Lawa a wúlu-bɔlen 27:28 - LAWA A BOO SONBORE 2011

²⁸ Ka bɛ nɛ, màn mɛn tumaa bɛ́ min gɔn, min ni hinlaa tɔɔ nɛ, hinlaa bǎã nɛ, bɛ̀ á ǹ mɛn toa walan duduu Dɛnaa Lawa taman yii, a boe la a n sã doo wa, a mìi dɔ a boe la a n bɔ wa. Min bɛ́ màn mɛn tumaa toɛ walan duduu Dɛnaa Lawa taman yii, bɛ tumaa n Dɛnaa Lawa dinsɔɔ̃ wɔ lɛa.

LAWA A BOO SONBORE

²⁸ Ka bɛ nɛ, màn mɛn tumaa bɛ́ min gɔn, min ni hinlaa tɔɔ nɛ, hinlaa bǎã nɛ, bɛ̀ á ǹ mɛn toa walan duduu Dɛnaa Lawa taman yii, a boe la a n sã doo wa, a mìi dɔ a boe la a n bɔ wa. Min bɛ́ màn mɛn tumaa toɛ walan duduu Dɛnaa Lawa taman yii, bɛ tumaa n Dɛnaa Lawa dinsɔɔ̃ wɔ lɛa.

Lawa a wúlu-bɔlen 27:28 ပူးပေါင်းရင်းမြစ်များ

KZS2 31:14

Imunaa a nɛgiĩ Koree ke Levii tɔrɔ lɛa, bɛ n lɛ̀ giala kiɛnlɛ kɛa lɛduə̃li lɛa. Foo sii mànan kɛn ǹ tá ǹ koe Dɛnaa Lawa la, a din ni bɛn mìi la. Ǹ mànan mɛnɛn kɔ Dɛnaa Lawa wɔ lɛa, ka màn sonboren kɛn nɛ, a din nə bɛn gii.

Bɔ bɛ̀rɛbaa nɛ 22:20

Ka baran mɛnaa gùli la wa, ka baran fuu nyaa-n wa. A giala, ka dɔn nə́ goã gùlin lɛa Ezipti gána nɛ.

Ezekieli 44:29

Ǹ dinin man die Lawa gɔ ǹ mànan kɛn bii, ǹ sii baraa sawaa ǹ wúlu mànan kɛn siĩ sɔ̃. Bɛ̀ ǹ nə́ màn mɛn koa maa wɔ lɛa yǎa duduu, bɛ á re ǹ wɔ biɛ.

Ezekieli 48:14

Bɛa bǎã lɛ kɔn ba n siɛ̃ wa, a lon ba n koe wa, a ba n koe min dɔ la wa. A giala a din nə gána lɛa bǎã sonbore lɛa, a na á n kɔ Dɛnaa Lawa la.

Lawa a wúlu-bɔlen 21:22

Bɛ̀ ǹ nə́ daa wúlu mànan mɛnɛn kɔ masɛ Lawa la, màn mɛn bɛ́ doe wúlu-bɔlen dininsɔɔ̃nɔn ganaa, ka ǹ mɛn dɔ bɛ́ doe ǹ laanka ǹ kion minin ganaa, ǹ tá boe la ǹ bɛn sɔ̃.

Lawa a wúlu-bɔlen 27:21

Ta lɛ̀ posooro zɔ́n na á dɔ, bɛa wuru lɛ nə n koɛ Dɛnaa Lawa wɔ lɛa, a ná a wɔbaa-n duduu. Bɛa bǎã lɛ n doe Lawa a wúlu-bɔle ganaa.

Lawa a wúlu-bɔlen 27:27

Bɛ̀ tɔɔ gɔgɔrɛ a nɛ bibinaa nɛ, ǹ dɛnaa á boe la a na a mìi bɔ. Lawa a wúlu-bɔle lɛ mɛn pɛ a sã ǹ giɔ̀mɔ lɛa, ǹ dɛnaa bɛ lɛ a talakɔn sooro goon ti a sã ǹ giɔ̀mɔ lɛ ganaa, a na a mìi bɔ nɛ. Bɛ̀ a ba li a na a mìi bɔ wa, Lawa a wúlu-bɔle á boe la a sã, a kɔnpɛ ka a giɔ̀mɔ nɛ.

Lawa a wúlu-bɔlen 27:29

Ta min mɛn nɛ, ǹ nə́ toa walan miɛ̃ duduu Dɛnaa Lawa taman yii, min ba boe la a na a mìi bɔ wa. Ǹ doamaa nɛ ǹ bɛ dɛ a gã.

Minin nimi 18:14

Bɛ̀ ǹ nə́ màn mɛn tumaa toa walan duduu Lawa taman yii, Izirayeli gána nɛ, bɛ dɔ nə n din wɔ lɛa.

Matiə 25:41

Bɛ kio, kii lɛ á die pii a gɔsɛdɛnan lɛn manɛ: «Lawa bɛ́ á barka bɔ kasɛn mɛnɛn nɛ, ka n zɔ̃ ka n bɔ masɛ ganaa! Tɛ mɛn bɛ́ a ba nimi wa, Lawa zɛnaa *Sɛtaan laanka a dia dí-a wolen manɛ, ka wo walan.

Rɔmu minin 9:3

ma dɔɔ̃nɔn lɛa, ma din tɔrɔ minin kɛn. Á kɔɔ̃n ma ganaa Lawa ma daa, a ma na dinin, a ma bɔ Krita ganaa ǹsɛn lɛa.

Korɛnti1 16:22

Bɛ̀ Dɛnaa a kɔɔ̃n min mɛn ganaa wa, koe bɔ ǹ dɛnaa ganaa! Maranata! – bɛ giala mà «Wɔa Dɛnaa, daa!»

Galaasi minin 3:10

Sɛnɛ, min mɛnɛn bɛ́ n foo doɛ dí-pɛn ganaa, mà ǹsɛn nə pepere kɔ Lawa yɔrɔ-a, koe á re boe bɛn ganaa. A giala, á kiɛ̃-n Lawa a sɛ́wɔ nɛ: «Min mɛn bɛ́ a re koe bɛa dí-pɛ kɛ lɛ a boon lɛ a ǹ lɛ pã wa, bɔ̀n na á bɛa dɛnaa yɛ!»

Galaasi minin 3:13

Koe mɛn goã wɔ mìi-n dí-pɛn lɛ-tii a lɛa, Krita na á wɔ kirisibaa bɛ lɛ ganaa. A giala, koe bɔ a dinmaa lɛ ganaa wɔ a lɛa. Ka Lawa a sɛ́wɔ bɛ́ á pɛ lɔn: «Bɛ̀ ǹ nə́ min mɛn gere da da la, koedɛnaa n ka bɛ nɛ.»

Timəə dí-pɛn 25:19

Bɛ lɛ nɛ, kaa zɔ́ɔn mɛnɛn tumaa bɛ́ ka lɛnpɛnɛ, bɛ̀ kaa Lawa, Dɛnaa Lawa ka kanbaa bɛn tumaa ganaa ǹ mɛn waáraa, a bɛ́ re gána mɛn lɛ koe ka la mà a kaa wɔ baa, ka Amalɛki tɔrɔn kɛn dɛ lenlen, ka ǹ bɔ walan. Ka nyan toa ka yiri bɔ wa dɛ!

Timəə dí-pɛn 7:26

Ka baran bɛa màn bɔbɔnɛɛ kɛ kɔn da kaa kion wa. Bɛ̀ ká bɛ zɛnaa, bɔ̀n tá re ka yii kun. Sonbore, bɛ miã mànan lɛn doamaa nɛ, ǹ nə n tã lenlen. Ka nyan lɛ kɔ ǹ ganaa wa. Ǹ tìĩ doamaa nɛ, a bɔ ka nyin ni.

Zozoe 6:26

Bɛa waáraa kɛ lɛ nɛ, Zozoe nə́ n liɛ á pɛ: «Min mɛn bɛ́ re yui kɛ kio mà a n kiwi kɛ doe, Zerikoo kiwi lɛ, Dɛnaa Lawa die a bɔ̀n da bɛa dɛnaa ganaa. Min mɛn bɛ́ re a gòã kiɛ tán ǹ mɛn pinaa, a nɛgiĩ bibinaa gã. A bɛ́ re goo we lɛ ǹ mɛn pinaa, a nɛgiĩ gɔn nyɔmiɛ̃ gã.»

Zozoe 7:1

Sɛnɛ, Izirayeli minin lɛn nə́ Lawa bɔlɔ tii. Dɛnaa Lawa bɛ́ á n gɔn waa ǹ nɛ, mà ǹ baran màn kɔn saa Zerikoo kiwi lɛ a yui pinaa wa, min yɛ ǹ bii á màn saa. Zudaa tɔrɔn kɛn min goon ne. A tɔ n Aakan, ǹ di tɔ n Karmii. Karmii lɛ n Zabdii a nɛgiĩ lɛa, Zabdii dɔ n Zeeraa a nɛgiĩ lɛa. Bɛa sii lɛ na á toa Dɛnaa Lawa foo yoo Izirayeli minin lɛn li parsiini.

Zozoe 7:25

Zozoe tɔ́n pɛ Aakan nɛ walan: «Wàa na á baa n bɔ̀n da wɔsɛn ganaa? Dɛnaa Lawa die a bɔ̀n da n dɔ ganaa pelo lɛawaa kɛ nɛ.» Izirayeli minin lɛn tumaa kɔlɔ kaã bɔ ǹ ganaa. Ǹ nə́ ǹ dɛ ka kɔlɔn nɛ, ǹ nə́ ǹ tã.

Sii yɔrɔ-bɔlen 21:11

Ka bɛ́ re sii mɛn zɛnɛɛ, bɛ n ka kɛ nɛ: Ka giĩn tumaa dɛ lenlen, ka lɔ mɛn tumaa bɛ́ á giĩ dɔ̃.»

Sii yɔrɔ-bɔlen 21:18

Sɛnɛ, wɔsɛn dininmaan bɛ́ wɔ a boe la, wɔ wɔa nɛlɔn kɔ ǹ la lɔn lɛa wa. A giala, Izirayeli minin lɛn man nə́ goã ǹ nə́ n liɛ mà bɛ̀ min mɛn ná a nɛlɔ kɔ Bɛnzamɛn tɔrɔ min la lɔ lɛa, bɔ̀n die a bɛa dɛnaa yɛ.»

Sii yɔrɔ-bɔlen 21:5

Izirayeli minin lɛn nə́ pɛ: «Izirayeli tɔrɔn lɛn tumaa bii, tɔrɔ lɛ a mɛn na a da lɛsɔkɔn bǎã kɛ nɛ Dɛnaa Lawa yɔrɔ-a wa?» A giala, maǹ nə́ goã ǹ nə́ liɛ gole kɔn wɔ ǹ nə́ pɛ: «Bɛ̀ min mɛn da Dɛnaa Lawa li Mispaa wa, ǹ tá re bɛa dɛnaa dii a gã.»

Samayeli1 15:18

Dɛnaa Lawa bɛ́ n diɛ woe, a na á pɛ n nɛ: «Woo, n zia da bɛa Amalɛki tɔrɔ sii baraa-zɛnaalin kɛn ganaa, yǎa n nə ǹ tumaa dii lenlen ǹ nyɛɛ.»

Samayeli1 15:3

Sisia kəni, wo Amalɛki tɔrɔn gialaa, n nə ǹ dɛ n nə ǹ gɔn màn tumaa ziziɛ̃ lenlen. N baran n tɛn toa ǹ nɛ wa. Giĩn laanka lɔn nɛ, nɛnyaanan laanka nɛ tiɛɛ̃nɛn nɛ, diin laanka sèren ne, nyɔɔmaan laanka dundunun ni, ǹ tumaa dɛ.»