Loen 10:5 - LAWA A BOO SONBORE 2011

⁵ A din yii li, asɛ wɔ n bǐɛ̃ koe biikoo tumaa li. Lawa a kiri kurii ke lon walan, bɛ wɔlɔ á sɔsɔɔ asɛ ganaa, a na a zɔ́ɔn kɛn tumaa diɛ yaa lɛa.

LAWA A BOO SONBORE

⁵ A din yii li, asɛ wɔ n bǐɛ̃ koe biikoo tumaa li. Lawa a kiri kurii ke lon walan, bɛ wɔlɔ á sɔsɔɔ asɛ ganaa, a na a zɔ́ɔn kɛn tumaa diɛ yaa lɛa.

Loen 10:5 ပူးပေါင်းရင်းမြစ်များ

Siin Giala 6:12

Dɛnaa ga kanaa ganaa, á yɛ mà á ziziɛ̃, a giala, minbuiinin tumaa a tɔ wɔ ǹ gɔn baraa kɔ.

Samayeli2 5:6

Kii Davida laanka a minin lɛn nə́ woo Zebuzu kiwi minin kɛn gialaa Zeruzalɛmu. Ǹ dinin man nə́ goã giã-n gána lɛ nɛ. Ǹ nə́ pɛ Davida nɛ: «N gòã ba miɛ kànaa wa. A giala, yii tere-an laanka gɔ̀nàan dinin tá re n diɛ n lɛ.» Bɛ giala, mà Davida gòã ba miɛ kànaa wa.

Kiin1 20:13

Sɛnɛ Lawa a boo gii-dali goon daa n mɔrɔ Izirayeli gána a kii Akaabu lɛ ganaa, á pɛ nɛ: – Á ke, Dɛnaa Lawa n kɛ pii: «Ń sɔraasi damata kɛ yɛ? Ga! Man die ǹ we n gɔn pelo, n tá re doɛ̃ sonbore, mà masɛ n Dɛnaa Lawa lɛa.»

Zɔbu 24:23

Lawa n zɛnɛɛ ǹ taasɛ mà ǹsɛn tá là nyantoro la, sɛnɛ, a n giɛ ǹ tɔ wɔ ǹ gɔn ganaa.

Loen 12:5

Ǹ mɛnɛn lɛn bɛ́ mà kɛnɛn: Wɔsɛn lɛwɔn nə wɔ pàã lɛa. Wɔ lɛ nə n doe wɔ lɛ. Die n die boe wɔ la?

Loen 73:3

A giala, ma foo na á goã wuu pii din gole-kɔlen kɛn li, ma yii na a ganaa, min baraan sii n bǐɛ̃ koe.

Suusun 1:19

Taãn nɛ, á ke, min mɛnɛn bɛ́ mɛnɛɛ minin la, sii mɛn bɛ́ re ǹ yii, gɛ̀ nɛ.

Suusun 15:24

Zii mɛn bɛ́ woe yiikoonaabaa ganaa, sii-dɔ̃li n koe bɛ lɛ. Ǹ mɛn bɛ́ woe gɛ̀ ganaa, a nə n nyɛnɛɛ bɛ nɛ.

Suusun 2:13

Ǹ mɛnɛn bɛ́ zii pepere toɛ walan ǹ nə́ tɔ we wɔlɔ tì li, ǹ tá re n kanbiɛ bɛn ganaa.

Suusun 2:15

Ǹ ba pepere wa, ǹ giã ǹ gɔn nə kɔkɔrɔ.

Suusun 24:1

N nyan toa n foo wuu pɛ min baraan li wa. N nyan koa kunun ǹ ni wa.

Izayii 10:1

Min mɛnɛn bɛ́ dí-pɛ kɔkɔrɔn koɛ, landa sɛ́wɔn kiɛ̃, koe boe ǹ miãn ganaa nɛ, bɛn wɔ n ka bɔ̀n nɛ.

Izayii 26:11

Dɛnaa Lawa, n gɔn-munii n lon, ǹ yii ba a ganaa wa. Sɛnɛ, ǹ tá re n miãgoã-bɔ kɛ yii n zaman kɛa paǹ li, sìi á re ǹ kuĩ. N tɛ mɛn yɔrɔ bɔ n zɔ́ɔn wɔ lɛa, bɛ á re ǹ kuĩ.

Izayii 28:15

Ka ǹ pii: «Wɔ́ lɛ kɔ kɔn la wɔ ka gɛ̀ nɛ, wɔ́ lɛ kɔ kɔn la wɔ ka geren ne. Bɛ̀ koe daa, a re wɔ yii wa. A giala, soɛ n wɔa mìi duru ǹ bǎã lɛa, màn mɛn bɛ́ a taãn lɛa wa, bɛ n wɔa duru ǹ bǎã lɛa.»

Izayii 42:25

Bɛ lɛ nɛ, Dɛnaa Lawa na a foo yoo baraa kɛ kaa ǹ la, ka zia baraa nɛ. Bɛa zia lɛ tɛ da ǹ paǹ yii ganaa a ná a lɛnpɛnɛ nɛ, sɛnɛ, Izirayeli na a giala ma wa; á kũ, sɛnɛ a baa a parsii lɛa wa.

Izayii 5:12

Maǹ yɔ mii kɔnkoɛ̃nɛn wuu li, tùtu ni, maà nɛ ka pìi ni. Sɛnɛ, ǹ ba doɛ̃ mà Dɛnaa Lawa á sii zɛnɛɛ wa, a bɛ́ sii mɛn yɔrɔ boe, ǹ yii ba bɛ ganaa wa.

Ozee 14:9

Efrayimu, maa wàa n kɔn ka dìn kɛn nɛ doo. Ma din nə n lɛ sii, ma din nə n lɛduĩ. Masɛ n ka siprɛsi da bɛ́ lɔn, ma luu n tì biikoo yii li. N nɛ kɔ n boe masɛ li.

Ozee 9:9

Ká dɔ baraabaa lɛ a dù ni, ka Gibeya wɔ kɛ bɛ́ lɔn lɛlɛ. Lawa yiri a die boe ka kaa baraabaa ǹ siin kɛn nɛ wa, á die kaa sii baraan lɛn dɔlɔ boe ka ganaa.

Rɔmu minin 3:16

Bɛ̀ ǹ nə́ bɔ bǎã mɛn nɛ, basaã n goɛ̃ ǹ basa la.

Sii yɔrɔ-bɔlen 9:27

Ǹ nə́ soo ǹ nə́ woo don, ǹ nə́ woo rezɛ̃ da nɛ na, ǹ ná a mu bɔ, ǹ nə́ zɔ́n zɛnaa nɛ. Bɛ kio, ǹ nə́ woo kaa ǹ dì kion, ǹ nə́ màn bii, ǹ nə́ duvɛ̃ mi, ǹ nə́ lɛn baraa bíi Abimelɛki li.

Sii yɔrɔ-bɔlen 9:38

Zebulu tɔ́n pɛ nɛ: – Táa ma nə n goã boo pipiã woɛ̃ n nə́ pii: «Abimelɛki n wàa lɛa wɔsɛn nə tɔn dí nya nɛ? Minin kɛn lɛn bie ń goã ǹ puusə koe wa ya? Baalaan wɔ n soo kanna kəni, n zia baa wɔ ganaa.»