Loen 143:7 - LAWA A BOO SONBORE 2011

⁷ N nanaa Dɛnaa Lawa, n ma lɛ si. Á ke ma gù yii gã ma din-a. N baran n wàã kɔ ma-n wa. Bɛ bie wa, maa wɔ na á nya.

LAWA A BOO SONBORE

⁷ N nanaa Dɛnaa Lawa, n ma lɛ si. Á ke ma gù yii gã ma din-a. N baran n wàã kɔ ma-n wa. Bɛ bie wa, maa wɔ na á nya.

Loen 143:7 ပူးပေါင်းရင်းမြစ်များ

Loen 102:2

Dɛnaa Lawa, n too kɔ maa nyankɔ li. Toa maa lɛ-dɛ dɔ yǎa n din li.

Loen 22:24

Kasɛn mɛnɛn bɛ́ nyɛ́ɛ biɛ Dɛnaa Lawa nɛ, ka a tɔ bɔ! Kasɛn, Zakɔba tɔrɔn tumaa, ka a guguru kɔ! Kasɛn, Izirayeli tɔrɔn tumaa, ka nyɛ́ɛ baa nɛ!

Loen 27:9

N baran n duru ma la wa. N din a dí-nyali n ka masɛ nɛ, n foo baran yoo, n ma loo wa. N din nə maa dɔmalɛ wole lɛa. N baran n bɔ ma li wa, n baran ma toa walan wa. Lawa, n din nə ma kirisibaali lɛa.

Loen 28:1

Davida a loe. Aa Dɛnaa Lawa, ma nə n lɛ dii n din li. Ma foo doa ǹ bǎã kaka, n baran n too tã maa boo li wa. Bɛ̀ ń nə́ n piã n ma lɛ si wa, n ma yaa kiɛ̃ n biɛ ka gere bɛ́ lɔn.

Loen 40:17

Min mɛn tumaa bɛ́ giɛ n li, bɛn die ǹ nyɛnyɛɛ gole wɔ n din a lɛa. Min mɛnɛn bɛ́ n narɛ ǹ kirisibaa taman yii, bɛn die ǹ pɛ biikoo tumaa li, mà Dɛnaa Lawa á gole.

Loen 69:17

Dɛnaa Lawa, maa nyankɔ si, a giala, mà n kɔn-narɛɛ gole lɛ á siĩni. N bɔyaa, n nə n yɔrɔ da ma la, a kɔnpɛ ka n makara-doɛ̃ gole kɛ nɛ.

Loen 69:18

Ma bɛ́ n din a dí-nyali lɛa, n baran n yii bɔ ma la wa. Man nɔmaa gɔ́ɔ̃ nɛ, maa nyankɔ si fufuu.

Loen 69:3

Ma na a gialaa we bɛrɛɛ zuzulu kɔn li, gòãn doa ǹ wɔlɔ ba ma la wa. Má papaã mu zuzulu li, a n ma siɛ woe ma nɛ.

Loen 70:5

Sɛnɛ, min mɛnɛn tumaa bɛ́ giɛ nsɛ Lawa li, toa bɛn foo kɔɔ̃n kɔ parsiini, n din a lɛa. Min mɛnɛn bɛ́ n kirisibaa lɛ narɛ, bɛn nə boo la, ǹ pɛ biikoo tumaa li, mà Lawa á gole.

Loen 71:12

Lawa, n baran n wɔlɔ lui ma ganaa wa. Maa Lawa, da n dɔ ma lɛ fufuu.

Loen 84:2

Dɛnaa Lawa Pàãyiidɛnaa, n kion lɛ a sii á kɔɔ̃n ma-a, á la yii ni.

Suusun 13:12

Bɛ̀ min nə n yii da màn la á belebɔ nɛ, a foo n ziziɛ̃. Sɛnɛ, n yiri bɛ́ màn mɛn ganaa, bɛ̀ n bɛ yɛ, a n goon ka yiikoonaabaa da nɛ.

Izayii 38:18

Geren piɛ, ǹ ba boe la ǹ tá n tɔ guguru koe wa, geren ba loe loe ǹ nə n tɔ bɔ wa. Min mɛnɛn bɛ́ yala-n tán, bɛn foo a doa nɛ n bɔlɔgoondɛnaabaa ganaa doo wa.

Izayii 57:16

A giala, ma ba zoɛ̃ li máa ma minin zɛ̀rɛbaa biikoo yii li wa, hinlaa ma foo goã yoo-n duduu wa. Bɛ bie wa, ma min mɛnɛn zɛnaa, bɛn yiikoonaabaa á re n sii ǹ la.

Izayii 8:17

Ma nə n yii diɛ Dɛnaa Lawa la. Á n yɔrɔ bɔyaa bɔrɔ á bɔ Zakɔba tɔrɔn la. Sɛnɛ, masɛ yii n doa-n a din la.

Luku 21:26

Bɛa biikoo li minin man die giɛ̃ nyɛ́ɛ gɔn bɛa fuu siin kɛn lɛn da kanaa a lɛa. A giala, lon màn pàãdɛnan dinin tumaa á re n lɔlɛkɔn.