Loen 48:2 - LAWA A BOO SONBORE 2011

² Dɛnaa Lawa á gole, gugurukɔ tumaa na a din wɔ lɛa, wɔa Lawa a kiwi kɛ nɛ, a kele sonbore kɛ la.

LAWA A BOO SONBORE

² Dɛnaa Lawa á gole, gugurukɔ tumaa na a din wɔ lɛa, wɔa Lawa a kiwi kɛ nɛ, a kele sonbore kɛ la.

Loen 48:2 ပူးပေါင်းရင်းမြစ်များ

Loen 135:21

Ka n toa *Siɔn, ka barka da Dɛnaa Lawa nɛ, asɛ mɛn bɛ́ giã-n Zeruzalɛmu. Aleluya, ka Dɛnaa Lawa tɔ bɔ!

Loen 50:2

Zeruzalɛmu, siĩnbaa lɛ piɛ̃ n walan, a giala, Lawa wɔlɔ fúlu kaa walan.

Loen 76:2

Lawa nə́ n din nyaa Zudaa gána nɛ, ǹ nə́ dɔ̃. A tɔ á gole Izirayeli gána nɛ.

Loen 87:3

Lawa a kiwi, Lawa din bɛ́ màn mɛn tumaa diɛ n wɔ paǹ li, bɛ nə n tɔ guguru kɔ ǹ boo lɛa. *Doa

Loen 99:9

Ka wɔsɛn Dɛnaa Lawa kɛ a golebaa pɛ. Ka kaa tán, ka n yɔrɔ dia a din a kele sonbore kɛ la. Sonbore, wɔsɛn Dɛnaa Lawa lɛ á siĩni.

Izayii 14:13

Ma nə n goã pii n din gɔ́ɔ̃ nɛ: «Ma á re dii lon, ma maa kii dankan kɛ koa Lawa a leeren kɛn lalan. Kele mɛn bɛ́ gɔsɛ a lɛ̀gɔn la, lawan lɛsɔkɔn bǎã lɛa, man die giɛ̃ bɛ la.

Izayii 2:2

Lɛawaa kɔn tá re doe Dɛnaa Lawa a kion lɛ bɛ́ kele mɛn la, a mìi la á re liɛ kelen tumaa wɔ nɛ, á re goɛ̃ tentelen tumaa lalan. Tɔrɔn tumaa á re yiɛ ǹ wo walan girigiri.

Izayii 60:14

Min mɛnɛn nə fuu nyaa n nɛ, bɛn nɔ̀ɔnɔn tá re n mɔrɛɛ n ganaa, ǹ mìi n kuməə ne. Min mɛnɛn nə n baa màn kooro lɛa, bɛn tá re n musin koɛ tán-a n yɔrɔ-a. Ǹ tá re n bíi: «Dɛnaa Lawa a kiwi, Izirayeli a Lawa sonbore a *Siɔn.»

Izayii 66:10

Kasɛn mɛnɛn bɛ́ Zeruzalɛmu n kɔɔ̃n ka ganaa, ka n nyɛnyɛɛ kun ni. Ka goã foo kɔɔ̃n kɔ gole la kun ni. Kasɛn mɛnɛn nə goã gɛ̀ koɛ a koen kɛn taman yii, ka foo kɔɔ̃n gole kɛ gii kɔn nɛ kanna kəni!

Zeremii 3:19

Man má goã pii: Man zoɛ̃ li ma n baa maa nɛnyaanan kɛn goon lɛa. Man zoɛ̃ li ma gána sonbore kɔ n la, a n liɛ nɛ kanaa a bǎã sonbore tumaa nɛ. Man má goã pii máa n tá re ma bíi: "Maa díi", n nə n ba n dɔ̀ɔ̃ we ma-n doo wa.

Busii pɛ 2:15

Zeruzalɛmu, min mɛn tumaa bɛ́ kiɛ̃ kunu n li, manə n gɔn dii a giala mà ń ziziɛ̃. Maǹ lɛ pii pii ǹ nə́ yaa we n ganaa, ǹ nə́ n mìi papasɛ bɛ̀ ǹ tá pii: Kiwi kɛ lɛ nɛ ǹ nə́ goã bíi "Siĩnbaa lɛpiɛ̃" ka "tán tumaa a foo kɔɔ̃nɛ"?

Ezekieli 20:6

Bɛa pinaa kɛ lɛ nɛ, má n liɛ má pɛ, máa ma á re ka wɛɛ ma ka bɔ Ezipti gána nɛ, ma gána mɛn yɔrɔ bɔ ma koa ka nɛ, ma wo ka-n walan. Bɛa gána lɛ á siĩni, á la gánan tumaa nɛ. Bɔ̀nyaa laanka zoo nyɔɔ bɛ́ baa sii gána mɛn nɛ.

Danayeli sɛ́wɔ 11:16

Min mɛn bɛ́ re die gusin a lɛ̀gɔn la dɛnan lɛn gialaa, bɛ á re n din foo sii zɛnɛɛ, min kɔn ná a re yii a golee a nyɛɛn wa. A n die golee gána siĩn kɛ nɛ, a bɔ̀n da a ganaa.

Danayeli sɛ́wɔ 11:45

A kii baaǹ mɔnaa kionən kɛn, á re bɛn doɛ yìsi mu gole kɛ laanka gána siĩn lɛ a kele sonbore kɛ biin ni. Gɛ̀ n die dii walan, min ná a re yii a n dɔ lɛ wa.»

Danayeli sɛ́wɔ 8:9

Bɛn kɔsɔ bɔ bɛn boɛɛn lɛ ganaa, á daa á gole kɔ taãn-taãnɛ. Á ná a pàã yɔrɔ dia gusin a lɛ̀gɔn la, lɛ̀giala laanka gána siĩn-siĩn kɛ la.

Malakii 1:14

Koe n die boe koɛɛ̃n-wɔle ganaa, ǹ mɛn bɛ́ tɔɔ kaka ná a tɔɔn bii, a lɛ-kɔ taman yii á tɔɔ wɔ̀lɔ̀dɛnaa kuĩ die koe ma la wúlu màn lɛa. Koe bɔ bɛ-a, a giala mà man kii gole lɛa tɔrɔ tumaa n nyɛ́ɛ biɛ ma pàã nɛ. Masɛ Dɛnaa Lawa Pàãyiidɛnaa n kɛ pii.

Malakii 3:12

Tɔrɔ kɔsɔn kɛn tumaa á re ka doɛ̃ foo kɔɔ̃n-an lɛa, a giala kaa gána a giã ma-n tá re goɛ̃ kɔɔ̃nɛ. Masɛ Dɛnaa Lawa Pàãyiidɛnaa n pii ka nɛ.»

Matiə 5:35

Ka baran liɛ ka tán nɛ wa, a giala, Lawa a gòãn kaa ǹ bǎã nɛ. Ka baran n liɛ ka Zeruzalɛmu kiwi-n wa, a giala, kii gole Lawa a kiwi ni.

Ebrəə 12:22

Sɛnɛ, kasɛn man ká n mɔrɔ *Siɔn kele kɛ ganaa, ka Lawa yiikoonaa a kiwi kɛ nɛ, Lon a Zeruzalɛmu ke, ka a lon a dia dí-a wole duu damata kɛ nɛ.