Loen 53:1 - LAWA A BOO SONBORE 2011

¹ Loe-saalin goledɛnaa loe mɛn lɔ. A nə n loe pìi lɛn li. Davida a loe. A nə n loe pìi lɛn li.

LAWA A BOO SONBORE

¹ LOE-saalin goledɛnaa loe mɛn lɔ. A nə n loe pìi lɛn li. Davida a loe. A nə n loe pìi lɛn li.

Loen 53:1 ပူးပေါင်းရင်းမြစ်များ

Kiin1 12:26

Zeroboamu taasɛ a din gɔ́ɔ̃ nɛ mà sii kɛ bɛ́ gòã mɛn ganaa, mà kiibaa lɛ á boe la a wusoo a dɔ Davida a minin ganaa.

Kiin1 14:24

Wo dìn la ǹ kɔrɔbaa-zɛnaalin dinin nə́ goã gána lɛ nɛ. Dɛnaa Lawa goã á tɔrɔn mɛnɛn loo á Izirayeli minin kaa ǹ bǎã nɛ, bɛn nə goã sii bɔbɔnɛɛ mɛn tumaa zɛnɛɛ, Zudaa minin lɛn dɔn nə́ goã bɛn zɛnɛɛ.

Zɔbu 14:4

Die n boe la a màn *yoreen bɔ màn gɔgɔrɛ nɛ? Bɛa dɛnaa din banban.

Zɔbu 15:16

sanparɛ, ka minbuiin nɛ bɔnɛɛ babaraa kɛ nɛ, sii baraa zɛnaa n woe la ka mi ǹ mu ni.

Loen 10:11

A n taasɛ mà Lawa yiri n boe, mà a giɛ kɛ ganaa wa, mà a yii ba kɛ ganaa wa.

Loen 10:13

Wàa na á baa min baraa kɛ n Lawa diɛ yaa lɛa, á n pii mà sii kɔn ba boe a-n wa?

Loen 10:4

Min baraa nə n din gole koe, a ba giɛ Lawa li wa. A taasiɛ tumaa n ka kɛ nɛ: mà Lawa banban.

Loen 10:6

A n taasɛ, mà sii kɔn ba boe asɛ la wa, mà koe sii kɔn ba re asɛ yii duduu wa.

Loen 88:1

Loe. Koore a minin loe goon ne. Loe-saalin goledɛnaa loe mɛn lɔ. A nə n loe ka yɔrɔ-kɔsiɛ loe bɛ́ lɔn. Gùligiĩ Eman a loe ne, a n daraa koe.

Loen 92:6

Dɛnaa Lawa, n nya ǹ dín lɛn tá dadara dɛ. N taasiɛn lɛn tá zuzulu, á la yii ni.

Ezekieli 16:47

N bie n kɔ ǹ zɛnaa ǹ siin kɛn dininsɔɔ̃nɔn lɛ wa, n bie n sii bɔbɔnɛɛn kɛn dininsɔɔ̃nɔn zɛnaa wa. A n ka ma nə n màn kɔn din zɛnaa wa. N zɛnaa ǹ sii lɛ baraa kɔ á la ǹ wɔ nɛ.

Ezekieli 16:51

Samarii kiwi din nə n sii baraan kɛn talɛɛ zɛnaa wa. N sii bɔbɔnɛɛ zɛnaa lɛ la a wɔ nɛ. Bɛ̀ a n saa a zɔɔ̃ kɔn lɛa ka Sodɔmu laanka Samarii wɔ kɛ nɛ, n dɔɔ̃nlɔn kɛn, a n ka bɛn dinin nə màn kɔn zɛnaa wa.

Matiə 5:22

Sɛnɛ, masɛ n pii ka nɛ, bɛ̀ min mɛn foo yoo ǹ miã li, ka doamaa nɛ ka dɔlɔ bɔ bɛa dɛnaa ganaa. Bɛ̀ min mɛn nə́ pɛ ǹ miã nɛ: «N là banban,» ka doamaa nɛ ka dɔlɔ gole bɔ bɛa dɛnaa ganaa. Bɛ̀ min mɛn nə́ pɛ ǹ miã nɛ: «Gàãnaa nə n nɛ!» ka doamaa nɛ ka bɛa dɛnaa da bɔ̀nbaa ǹ tɛ gole ne.

Luku 12:20

Sɛnɛ, Lawa pɛ nɛ: «Nsɛ baãnaa ke! Pelo tèlò kɛ lɛ din ni, Lawa á die n nyin sii n la. N bɛ́ n màn mɛn lɛ sɔkɔn bɛ n die die wɔ biɛ?»

Rɔmu minin 1:21

Ta ǹ nə́ Lawa dɔ̃, ǹ na a guguru kɔ Lawa lɛa wa, ǹ barka dɔ da-n wa. Ǹ taasiɛn nə́ kooro baa, ǹ nə́ n piã ka sii giala miɛ nɛ, ǹ gɔ́ɔ̃ tii.

Rɔmu minin 1:28

Ka bɛ dɔ-n doo, ǹ lɛ kɔ ǹ nə́ Lawa doɛ̃ sii toa ǹ gɔ́ɔ̃-n wa. Bɛ lɛ nɛ, Lawa nə́ ǹ toa ǹ dinin yiri gɔgɔrɛ kɛ gɔn, màn mɛn bɛ́ toɛ, siin mɛnɛn doamaa bɛ́ n bie ka zɛnaa-n wa, ǹ bɛn zɛnaa.

Efɛɛzi minin 5:12

Bɛa minin kɛn lɛn bɛ́ sii mɛn zɛnɛɛ ka durii ni, a pɛ á sìi diɛ dinin.

Timəə dí-pɛn 12:31

Ka nyan nə ǹ wɔ kɛ tɔrɔ zɛnaa, kaa Lawa, Dɛnaa Lawa lɛ-n wa. A giala, sii mɛn tumaa bɛ́ sii bɔbɔnɛɛ lɛa Dɛnaa Lawa yii li, a ná a ba li wa, maǹ nə́ bɛ zɛnaa ǹ dìn lɛn manɛ. Minin dinin nə́ ǹ nɛgiĩn laanka ǹ nɛlɔn kɔ dìn lɛn la, ǹ nə́ ǹ tã.

Piɛrɛ1 4:3

Sonbore, ka biikoo gigiã saa lɛlɛ, ka kaa sii din tumaa zɛnaa, á kɔnpɛ ka min kooron sii-zɛnaan nɛ. Ka ǹ ká goã naarɛ biɛ, ka goã dùũ sii babaraan zɛnɛɛ, ka ǹ ká goã yɔ-mili baraan lɛa: Ka ǹ ká goã n lɛ soekɔn ka n mii baraabaraa, ka n mii bɛ̀ ka n zɔɔ̃ kɔn. Ka dì wúlu-bɔ bɔnɛɛn dɔn zɛnaa.