Loen 67:2 - LAWA A BOO SONBORE 2011

² Lawa, makara bɔ wɔ ganaa, n wɔ gɛrɛsiɛ bɔ. N yɔrɔ sonbore da wɔ la. *Doa

LAWA A BOO SONBORE

² Lawa, makara bɔ wɔ ganaa, n wɔ gɛrɛsiɛ bɔ. N yɔrɔ sonbore da wɔ la. *Doa

Loen 67:2 ပူးပေါင်းရင်းမြစ်များ

Loen 117:2

A giala a kɔn-narɛɛ gole kɛ la wɔ lɛ nɛ. Dɛnaa Lawa a boo diɛ a sàabaa wa. Aleluya, ka Dɛnaa Lawa tɔ bɔ!

Loen 4:7

«Die n die yii-nyɛɛ koe wɔ la?» Bɛa pɛlin nə́ mɔnaa. Dɛnaa Lawa, n din nə n yɔrɔ bǐɛ̃ da wɔ la.

Loen 41:5

Man má goã pii, máa Dɛnaa Lawa, makara bɔ ma ganaa, n maa busu kɛ nya, a giala, man má sii la n din la.

Loen 43:5

Wàa na á baa ma foo á ziziɛ̃, man ginii we kɛnɛn? Yǎa man foo doɛ Lawa ganaa. Taãn nɛ, ma á re wusii ma a tɔ bɔ, maa Lawa mɛn bɛ́ ma kirisibaali lɛa.

Izayii 49:6

Á pɛ ma nɛ: N bie re maa dí-nyali dinsɔɔ̃ biɛ, n Zakɔba tɔrɔn goa n nə ǹ kaa lon, Izirayeli min mɛnɛn yii goa koo, n da ka bɛn nɛ wa. Man die n biɛ tɔrɔn tɛ fúlu lɛa, màn mɛn bɛ́ toɛ maa kirisibaa dɔ kanaa lɛ dan ganaa.

Izayii 52:10

Dɛnaa Lawa na a pàã sonbore kɛ tumaa nyɛɛ tɔrɔn tumaa yɔrɔ-a. Dɛnaa Lawa bɛ́ wɔ kirisibiɛ lɔn, min tumaa á re bɛ yii yǎa kanaa lɛ dan ganaa.

Danayeli sɛ́wɔ 9:17

Sisia kəni, wɔa Lawa, bǐɛ̃ kɔ n nə too kɔ maa nyankɔ li, n maa gòã-kũ si. N kion sonbore ke ǹ nə́ yu, wusoo n nə n yɔrɔ bǐɛ̃ da la, n din a lɛa!

Matiə 28:19

Bɛ lɛ taman yii, ka woo, ka tɔrɔ tumaa baa maa kialandɛnan lɛa, ka *batɛmu da ǹ ganaa, ka Díi Lawa laanka a Nɛgiĩ ka Yiri Fu tɔ nɛ.

Luku 3:6

Bɛ kio, minbuiin nɛ din tumaa á die Lawa a wɔ kirisibaa ǹ dí lɛ yii.»

Nya ǹ dín 13:10

á pɛ nɛ: «*Sɛtaan min ni, yiri tá n lon n nə́ sii kɔkɔrɔ tɔrɔ tumaa zɛnɛɛ nɛ, n ba lɛ koe sii pepere kɔ́n zɛnaa ganaa wa. N ba Dɛnaa a sii yɔrɔ bɔn kɛn sàabaa lɛ diɛ wa?

Nya ǹ dín 18:25

Á Dɛnaa a zii lɛ dɔ̃, a yiri dɔ bɛ́ kɔɔ̃nɛ, màn mɛn tumaa bɛ́ Yezu wɔ gɔn la, a na á goã bɛ yii pii, á n minin darɛɛ a ganaa pere-pere-pere, a da yaa, a na á goã Zaã a batɛmu diɛ kɛ dinsɔɔ̃ doɛ̃.

Nya ǹ dín 22:4

Man má goã yɔ boe kɔn ka Zii dii kɛ lɛ nɛ, máa ma dɛ a papaã. Bɛ lɛ gɔ́ɔ̃ nɛ, má ǹ da giĩn laanka lɔn yii ganaa ka fɔlɔ biɛn nɛ, ǹ nə́ ǹ zũzũ kòso-n.

Nya ǹ dín 9:31

Bɛa biikoo kɛ li, Lawa a sɔmɔ minin mɛnɛn bɛ́ bǎã tumaa nɛ, Zudee gána nɛ, Galilee gána nɛ ka Samarii gána nɛ, bɛn nə́ goã yii-nyɛɛ la. Ǹ nə́ goã kɔn foo taɛ̃, ǹ nə́ n doe kɔn lɛ, ǹ nə́ goã tɔ we ka nyɛ́ɛbaa Dɛnaa yii-n ni. Lawa a Yiri Fu barka nɛ, màn na á goã miɛ ǹ li á woe nyɛɛnɛ.

Tiitii 2:11

A giala, Lawa ná a bǐɛ̃ nyaa mà minbuiin din tumaa a kirisibaa bɔ a nɛ.