Loen 10:3 - LAWA A BOO SONBORE 2011

³ Min baraa nə n din kalɛɛ, mà asɛ boo sii la. Bɛ̀ á ná a wurumubaa ǹ mànan lɛn yɛ, a n sɔ kiɛ Dɛnaa Lawa la, bɛ̀ a da yaa lɛa.

LAWA A BOO SONBORE

³ Min baraa nə n din kalɛɛ, mà asɛ boo sii la. Bɛ̀ á ná a wurumubaa ǹ mànan lɛn yɛ, a n sɔ kiɛ Dɛnaa Lawa la, bɛ̀ a da yaa lɛa.

Loen 10:3 ပူးပေါင်းရင်းမြစ်များ

Kiin1 20:25

Bɛ kio, n din nə sɔraasin bɔ, pipiã ka n lɛlɛ a sɔraasin kɛn bɛ́ lɔn, ǹ nə́ goã ǹ nə́ ǹ dɛ. Toa ǹ sùin laanka ǹ zia da ǹ wotoron nə goã mɔnaa nɛ ka lɛlɛ wɔn lɛn bɛ́ lɔn. Wɔsɛn man zia lɛ diɛ nyankɔrɔ lɛ nɛ, wɔ n boe ǹ la a giala yii li. Kii lɛ dɔ nə́ n too kɔ ǹ boo-a, á lɛ kɔ ǹ doroo ganaa.»

Zɔbu 31:24

Ma bin nə n foo doa sana ganaa wa. Ma bin pɛ sana sonbore ne máa: N din nə maa dɔmalɛ wole lɛa wa.

Loen 35:21

Maǹ nə́ n lɛ dii ma ganaa kɔsɛkɔsɛ mà haya, haya, mà ǹsɛn dinin yii sɔɔ̃n!

Loen 49:18

A giala, bɛ̀ á gã, a woe ka màn kɔn nɛ wa, a pàãmabaa ǹ màn kɛ ba woe kun ni wa.

Loen 49:6

Lɛawaa baraa li, bɛ̀ maa zɔ́ɔn kɛn nə́ ma lɛnpɛnɛ ka ǹ zɔ́ɔbaa ǹ siin ni, wàa mɛn nyɛ́ɛ-n ma á biɛ?

Loen 5:6

Din-koa wole a giɛ̃ n yɔrɔ-a wa, baraa-zɛnaali kɛ tumaa, bɛn tìĩ bɔ n nɛ.

Loen 52:1

Loe-saalin goledɛnaa loe mɛn lɔ. Davida a loe.

Loen 94:4

Maǹ boo ziziɛ̃n diɛ, ǹ tá ǹ dinin kalɛɛ, bɛa baraa-zɛnaalin kɛn lɛn tumaa.

Bɔ bɛ̀rɛbaa nɛ 15:9

Zɔ́ɔ pɛ: «Man die a kio lui, ma dɔ a ganaa. Ma dɛ, ma a mànan goa, man lon pã nɛ. Ma á re maa gɔya sa boe, ma gɔn dɔ ǹ ganaa, ma ǹ dɛ.»

Suusun 28:4

Min mɛnɛn bɛ́ ǹ ba koe dí-pɛn lɛ wa, maǹ min baraan laakalɛ. Sɛnɛ, min mɛnɛn bɛ́ koe dí-pɛn lɛ, bɛn manə n gòãn dii ǹ ganaa.

Boo-laakalaali 7:15

A ma toa kanaa kɛ nɛ, má n ma a siin giala miɛ wa, ma yii sii tumaa yɛ. Min pepere n boe la a papaã a peperebaa gɔ́ɔ̃ nɛ. A da yaa, min baraa yii n boe la a goã koo, a baraabaa gɔ́ɔ̃ nɛ.

Izayii 37:23

Ma nə ń sɔ kɔ die ganaa? Ma nə ń die piɛ̃ bɔ? N yii na á wɔ n boo da die ganaa? Ma nə n ga die ganaa ka din koa nɛ? Masɛ din Izirayeli a Lawa sonbore kɛ nɛ!

Izayii 57:17

Izirayeli a zɛ̀rɛ laanka a din foo siin kɛn nə́ ma foo yoo, bɛ lɛ nɛ má dɔlɔ da la. Ma ba li ma yɛ doo wa. Sɛnɛ a too kakabaa taman yii, a n tɔn koe a din foo siin lɛ.

Zeremii 22:17

Sɛnɛ, nsɛ n giɛ n dinsɔɔ̃ a là li. Ma n zoɛ̃ yii tì-an dɛ li, n nə́ kakaarɛbaa zɛnɛɛ minin ni, ka mɛnaa ma la nɛ.

Lawa a wúlu-bɔlen 26:30

Bɛ̀ masɛ foo yoo ka li, kaa wúlu bɔ ǹ bǎãn kɛn, ma á re bɛn wurii. Ka tíĩ dadaran mɛnɛn dɔ, ka n wasa guguru koe ne, ma á die bɛn yui. Ma á die ka dininmaan gere kiɛ kɔn la, bɛa dìn kɛn lɛn kɛbɔlɔ lalan. Ka tìĩ á die boe masɛ nyin ni.

Abakuku 2:9

Kaa wɔ ǹ ka bɔ̀n nɛ! Ka mɛnaa minin la, ka gɔn mànan yɛ, kaa kion minin wɔ lɛa. Ka bàan wɔ bɛ́ lɔn, ka n kaa giãǹ bǎã doe lon, màn mɛn bɛ́ toɛ koe ná a doe ka ganaa wa.

Luku 12:15

Á pɛ ǹ tumaa nɛ: «Ka n dinin kũ dɛ! Ka n parabaa ka ga màn li baraa nɛ. Min a yiikoonaabaa giala bie doa-n a gɔn màn-a wa, ta bɛa gɔn màn lɛ din na á mɔnaa lɔn.»

Luku 12:19

Ma á re pii ma dinmaa-n bɛ kio kɛnɛn: Á ke, má gɔn màn gigiã sɔkɔn lɛ̀ gigiã wɔ lɛa. Man die giɛ̃ tán-a, man susu, ma màn bii, masɛ yɔ mi, man nyɛnyɛɛ.»

Rɔmu minin 1:29

Ǹ piɛ̃maa-n ka kɔkɔrɔbaa laanka sii baraa tɔrɔ tumaa nɛ. Ǹ foo n wuu pii, ǹ dinin dɔn man baraa. Maǹ minin bebele, maǹ zia diɛ, maǹ gɛ̀ dii. Maǹ gɔn diɛ ǹ miãn ganaa. Maǹ boo baraa diɛ kɔn kio ganaa,

Rɔmu minin 1:32

A laanɛ ǹ tá doɛ̃ ke mà Lawa pɛ mà bɛa siin kɛn lɛn zɛnaalin doamaa-n ka gɛ̀ nɛ, ǹ ba goɛ̃ bɛa siin kɛn lɛn zɛnaa dinsɔɔ̃ li wa, sɛnɛ, a zɛnaali kɔsɔn dɔn man kɔɔ̃nɛ ǹ ganaa.

Korɛnti1 6:10

wurumun ni ka yii bɔ miã gɔn màn li wolen ne, yɔ-mili baraan nɛ, minin tɔ-ziziɛ̃lin ni, ka waa zii-a wolen ne, bɛa min kɛ kɔ́n ba re bǎã yii Lawa a kiibaa-n wa.

Efɛɛzi minin 5:5

Ka dɔ̃ taãnɛ, mà kɔrɔbaali ni, min gɔgɔrɛ nɛ, hinlaa yii mu-mili ni, mà bɛa minin kɛn kɔ́n gii ba Krita laanka *Lawa a kiibaa kɛ-n wa. Yii a mu mi màn li n goon ka dì guguru-kɔ nɛ.

Timəə dí-pɛn 29:19

Dɛnaa Lawa a re lɛ koe a bɛa dɛnaa a sii baraa toa-n wa. Ǹ dɛnaa lɛ bɛ́ na á Dɛnaa Lawa bɔlɔ tii, a foo n die yui li. Dɔlɔ mɛn tumaa boo nə n da sɛ́wɔ kɛ nɛ, bɛ tumaa n die goɛ̃ a mìi ni. Dɛnaa Lawa á re ǹ dɛnaa tɔ tuturi a bɔ kanaa.

Timəə dí-pɛn 32:19

A nɛnyaanan lɛn nə́ wɔ a lon. Dɛnaa Lawa bɛ́ á yɛ miɛ̃, a foo yoo,

Kolɔɔsi minin 3:5

Dùũ siin mɛnɛn bɛ́ ka nɛ, ǹ nə́ kanaa dùũ siin lɛa, ka bɛn kaa ka lenlen. Bɛa dùũ siin lɛn nə́ ke: Kɔrɔbaa nɛ, ka gɔgɔrɛbaa nɛ, ka sii baraa zɛnaa a bɔlɔ-sɛ̀-mui ni, ka dùũ sii babaraa nɛ, ka yii miminibaa nɛ bɛ mɛn bɛ́ goon ka dì wúlu bɔ nɛ.

Zaaki 4:13

Haya! Kasɛn mɛnɛn bɛ́ pii: «Pelo hinlaa biɛ̃, wɔ n woe kiwi gole kɛ nɛ, wɔ lɛ̀ goon zɛnaa walan, wɔ pii kɔ, wɔ wɔrɔ yɛ.»

Zaaki 4:16

Sɛnɛ, bɛ̀ ka a bɛ pii wa, ka nə n dinin gole koe ka ka dinin laakalaa ǹ boon kɛn nɛ. Bɛ miã din gole kɔ kɛ bɛ́ a siĩn wa.

Zaã1 2:15

Ka nyan kanaa laanka a gɔn màn kɔ́n narɛ wa. Bɛ̀ min mɛn tá kanaa narɛ, Díi Lawa narɛɛ ba ǹ dɛnaa gɔ́ɔ̃-n wa.

Sii yɔrɔ-bɔlen 17:2

Ǹ kɔn pinaa, á pɛ ǹ dan nɛ: «N wɔrɔ duu goon ka paabiɛ (1 100) mɛn goã á papaã, ń dì bii li ma din yii-n ke lɛn, bɛa wɔrɔ kɛ lɛ, a tá ma gɔn. Masɛ din ni má saa.» Ǹ dan tɔ́n pɛ nɛ: «Maa nɛgiĩ ganaa, Lawa die a barka da n ganaa!»

Samayeli1 23:21

Sayulu nə́ n toa: «Ma makara ka dinin mɛnɛn kũ, Dɛnaa Lawa die a barka da ka ganaa.