Loen 57:2 - LAWA A BOO SONBORE 2011

² Makara bɔ ma ganaa, Lawa! Makara bɔ ma ganaa. A giala, man má n din lɛ bɔ duru ǹ bǎã lɛa. Ma nə n duri n din li, ka koon nɛ bɛ́ lɔn ǹ dan nyàa giulun, yǎa nɔmaa kɛ kiɛ̃.

LAWA A BOO SONBORE

² Makara bɔ ma ganaa, Lawa! Makara bɔ ma ganaa. A giala, man má n din lɛ bɔ duru ǹ bǎã lɛa. Ma nə n duri n din li, ka koon nɛ bɛ́ lɔn ǹ dan nyàa giulun, yǎa nɔmaa kɛ kiɛ̃.

Loen 57:2 ပူးပေါင်းရင်းမြစ်များ

Loen 138:8

Dɛnaa Lawa á re sii tumaa bǐɛ̃ koe, a kɔ ma la. Dɛnaa Lawa, n kɔn-narɛɛ gole kɛ a nyɛɛ duduu wa. N din gɔn na á wɔ zɛnaa, n nyan wɔ daa bii-a wa.

Loen 143:9

Dɛnaa Lawa, ma kanbaa maa zɔ́ɔn kɛn ganaa. A giala, man má kaa n din yele.

Loen 17:8

N bɛ́ n din yii nàn tamaɛ lɔn, ma tamaa miɛ̃. Ma duru n din nyàa giulun.

Loen 41:5

Man má goã pii, máa Dɛnaa Lawa, makara bɔ ma ganaa, n maa busu kɛ nya, a giala, man má sii la n din la.

Loen 56:2

Makara bɔ ma ganaa, Lawa! A giala, min nə ma gialaa. Baraabaraa a n zia diɛ ma ganaa, á ma nɔmiɛ̃.

Izayii 26:12

Dɛnaa Lawa, n din nə là nyantoro koe wɔ la. Wɔ sii mɛn tumaa lɛ bɔ, n din nə ǹ tumaa lɛ piɛ̃.

Izayii 26:20

Maa zaman, wo piɛ, n nə n kiɛnlɛn tã n kio. N duru boɛɛnɛ, n toa Dɛnaa Lawa a foo-yoo kɛ kiɛ̃.

Izayii 57:15

Min mɛn bɛ́ ǹ ná a guguru koe ǹ ná a laakalɛɛ, a ná a tan duduu, a tɔ n "Sonbore", a bɛ́ boo mɛn pii á ke: Man giã-n bǎã sonbore ne, lon sɔsɔɔ, Sɛnɛ, man kun ka nɔmaa-wolen dɔn nɛ, ka foo ziziɛ̃ wolen ne. Man yiikoonaabaa koe nɔmaa-wɔlen la, ka foo ziziɛ̃ wolen ne.

Filipi minin 1:6

Ma foo doamaa-n kɛ ganaa: Lawa dí sonbore mɛn giala kɔ ka gɔ́ɔ̃ nɛ, á re toɛ bɛ wo miɛ̃, a wo n giala-nyɔmɔɔ Yezu Krita a lɛawaa kɛ ganaa.

Filipi minin 2:12

A bɛ́ miɛ̃, maa giaáran lɛn, ka bɛ́ ká ma lɛ si biikoo tumaa li, bɛ̀ ma bɛ́ kun ka nɛ, a n siĩni kanna dɔn, ka ma lɛ si a la bɛ nɛ, maa tanbaã kɛ gɔ́ɔ̃ nɛ. Ka dí nya, ka n bìn diɛ nyɛ́ɛbaa Lawa-n gɔ́ɔ̃ nɛ, kaa bǐɛ̃-kɔ a lɛa.

Ebrəə 13:21

máa a die a pàã kɔ ka la, ka boo la ka a din dùũ sii sonbore kɛ yii zɛnaa. A din die a na a din dùũ siin zɛnaa wɔsɛn ganaa, ka Yezu Krita barka nɛ. Gugurubaa goã a din wɔ lɛa yǎa duduu! A n miɛ̃.