Lawa a wúlu-bɔlen 5:6 - LAWA A BOO SONBORE 2011

⁶ A sii baraa mɛn zɛnaa, a doamaa nɛ a sère hinlaa bòe dan bɔ bɛa lɛa, a kɔ Dɛnaa Lawa la, a sii baraa lɛ a sawaa ǹ *wúlu màn lɛa. Lawa a wúlu-bɔle lɛ doamaa nɛ, a bɛ lɛ dɛ a sii baraa lɛ a sawaa ǹ wúlu màn lɛa.

LAWA A BOO SONBORE

⁶ A sii baraa mɛn zɛnaa, a doamaa nɛ a sère hinlaa bòe dan bɔ bɛa lɛa, a kɔ Dɛnaa Lawa la, a sii baraa lɛ a sawaa ǹ *wúlu màn lɛa. Lawa a wúlu-bɔle lɛ doamaa nɛ, a bɛ lɛ dɛ a sii baraa lɛ a sawaa ǹ wúlu màn lɛa.

Lawa a wúlu-bɔlen 5:6 ပူးပေါင်းရင်းမြစ်များ

Ezekieli 40:39

Tabalan nə́ goã tán wɔ ǹ kiɛnlɛ lɛ a dàã li. Màn paa na á goã gusin, màn paa na á goã gɔsɛ. Maǹ nə́ goã wúlu màn tiɛ̃ kɛ a tɔɔn dii bɛn la, sii baraa sawaa ǹ wúlu mànan nɛ, ka zɛ̀rɛ si Lawa la ǹ wɔn nɛ.

Ezekieli 42:13

Giĩ lɛ tɔ́n nə n toa ma ganaa: «Kion nɛn mɛnɛn bɛ́ gɔsɛ a lɛ̀gɔn la, ǹ mɛnɛn dɔn bɛ́ gusin a lɛ̀gɔn la, ǹ yɔrɔ n dia nɛ Lawa a kion lɛ la, bɛn man Lawa wɔn lɛa. Sonbore, wúlu-bɔlen mɛnɛn bɛ́ n mɔrɛ Dɛnaa Lawa ganaa, bɛn doamaa nɛ ǹ na a màn sonbore sonboren kɛn bii walan. Màn sonbore sonboren mɛnɛn bɛ́ Lawa wɔn lɛa, a gɔ ǹ màn kɛ nɛ, sii baraa sawaa ǹ wúlu mànan laanka zɛ̀rɛ si Lawa la ǹ wúlu mànan kɛn nɛ, ǹ doamaa nɛ, ǹ nə ǹ tumaa kaa walan. A giala, bǎã sonbore ne.

Ezekieli 44:27

A bɛ́ re we Lawa a kion lɛ a sumu gɔ́ɔ̃ kɛ nɛ ǹ mɛn pinaa mà a n dí nyɛɛ a nɛ, a màn dɛ sii baraa sawaa ǹ wúlu màn lɛa. Ma din Dɛnaa Lawa a da ǹ boo ne.

Lawa a wúlu-bɔlen 4:20

A dii gɔ̀lɔ̀ mɛn dɛ a din a sii baraa taman yii, a bɛ́ á bɛ baa lɔn, a kɛ lɛ dɔ baa miɛ̃. Wúlu-bɔle lɛ doamaa nɛ, a ǹ sii baraa sawaa ǹ wúlu bɔ miɛ̃, Lawa á die ǹ sii baraan toɛ ǹ nɛ.

Lawa a wúlu-bɔlen 4:28

A sii baraa mɛn zɛnaa, bɛ̀ min yɛ á pɛ nɛ, a doamaa nɛ a bòe dan bɔ a sii baraa lɛ taman yii, sɛnɛ, wɔ̀lɔ̀ nyan goã a ganaa wa.

Lawa a wúlu-bɔlen 4:31

A tɔɔ lɛ a nyɔɔ tumaa waa, ka a bɛ́ á barka da Lawa nɛ ǹ wúlu màn lɛ wɔ waa lɔn. Wúlu-bɔle lɛ bɛ tã wúlu bɔ ǹ bǎã lɛ nɛ, wúlu màn lɛa, a tɛmaa gìĩ n kɔɔ̃n Dɛnaa Lawa ganaa. Wúlu-bɔle lɛ sii baraa zɛnaali lɛ a sii baraa sawaa ǹ wúlu bɔ miɛ̃, Lawa á die a sii baraa toɛ nɛ.

Lawa a wúlu-bɔlen 4:32

Bɛ̀ ǹ dɛnaa n li a da ka sère ne, a sii baraa lɛ a sawaa ǹ wúlu màn lɛa, a doamaa nɛ a da ka sère dan nɛ, wɔ̀lɔ̀ ná a ba a ganaa wa.

Lawa a wúlu-bɔlen 4:35

Á tɔɔ lɛ a nyɔɔ tumaa waa, ka ǹ bɛ́ ǹ nə́ barka da Lawa nɛ ǹ sère nɛ lɛ wɔ waa lɔn. Wúlu-bɔle lɛ bɛ tã wúlu bɔ ǹ bǎã lɛ nɛ, kun ka Dɛnaa Lawa gɔ ǹ wɔ kɛ nɛ, bɛ̀ ǹ tã. Wúlu-bɔle lɛ doamaa nɛ a sii baraa zɛnaali a sii baraa sawaa ǹ wúlu bɔ miɛ̃, Lawa á die a sii baraa lɛ toɛ nɛ.

Lawa a wúlu-bɔlen 6:6

Tɛ doamaa nɛ a goã kuĩ wúlu bɔ ǹ bǎã lɛ lalan miɛ̃, a ná a nimi duduu wa.

Minin nimi 6:12

A wusoo doo a na a din-kɔ Dɛnaa Lawa la ǹ biikoo lɛ kɔ Dɛnaa Lawa la. A da ka lɛ̀ goon sère nɛ nɛ, zɛ̀rɛ si ǹ wúlu màn lɛa. A biikoo mɛn zɛnaa lɛlɛ din-kɔ lɛ gɔ́ɔ̃ nɛ, bɛ ba a-n wa, a giala a ná a n din-kɔ Lawa la lɛ ziziɛ̃.