Loen 112:3 - LAWA A BOO SONBORE 2011

³ Gɔn màn laanka yii-nyɛɛ n min pepere a kion. A sii pepere zɛnaa lɛ n goɛ̃ yǎa duduu.

LAWA A BOO SONBORE

³ Gɔn màn laanka yii-nyɛɛ n min pepere a kion. A sii pepere zɛnaa lɛ n goɛ̃ yǎa duduu.

Loen 112:3 ပူးပေါင်းရင်းမြစ်များ

Zɔbu 5:24

N tá re là nyantoro yii n kion, n tá re woe boe n tɔɔn zìã nɛ, n wo yaa màn kɔn nə ǹ nyaabaa wa.

Loen 111:10

Sii-doɛ̃ nə n giala koe ka nyɛ́ɛ baa Dɛnaa Lawa yii-n ni. Min mɛnɛn tumaa bɛ́ zɛnɛɛ miɛ̃, bɛn man sii-dɔ̃li taãnan lɛa. Gugurubaa n Dɛnaa Lawa wɔ lɛa yǎa duduu.

Loen 111:3

Á dí woo dí nyɛɛ, a tumaa n siĩn sɔnbɔraanɛ. A din a peperebaa kɛ n goɛ̃ yǎa duduu.

Loen 112:9

A nə n gɔn lɛ buĩ á doobaan goe ka màn nɛ. A sii pepere zɛnaa n goɛ̃ yǎa duduu. A n die tɔ golebaa yii, ka gugurubaa nɛ.

Loen 34:10

Dɛnaa Lawa kasɛn mɛnɛn bɔ a din wɔn lɛa, ka nyɛ́ɛ baa nɛ. A giala, min mɛnɛn bɛ́ nyɛ́ɛ biɛ nɛ, màn kɔn ba re nyaabiɛ bɛa dɛnan ganaa wa.

Loen 34:11

Yàra tenən dinin laadoo siin tan, bòo tá ǹ kuĩ. Sɛnɛ, min mɛnɛn bɛ́ giɛ Dɛnaa Lawa li, màn kɔn ba re nyaabiɛ bɛn ganaa wa.

Suusun 15:6

Sii sonbore-zɛnaali a kion nə piɛ̃ ka naforo ne, sɛnɛ, min baraa a naforo n die ka koe ne.

Suusun 21:20

Sii-dɔ̃li a kion, gɔn màn sonbore ka nyɔɔ gigiã tan, sɛnɛ baãnaa sɛ ná a wɔ yii ziziɛ̃.

Suusun 3:16

A n nyin sasa koe minbuiinin la, naforo ne ka tɔ golebaa nɛ.

Izayii 32:17

Peperebaa a dí n die goɛ̃ ka là nyantoro ne. A din nə die ka yiri-giã nɛ ka yii nyɛɛ nɛ.

Izayii 33:6

A n die goɛ̃ ǹ yii-nyɛɛ lɛa yǎa duduu. A din ni minin kirisibiɛ, a n yiridɛnaa lɛa, a n sii tumaa doɛ̃. Nyɛ́ɛ baa Dɛnaa Lawa yii-n nə naforo lɛa.

Izayii 51:8

A giala nimii á re ǹ kuĩ ka mɔnaa bɛ́ lɔn. Màn baaran tá re ǹ soɛ̃, ká mɔnaa nɔnɔɔ bɛ́ lɔn. Sɛnɛ, ma bɛ́ die ka peperebaa mɛn nɛ, a re nyɛɛ duduu wa. Kirisibaa lɛ n die goɛ̃ biɛ̃ ǹ tɔrɔn tumaa wɔ lɛa.

Matiə 6:33

Ka ga *Lawa a kiibaa laanka a peperebaa li bɔrɔ, bɛ kio, Lawa á die bɛa mànan kɛn tumaa koe ka la.

Korɛnti2 6:10

Maǹ ma foo ziziɛ̃, sɛnɛ ma foo dɔ n kɔɔ̃n baraanɛ. Man doobaa lɛa ǹ yii li, sɛnɛ, man min gigiã dɔ biɛ pàãma lɛa. Man gɔn kooro-a lɛa ǹ yii li, sɛnɛ, màn tumaa dɔ n ma gɔn.