Lawa a wúlu-bɔlen 4:35 - LAWA A BOO SONBORE 2011

³⁵ Á tɔɔ lɛ a nyɔɔ tumaa waa, ka ǹ bɛ́ ǹ nə́ barka da Lawa nɛ ǹ sère nɛ lɛ wɔ waa lɔn. Wúlu-bɔle lɛ bɛ tã wúlu bɔ ǹ bǎã lɛ nɛ, kun ka Dɛnaa Lawa gɔ ǹ wɔ kɛ nɛ, bɛ̀ ǹ tã. Wúlu-bɔle lɛ doamaa nɛ a sii baraa zɛnaali a sii baraa sawaa ǹ wúlu bɔ miɛ̃, Lawa á die a sii baraa lɛ toɛ nɛ.

LAWA A BOO SONBORE

³⁵ Á tɔɔ lɛ a nyɔɔ tumaa waa, ka ǹ bɛ́ ǹ nə́ barka da Lawa nɛ ǹ sère nɛ lɛ wɔ waa lɔn. Wúlu-bɔle lɛ bɛ tã wúlu bɔ ǹ bǎã lɛ nɛ, kun ka Dɛnaa Lawa gɔ ǹ wɔ kɛ nɛ, bɛ̀ ǹ tã. Wúlu-bɔle lɛ doamaa nɛ a sii baraa zɛnaali a sii baraa sawaa ǹ wúlu bɔ miɛ̃, Lawa á die a sii baraa lɛ toɛ nɛ.

Lawa a wúlu-bɔlen 4:35 ပူးပေါင်းရင်းမြစ်များ

Lawa a wúlu-bɔlen 12:8

Bɛ̀ wɔrɔ ba lɔ lɛ gɔn á n doe sère nɛ ganaa wa, a wuruun màn paa hinlaa zɛrɛkantoan màn paa kũ, a goon baa wúlu màn tiɛ̃ lɛa, a goon baa sii baraa sawaa ǹ wúlu màn lɛa. Bɛ̀ wúlu-bɔle lɛ gɔ̀ bɔma-a ǹ landa zɛnaa a lɛa, a gɔ̀ na á n bɔ a ganaa.

Lawa a wúlu-bɔlen 14:18

Nyɔɔ lɛ a mɛn bɛ́ goɛ̃ a gɔn, a bɛ kaa gɔ̀ bɔ din ganaa wole lɛ mìi ni. Wúlu-bɔle lɛ doamaa nɛ a gɔ̀ bɔmaa ǹ wúlu lɛ bɔ a lɛa Dɛnaa Lawa yɔrɔ-a.

Lawa a wúlu-bɔlen 14:53

A n gɔn bɔ bàan yiikoonaa lɛ sɛ ganaa, bɛ piɛ̃ a wo don, a n bɔ kiwi gɔ́ɔ̃ nɛ. A gɔ̀ bɔma-a ǹ landa zɛnaa kion lɛ ganaa ka bɛa yɔrɔ lɛ nɛ, á die yoreen koe.

Lawa a wúlu-bɔlen 15:15

Lawa a wúlu-bɔle die a bàanan lɛn goon baa sii baraa sawaa ǹ *wúlu màn lɛa, a ǹ goon baa wúlu màn tiɛ̃ lɛa. Wúlu-bɔle lɛ gɔ̀ bɔma-a ǹ landa zɛnaa bɛa giĩ lɛ a lɛa, kɔn yɛ ka Dɛnaa Lawa nɛ ǹ kion kɛ yɔrɔ-a, a kii mu a da a din li lɛ taman yii.

Lawa a wúlu-bɔlen 19:22

A sii baraa mɛn zɛnaa, bɛ̀ Lawa a wúlu-bɔle sii baraa sawaa ǹ wúlu bɔ kɔn yɛ ǹ kion kɛ yɔrɔ-a ka sère gɔ̀lɔ̀ lɛ nɛ, zɛ̀rɛ si Lawa la ǹ wúlu màn lɛa, bɛa sii baraa lɛ á die n toɛ nɛ.

Lawa a wúlu-bɔlen 4:20

A dii gɔ̀lɔ̀ mɛn dɛ a din a sii baraa taman yii, a bɛ́ á bɛ baa lɔn, a kɛ lɛ dɔ baa miɛ̃. Wúlu-bɔle lɛ doamaa nɛ, a ǹ sii baraa sawaa ǹ wúlu bɔ miɛ̃, Lawa á die ǹ sii baraan toɛ ǹ nɛ.

Lawa a wúlu-bɔlen 4:26

Tɔɔ lɛ a nyɔɔ tumaa, a bɛ tã wúlu bɔ ǹ bǎã kɛ lalan, ka a bɛ́ á barka da Lawa nɛ ǹ wúlu màn lɛ wɔ baa lɔn. Wúlu-bɔle lɛ doamaa nɛ, a goledɛnaa lɛ a sii baraa sawaa ǹ wúlu bɔ miɛ̃, Lawa á die a sii baraa lɛ toɛ nɛ.

Lawa a wúlu-bɔlen 5:10

Bàan lɛ a paabaa ǹ wɔ ke, a bɛ tã wúlu màn lɛa, a kɔnpɛ ka a zɛnaa ǹ gɔn nɛ. Lawa a wúlu-bɔle lɛ doamaa nɛ a bɛa dɛnaa lɛ a sii baraa sawaa ǹ wúlu bɔ miɛ̃, Lawa tɔn na a sii baraa lɛ toa nɛ.

Lawa a wúlu-bɔlen 5:13

Wúlu-bɔle lɛ doamaa nɛ a sii baraa zɛnaali lɛ a sii baraa sawaa ǹ wúlu bɔ miɛ̃, Lawa dɔ á re a sii baraan toɛ nɛ. Wúlu-bɔle lɛ doamaa nɛ a bɛa wúlu lɛ a sii yɔrɔ bɔ ka a bɛ́ á Lawa gɔ ǹ wɔ kɛ a sii yɔrɔ bɔ lɔn.

Lawa a wúlu-bɔlen 5:6

A sii baraa mɛn zɛnaa, a doamaa nɛ a sère hinlaa bòe dan bɔ bɛa lɛa, a kɔ Dɛnaa Lawa la, a sii baraa lɛ a sawaa ǹ *wúlu màn lɛa. Lawa a wúlu-bɔle lɛ doamaa nɛ, a bɛ lɛ dɛ a sii baraa lɛ a sawaa ǹ wúlu màn lɛa.

Lawa a wúlu-bɔlen 6:7

Lawa gɔ ǹ màn lɛ a bɔ ǹ gɔn nə́ ke: Aarɔn a nɛgiĩ wúlu-bɔlen kɛn doamaa nɛ, ǹ golee wúlu bɔ ǹ bǎã lɛ yɔrɔ-a, ǹ wúlu màn lɛ kɔ Dɛnaa Lawa la.

Lawa a wúlu-bɔlen 9:7

Bɛ kio, Muizu tɔ́n pɛ Aarɔn nɛ: N zɔ̃ n dɔ *wúlu bɔ ǹ bǎã lɛ nɛ, n sii baraa sawaa ǹ wúlu màn laanka wúlu màn tiɛ̃ kɛ a tɔɔ dɛ, n nə n din laanka n zaman lɛ a sii baraan sawaa nɛ. Bɛ kio, n zaman lɛ a sii baraa sawaa ǹ wúlu bɔ ka zaman lɛ a Lawa gɔ ǹ màn kɛ nɛ, ka Dɛnaa Lawa bɛ́ á pɛ lɔn.

Minin nimi 15:25

Lawa a wúlu-bɔle die a sii baraa sawaa ǹ wúlu bɔ Izirayeli zaman lɛ tumaa a lɛa, ǹ sii baraa á re n toɛ ǹ nɛ. A giala ǹ bie ǹ nə́ sii baraa lɛ zɛnaa woon wa, ka bɛ dɔ nɛ, ǹ nə́ daa ka ǹ Lawa gɔ ǹ màn nɛ Dɛnaa Lawa yɔrɔ-a, ka wúlu màn tiɛ̃n laanka ǹ sii baraa sawaa ǹ wúlu màn nɛ, ǹ sã lɛ taman yii.

Minin nimi 15:28

Bɛa sii baraa kɛ lɛ, ǹ dɛnaa ná a bie á zɛnaa woon wa, Lawa a wúlu-bɔle die a na a sawaa ǹ sii zɛnaa Dɛnaa Lawa yɔrɔ-a, a lɛa. Lawa a wúlu-bɔle lɛ die a sii baraa sawaa ǹ sii lɛ zɛnaa a lɛa, a sã á die n toɛ nɛ.

Rɔmu minin 10:4

Sonbore, dí-pɛn lɛ piɛ̃ n ka *Krita nɛ. Bɛ̀ min mɛn golee Krita li, Lawa n bɛa Dɛnaa kuĩ min pepere lɛa.

Rɔmu minin 4:25

A na á toa Yezu lɛ gã, màn mɛn bɛ́ toɛ, a wɔa sii baraan tuturu. A na á ná a yii kaa á bɔ geren bii, màn mɛn bɛ́ toɛ, a wɔa zɛ̀rɛn nya, wɔ boo la, wɔ n baa min peperen lɛa a din yɔrɔ-a.

Rɔmu minin 8:1

Sisia kəni, min mɛnɛn bɛ́ kaa-n kun ka Yezu *Krita nɛ, dɔlɔ ba bɛn mìi-n doo wa.

Korɛnti2 5:21

Sii baraa kɔ́n goã Krita li wa, sɛnɛ, Lawa na á wɔa sii baraan guĩ da a din lɛ mìi ni, ń giɛ, wɔ á min peperen biɛ asɛ din yɔrɔ-a Krita pàã ganaa.

Efɛɛzi minin 5:2

Ka goã kɔn-narɛɛ gɔ́ɔ̃ nɛ, ka *Krita din bɛ́ á wɔ narɛ lɔn, yǎa á n din kɔ wɔ a lɛa, *wúlu màn gìĩ kɔɔ̃n-a lɛa, á n kɔɔ̃n Lawa ganaa.

Kolɔɔsi minin 1:14

A Nɛgiĩ lɛ barka nɛ, á wɔ si sii baraa la, á wɔa sãn toa wɔ nɛ.

Ebrəə 1:3

Bɛa Nɛgiĩ kɛ lɛ n Lawa a gugurubaa tɛ-pɛle kɛ nyɛɛ, a din nə Lawa a Lawabaa nyɛɛ taãn-taãnɛ. A din nə kanaa kɛ kuĩ á golee ne, ka a boo pàãdɛnaa kɛ barka nɛ. A bɛ́ á kanaa minin sii baraa pii á nya ǹ mɛn waáraa, á woo giã Lawa pàãdɛnaa gusin lon.

Ebrəə 4:14

Wúlu-bɔlen kiã gole gole tá wɔ lon, á lon bii kuru á kiɛ̃ yǎa Lawa yɔrɔ-a: Lawa a Nɛgiĩ Yezu lɛ nɛ. Bɛ lɛ nɛ, wɔ bɛ́ pii wáa wɔ lɛ kɔ goleemali mɛn ganaa, ka daa wɔ n gɔn paraa bɛ ganaa parsiini.

Ebrəə 7:26

Wɔ laadoo bɛ́ wúlu-bɔlen kiã mɛn ganaa, bɛ n ka Yezu ni. A n siĩni; zɛ̀rɛ laanka sii baraa kɔ́n ba a ganaa wa. A sii kɔ́n dɔ ba kun ka sii baraa-zɛnaalin wɔ-n wa. Lawa saa lon a ná a gole kɔ, á la lon màn tumaa nɛ.

Ebrəə 9:14

Sanparɛ Krita mà ke kəni! Krita mɛn bɛ́ á n din kɔ Lawa la, wúlu màn yoreen lɛa, ka Yiri Fu nyabaã wole barka nɛ, bɛ á boe la, a wɔ foon pii, a wɔ si bɔ̀nbaa ǹ sii zɛnaan la, màn mɛn bɛ́ toɛ, wɔ dí nya Lawa Yiikoonaa kɛ nɛ.

Piɛrɛ1 2:22

Asɛ sii baraa zɛnaa wa, boo kɔkɔrɔ kɔ́n bɔ a lɛ-n wa.

Piɛrɛ1 2:24

Krita na á n din kɔ, á wɔa sii baraan gũ gɔn ganaa, màn mɛn bɛ́ toɛ, wɔsɛn mɛnɛn dɔn bɛ́ ka geren bɛ́ lɔn kanna, sii baraan wɔ a paǹ li, wɔ boo la wɔ peperebaa ǹ dí nya. Asɛ a màbɔmaa busulɛn man nə́ wɔsɛn wɔn nya.

Piɛrɛ1 3:18

Sonbore, Krita dinmaa lɛ na á gã minbuiinin sii baraan lɛa, gunyin goon toto. Asɛ pepere lɛ gã, ka minbuiin bɛ́ lɔn, min pepere baãnaan lɛa, sɛnɛ, a yii wusoo á kaa á n bɔ geren bii ka Yiri Fu barka nɛ, màn mɛn bɛ́ toɛ, a ka nyaa Lawa nɛ.

Zaã1 1:7

Sɛnɛ, bɛ̀ wɔ á tɔ we wɔlɔ fúlu li, ka Lawa din bɛ́ wɔlɔ fúlu li lɔn, wɔ á re kaa-kun sonbore yii ka wɔ miãn nɛ. A Nɛgiĩ Yezu mà kɛ n wɔ *yoreen koe, a wɔ bɔ wɔa sii baraa tumaa nɛ.

Zaã1 2:2

A din na á n din baa *wúlu màn lɛa, ń giɛ, wɔsɛn sii baraan tá n toɛ wɔ nɛ. Wɔsɛn dininsɔɔ̃nɔn wɔn lɛa bie wa, sɛnɛ kanaa din tumaa wɔn lɛa nɛ.