Loen 146:9 - LAWA A BOO SONBORE 2011

⁹ A din nə gùlin tamaɛ. A nə n doe nɛ toenən laanka giɔɔrɔn lɛ. Sɛnɛ, a toɛ min baraan sii bǐɛ̃ kɔ wa.

LAWA A BOO SONBORE

⁹ A din nə gùlin tamaɛ. A nə n doe nɛ toenən laanka giɔɔrɔn lɛ. Sɛnɛ, a toɛ min baraan sii bǐɛ̃ kɔ wa.

Loen 146:9 ပူးပေါင်းရင်းမြစ်များ

Samayeli2 15:31

Ǹ nə́ pɛ Davida nɛ, mà Ayitofɛli giala á kun ka Abusalɔn nɛ, piã-wɔlen lɛn bii. Bɛ lɛ nɛ, Davida tɔ́n pɛ: «Dɛnaa Lawa, bǐɛ̃ kɔ n Ayitofɛli a minin doroo ǹ boon kɛn baa baãnaa baa ǹ boon lɛa.»

Samayeli2 17:23

Ayitofɛli bɛ́ á yɛ, mà ǹ ba asɛ a doree lɛ a sii zɛnɛɛ wa, á ná a mànan kaa a dundun la, á zii saa á woo piɛ, a din a kiwi. Bɛ kio, a ná a sii tumaa yɔrɔ bɔ a kion minin li, á soo á woo ǹ bɔlɔ da biɛ nɛ. A gɛ̀ kio, ǹ nə ǹ di bĩ yala mɛn nɛ, man ná a dɔ gere bĩ walan.

Ɛsit 5:14

Haman a lɔ Zerɛsi lɛ laanka a giaáran lɛn tumaa pɛ nɛ: «Ǹ die ǹ gɔn yɔrɔ bɔ ǹ da bii-a, a wo lon nə goã mɛtərə fuəwensooro. Biɛ̃ baayɛlɛ, n pɛ kii lɛ nɛ, mà ǹ die ǹ Mardoose bɔlɔ yu bɛa gɔn lɛ ganaa lon. Bɛ kio, n wo zɔ́n màn bii ǹ bǎã lɛ nɛ kun ka kii lɛ nɛ, n foo n kɔɔ̃nɛ.» Sii lɛ kɔɔ̃n kɔ Haman ganaa, á tɔ́n nə ǹ kaa gɔn lɛ a yɔrɔ bɔ ganaa.

Ɛsit 7:10

Haman goã á gɔn mɛn yɔrɔ bɔ Mardoose wɔ lɛa, ǹ nə́ tɔ́n Haman dinmaa bɔlɔ yu bɛ ganaa lon. Bɛa biikoo li, kii lɛ foo tɔ́n waa.

Ɛsit 9:25

Sɛnɛ Ɛsitɛɛrɛ bɛ́ á woo kii lɛ li, kii lɛ sɛ́wɔ kiɛ̃, á zii kɔ, mà Haman sii baraa mɛn yɔrɔ bɔ Zuifun taman yii, mà bɛ die a kũ a din mìi ni, mà ǹ die ǹ na a bɔlɔ yu gɔn ganaa, ka a nɛgiĩn ni.

Loen 10:14

Sɛnɛ, Lawa, ǹ bɛ́ basaã mɛn koe minin manɛ, ǹ nə́ fuu nyɛɛ ǹ nɛ, n din bɛ tumaa yɛ. Ǹ sii tumaa saa n gɔn. Doobaa na a sii tumaa toɛ n din gɔn. N din nə n doe nɛ toen lɛ.

Loen 145:20

Min mɛn tumaa bɛ́ Dɛnaa Lawa narɛ, á re bɛn tamaɛ. Sɛnɛ, á re min baraan kɛn tumaa bɔ̀n biɛ.

Loen 147:6

Dɛnaa Lawa nə n doe nɔmaa-wɔlen lɛ, á nə́ ǹ siɛ ǹ diɛ lon. Min baraan kɛn, a n bɛn gisĩ yǎa tán.

Loen 18:26

Bɛ̀ min mɛn tá bɔlɔgoondɛnaa lɛa, n dɔ n bɔlɔgoondɛnaabaa sii zɛnɛɛ bɛ nɛ. Bɛ̀ min mɛn a sii á pepere, n dɔ n peperebaa sii zɛnɛɛ bɛ nɛ.

Loen 68:5

Ka loe lɔ Lawa nɛ, ka loe lɔ ka a tɔ bɔ nɛ. A din lɛ n tɔ we baran lalan, ka a tɔ bɔ. A tɔ mà Dɛnaa Lawa, ka toa ka foo kɔɔ̃n kɔ a yɔrɔ-a.

Suusun 15:25

Dɛnaa Lawa n din gole-kɔlen kion yui. Sɛnɛ, a n lɔ giɔɔrɔ a wuru tamɛɛ.

Suusun 4:19

Sɛnɛ, min mɛnɛn bɛ́ sii baraa zɛnɛɛ, bɛn wɔ n wɔlɔ tì lɛa ka tèlò bɛ́ lɔn. Màn mɛn bɛ́ re ǹ boe a ǹ daa, ǹ yii ba bɛ-a wa.

Zeremii 49:11

Kaa nɛ toenen kɛn, ma á re ǹ toe, kaa lɔ giɔɔrɔn tá boe la ǹ nə n foo doa ma ganaa.»

Ozee 14:3

Ka boo yɔrɔ bɔ ka wusoo ka da Dɛnaa Lawa li, ka pɛ nɛ: Sii baraa tumaa papaã, n lɛ kɔ sii sonbore tumaa ganaa. Wɔ n wɔ lɛgɔ́ɔ̃ ǹ boo koe n la *wúlu màn lɛa, dii gɔ̀lɔ̀n bǎã nɛ.

Malakii 3:5

Hiĩ! Dɛnaa Lawa Pàãyiidɛnaa pɛ: – Ma á re die ka bii ni ma kiri wɔ ka ganaa. Ma á re siɛ lɛlɛ ma zɛ̀rɛ koa kɔ́lɔnbaalin-a, naarɛbaalin ni, min mɛnɛn bɛ́ ǹ ba koe ǹ lɛ kɔ ǹ bɔlɔ lɛ wa, min mɛnɛn bɛ́ mɛnɛɛ dí-nyali la a sara paǹ li, min mɛnɛn bɛ́ mɛnɛɛ lɔ giɔɔrɔ laanka nɛ toen la, hinlaa ǹ nə́ mɛnɛɛ tiin la ka min mɛn tumaa bɛ́ ǹ ba nyɛ́ɛ biɛ masɛ yii-n wa.

Korɛnti1 3:19

A giala, kanaa kɛ a sii-doɛ̃ n gàãnaabaa lɛa Lawa yii li. Taãn nɛ, ka a n pɛ Lawa a sɛ́wɔ-n lɔn, «Sii-dɔ̃lin sii-zɛnaan bɛ́ kan mɛn koe, Lawa n die ǹ kuĩ ka bɛa kan lɛ-n gɔrɔ.»

Timəə dí-pɛn 16:11

Kaa Lawa, Dɛnaa Lawa bɛ́ re bǎã mɛn lɛ boe a n tɔ da la, ka die ka n nyɛnyɛɛ walan a din yɔrɔ-a: ka dinin ni, kaa nɛnyaanan nɛ, ka bɛ̀rɛgiĩn laanka kaa bɛ̀rɛlɔn nɛ ka *Levii tɔrɔn kɛn nɛ kaa kiwin ni, kɔnlɛ ka gùlin ni, nɛ-toenən ne ka lɔ giɔɔrɔn nɛ, ǹ mɛnɛn bɛ́ giã-n ka bii.

Zaaki 1:27

Zii mɛn bɛ́ siĩni, á n pepere dɔn Díi Lawa yɔrɔ-a, bɛ n ka kɛ nɛ: N nə n dɔ nɛ-toenən laanka lɔ giɔɔrɔn lɛ ǹ nɔmaa gɔ́ɔ̃ nɛ, n nə n parabaa ka kanaa siin ni, màn mɛn bɛ́ toɛ, n baran gɔ̀ lɔ n din ganaa wa.