peperebaa nə́ n din nyaa foaã sisia.»