Loen 5:4 - LAWA A BOO SONBORE 2011

⁴ Dɛnaa Lawa, bɛ̀ lɛ̀ waa lɔn, n bɛ́ ma lɛ miɛ̃, man maa sii tumaa pii n din ni baayɛlɛ, bɛ̀ man yii da.

LAWA A BOO SONBORE

⁴ Dɛnaa Lawa, bɛ̀ lɛ̀ waa lɔn, n bɛ́ ma lɛ miɛ̃, man maa sii tumaa pii n din ni baayɛlɛ, bɛ̀ man yii da.

Loen 5:4 ပူးပေါင်းရင်းမြစ်များ

KZS1 29:17

Maa Lawa, máa doɛ̃, máa n tá giɛ̃ wɔ gɔ́ɔ̃ ganaa, màn mɛn bɛ́ pepere bɛ n kɔɔ̃nɛ n ganaa. Man ma bɔ ma din ni má n gɔn mànan kɛn kɔ n la, ka ma foo tumaa nɛ. Ma yii tá a ganaa kanna, ka foo kɔɔ̃n nɛ, n zaman nə́ n sɔkɔn ǹ nə́ zɛnɛɛ ka a din yɔrɔ lɛ nɛ.

Loen 101:7

Koɛɛ̃n-kɔle ba re goɛ̃ kun ma nɛ maa kion wa, soɛ-bɔle kɔn ba re giɛ̃ ma yɔrɔ-a wa.

Loen 11:5

Dɛnaa Lawa n min pepere a sii gɔsiɛ. Min baraa nɛ, ka kakaarɛbaa bɛ́ kɔɔ̃n min mɛn ganaa, a n bɛn biɛ zɔ́ɔ.

Loen 140:13

Ma á doɛ̃, máa Dɛnaa Lawa din tá re koe-yɛle a sii yɔrɔ boe, a din tá re doobaa a sii yɔrɔ boe.

Loen 50:21

N màn mɛn zɛnaa, a din lɛ n ke. Ma á boe la man lɛ tã kɛ lɛ-a sonbore? Ma n taasɛ mà n miãn ka masɛ nɛ? N sii mɛn la, man die n zɛ̀rɛ biɛ, ma a tumaa pɛ ma kaa tán n giulun.

Loen 63:2

Lawa, n din nə maa Lawa lɛa. Baayɛlɛ lɛlɛ gɔrɔ, man giɛ n li ka ma foo tumaa nɛ. N din lɛ sii n ma ganaa, ma laadoo nə n ganaa taãn-taãnɛ, ka tán gere, gɔ́ɔ̃ kooro-a laadoo bɛ́ mu ganaa lɔn.

Loen 88:14

Sɛnɛ, Dɛnaa Lawa, masɛ nə n lɛ dii n din ganaa. Baayɛlɛ gɔrɔ, má n maa nyankɔ koɛ n yɔrɔ-a.

Loen 92:15

Ta a na á zizi kɔ, a nɛ-kɔ a sàabiɛ wa. Mu n goɛ̃ a gɔ̀nɔn nɛ giãgiã, a n goɛ̃ buruu miɛ̃ duduu.

Loen 94:20

Ma á doɛ̃. Min babaraan kɛn bɛ́ kiri kɔkɔrɔn mɛnɛn we, ǹ nə́ ǹ ba kɔnpii n boo-n wa, ǹ nə́ nɔmaa kiɛ wɔlɔ la, n ba lɛ koe bɛ-a wa.

Abakuku 1:13

N yii a sonborebaa á gole sii baraa a ga ma-a ganaa. N ba lɛ koe sii baraa ganaa wa. Sɛnɛ, min mɛnɛn bɛ́ ǹ miãn siɛ̃, ma nə n lɛ tiɛ̃ n tá giɛ bɛn ganaa. Bɛ̀ min baraan tá basaã koe min sonboren manɛ, n ba boo diɛ wa.

Malakii 2:17

Ka n Dɛnaa Lawa nɔmɛɛ ka kaa boo gigiãn kɛn nɛ. Sɛnɛ ka n nɔ̀n diɛ: Wɔ n nɔmɛɛ ka yɔrɔ mɛn nɛ? Ka n pii: Min mɛn bɛ́ sii baraa zɛnɛɛ bɛ n siĩni Dɛnaa Lawa yii li, a n bɛ miã minin lɛn narɛ. Ka n pii dɔn: Lawa kɛ lɛ toɛ peperebaa n yii, á maa?

Zaã a sɛ́wɔ 14:23

Yezu pɛ nɛ: – Bɛ̀ min mɛn tá masɛ narɛ, bɛa dɛnaa tá re masɛ a boo sii. Maa Díi dɔ á re bɛa dɛnaa narɛ, ma laanka maa Díi á re die bɛa dɛnaa li, wɔ giã a li.

Ebrəə 12:14

Ka n doa ka ga là nyantoro li ka bii ni, ka min din tumaa nɛ, ka *yoreenbaa nɛ. Bɛ̀ bɛ gòɛ̃ ba a-n wa, min kɔ́n ba Dɛnaa yii wa.

Piɛrɛ2 3:13

Lawa nə́ n lɛ kɔ wɔ la ka lon laanka kanaa dii ni, sii kɔkɔrɔ bɛ́ a re goɛ̃ màn mɛnɛn nɛ wa. Wɔ nə n yii diɛ bɛn lɛn la.

Sii-nyaan 21:23

Kiwi lɛ laadoo ba wasa ganaa ka mui ni wɔlɔ tɔn fulu wa, a giala mà Lawa a siĩnbaa n wɔlɔ fúlu kiɛ a ganaa, Sère Nɛ kɛ na a wasa lɛa.

Sii-nyaan 21:27

Màn mɛn tumaa bɛ́ *gɔ̀ lɛa, bɛ kɔ́n ba we kiwi kɛ-n wa, min gɛsɛ a we wa, soɛ-bɔle dɔ a we wa. Sɛnɛ, min mɛnɛn tɔ bɛ́ kiɛ̃-n Sère Nɛ a yiikoonaabaa ǹ sɛ́wɔ kɛ nɛ, bɛn dininsɔɔ̃nɔn man we kiwi lɛ nɛ.