Loen 10:9 - LAWA A BOO SONBORE 2011

⁹ a nə n duri á kuu koe, ka yàra bɛ́ kuu koe daã-n lɔn. A n kuu koe doobaa ganaa á n kuĩ, a na a biɛ koɛ á n doobaa kuĩ ni.

LAWA A BOO SONBORE

⁹ a nə n duri á kuu koe, ka yàra bɛ́ kuu koe daã-n lɔn. A n kuu koe doobaa ganaa á n kuĩ, a na a biɛ koɛ á n doobaa kuĩ ni.

Loen 10:9 ပူးပေါင်းရင်းမြစ်များ

Zɔbu 38:40

Ǹ bɛ́ wɛɛ tán, bɛ̀ ǹ kuu kɔ, ǹ bɛ́ n duri daã-n bɛ̀ ǹ kuu kɔ, nsɛ nɛ n nə́ ǹ daraa bɛ ganaa?

Loen 109:31

A giala, a din nə n tele lon doobaa gusin, a n dɔ lɛ, a si a dɔlɔ damala wolen la.

Loen 12:5

Ǹ mɛnɛn lɛn bɛ́ mà kɛnɛn: Wɔsɛn lɛwɔn nə wɔ pàã lɛa. Wɔ lɛ nə n doe wɔ lɛ. Die n die boe wɔ la?

Loen 140:5

Dɛnaa Lawa, n nyan toa min baraan kɛn gɔn dɔ ma-a wa. Ma kanbaa min kakaarɛn kɛn ganaa, bɛn mɛnɛn bɛ́ giɛ maa bɔ a daa ǹ gɔn li.

Loen 17:12

Maǹ ka yàra bɛ́ lɔn, bòo ná a ganaa, maǹ ka yàra ten bɛ́ lɔn, kuu koe.

Loen 35:10

Ka ma foo tumaa nɛ, ma á re pii: máa Dɛnaa Lawa, die n ka n bɛ́ lɔn? N din nə pàãwɛɛnaa sii pàãdɛnaa la, n din nə pàãwɛɛnaa laanka doobaa sii ǹ piɛ̃-bɔle la.

Loen 37:14

Min baraan lɛn nə́ ǹ gɔya sa woɛ̃, ǹ nə́ ǹ sa dii, ǹ nə́ zoɛ̃ mà ǹ pàãwɛɛnaa laanka doobaa dɛ, ǹ nə́ zoɛ̃ mà ǹ tɔ pepere wɔle bɔlɔ kuru.

Loen 59:3

Ma si sii baraa-zɛnaalin kɛn la, n ma kirisibaa mà-kaali bɔbɔnɛɛn kɛn-a.

Suusun 14:31

Min mɛn bɛ́ mɛnɛɛ doobaa la, a n sɔ koe a zɛnaali ganaa. Sɛnɛ, doobaa makara bɛ́ boe min mɛn ganaa, bɛ n gugurubaa koe la.

Suusun 22:16

Bɛ̀ min mɛnaa doobaa la, a n biɛ pàãma lɛa. Min mɛn bɛ́ bǐɛ̃ biɛ pàãma la, a n biɛ doobaa lɛa.

Suusun 28:15

Nyɛɛnaadɛnaa baraa mɛn bɛ́ boe doobaa zaman yii ni, bɛ n goon ka yàra mɛn bɛ́ wɔɔsiɛ̃, ka gòon màn gole mɛn bɛ́ parɛ.

Izayii 3:15

Ka n maa zaman nɔmɛɛ, ka n pàã nyɛɛ doobaan nɛ. Bɛ giala mà wàa kəni?» Dɛnaa Lawa Pàãyiidɛnaa a da ǹ boo ne.

Izayii 32:7

Min mɛnɛn bɛ́ ǹ miãn yiri siɛ̃, ǹ sii baraa zɛnaa la yii ni. Maǹ tán dù bose ǹ nə́ doobaan laadoo ziziɛ̃ ka soɛn nɛ, ta sonbore nə ǹ lon.

Zeremii 5:26

A giala, min baraan tá maa zaman lɛ bii. Ka dɔ-dɔli bɛ́ lɔn, manə n duri, ń yii diɛ. Maǹ nə́ kan kɔ ǹ tá minbuiinin kuĩ ni.

Busii pɛ 3:10

Dɛnaa Lawa lɛ n gòon màn gole lɛa masɛ ganaa, zoɛ̃ li mà a parɛ. A n ka yàra bɛ́ lɔn durii-n tewon ne.

Ezekieli 22:29

Gána lɛ a minin man kakaarɛbaa ǹ sii zɛnɛɛ, ǹ nə́ wurumu dɔ biɛ. Maǹ boe nɔmaa wolen laanka doobaan yii ni, maǹ mɛnɛɛ gùli la, haalɛ ta sonbore na a lon.

Amɔɔsi 3:4

Bɛ̀ ń yàra yaa wɔɔsaa we daã nɛ, màn na a lɛ-a. Bɛ̀ ń yàra ten yaa n toɛ a waa ǹ bǎã nɛ a ń lɛ biɛ, a na á màn kũ.

Misee 7:2

Min sonboren nə́ nya ǹ nə́ n bɔ gána lɛ nɛ, min pepere din ba minbuiinin bii doo wa, ǹ ba taasiɛ kɔsɔ we wa, yǎa gɛ̀-dɛ. Didie n kuu koe ǹ miã-a, mà asɛ gɔn dɔ-a.

Abakuku 1:15

Baabilonii minin man minin kuĩ ka koɛ̀ɛ̃n nɛ ka zɔ̀ bɛ́ lɔn. Maǹ die ǹ nɛ zɔ̀ɔ nɛ, ka kokoo ne, a n foo kɔɔ̃n gole lɛa ǹ ganaa.

Abakuku 3:14

Ma nə n zɔ́ɔn kiãn mìi foɛ̃ ka ǹ dinin gɔn kiɛ nɛ: Maǹ die ka baa nɛ ka piɛ̃ gole bɛ́ lɔn, ǹ nə́ wɔ lui paǹ yii li. Maǹ nə n lɛ dii ka foo kɔɔ̃nbaa nɛ, ǹ yɔrɔ n boe ne durii a minin dɛ taman yii.

Zakarii 11:3

Ka n too kɔ tɔrɔn tɔɔn-lɛduə̃lin kɛn lon gini. A giala, ǹ pàã nya. Ka n too kɔ yàra nɛ tenən lɛ-baa li. A giala, Zurdɛ̃ tà lɛ a bǎã sonbore lɛ ziziɛ̃.

Zaã a sɛ́wɔ 10:12

Min mɛn bɛ́ sèren lɛduĩ giɛ saraa li, a ná a ba sèren lɛn lɛduə̃li taãn lɛa wa, sèren lɛn dɔn nə́ ǹ ba a wɔn lɛa wa, bɛ̀ bɛa dɛnaa don gin yɛ die, a n sèren lɛn toɛ walan, a n gòã da baa nɛ. Don gin lɛ nə ǹ tɛn kuĩ, gialakunun kɛn nə baa si ǹ sasawaa kɔn.

Nya ǹ dín 23:21

N nyan toa ǹ nə n bebele wa. Minin lɛn man gɔn diɛ Pooli ganaa. Ǹ tá re liɛ min pusi ni ǹ nə́ die bɛa dí kɛ lɛ nyɛɛ. Ǹ nə́ n liɛ dinin, mà ǹsɛn ba màn kɔ́n we ǹ lɛ-n wa, yǎa ǹsɛn nə Pooli lɛ dii a giɛ̃. Ǹ nə́ ǹ sii tumaa yɔrɔ bɔ á nya, maǹ nə n yii diɛ n din a lɛ-kɔ la.»