Lawa a wúlu-bɔlen 27:26 - LAWA A BOO SONBORE 2011

²⁶ Sɛnɛ, min doamaa bie a pɛ mà asɛ n tɔɔ a nɛ bibinaa koe Dɛnaa Lawa la wa. Ta diin nɛ nɛ, ta sère nɛ nɛ, hinlaa ta bòe nɛ nɛ. A giala, bɛ n masɛ Dɛnaa Lawa wɔ lɛa lɛlɛndun.

LAWA A BOO SONBORE

²⁶ Sɛnɛ, min doamaa bie a pɛ mà asɛ n tɔɔ a nɛ bibinaa koe Dɛnaa Lawa la wa. Ta diin nɛ nɛ, ta sère nɛ nɛ, hinlaa ta bòe nɛ nɛ. A giala, bɛ n masɛ Dɛnaa Lawa wɔ lɛa lɛlɛndun.

Lawa a wúlu-bɔlen 27:26 ပူးပေါင်းရင်းမြစ်များ

Kiin2 7:5

Ǹ nə́ tɔ́n yoo wasamiɛ̃n tutu, ǹ nə́ woo Siirii minin giã ǹ bǎã lɛ nɛ, ǹ nə́ woo yǎa a lɛ ganaa, sɛnɛ min goon din goã a tan wa!

Nehemii 10:36

Wɔ́ lɛ kɔ, wáa lɛ̀ tunaa nɛ, wáa wɔ á re die ka wɔa tán màn lɛ bibinaa laanka da din tumaa a lɛ da ǹ nɛ nɛ, Dɛnaa Lawa a kion.

Bɔ bɛ̀rɛbaa nɛ 13:2

– Izirayeli nɛnyaanan nɛgiĩ bibinaan bɔ, n nə ǹ koa masɛ wɔn lɛa. A giala, Izirayeli nɛnyaanan bii, lɔ gɔn binaa nɛ mɛn bɛ́ giĩ lɛa, bɛ n masɛ wɔ lɛa. Tɔɔn dɔn wɔ baa miɛ̃.

Bɔ bɛ̀rɛbaa nɛ 22:30

Ka doamaa nɛ ka goã ma din wɔn lɛa. Bɛ̀ don siĩ baraan nə́ tɔɔ mɛn wɔ̃woɛ̃ kɔn don á gã, ka baran bɛ siĩ sɔ̃ wa. Ka zũ ginin la.

Lawa a wúlu-bɔlen 27:27

Bɛ̀ tɔɔ gɔgɔrɛ a nɛ bibinaa nɛ, ǹ dɛnaa á boe la a na a mìi bɔ. Lawa a wúlu-bɔle lɛ mɛn pɛ a sã ǹ giɔ̀mɔ lɛa, ǹ dɛnaa bɛ lɛ a talakɔn sooro goon ti a sã ǹ giɔ̀mɔ lɛ ganaa, a na a mìi bɔ nɛ. Bɛ̀ a ba li a na a mìi bɔ wa, Lawa a wúlu-bɔle á boe la a sã, a kɔnpɛ ka a giɔ̀mɔ nɛ.

Minin nimi 18:17

Sɛnɛ, diin nɛ gɔ̀lɔ̀n binaa nɛ, sère nɛ gɔ̀lɔ̀n binaa, ka bòe nɛ gɔ̀lɔ̀n binaa nɛ, n baran bɛn kɔn mìi bɔ wa: maǹ masɛ wɔn lɛa a tɔ-a. N die n nə ǹ mà kaa wúlu bɔ ǹ bǎã kɛ la, n nə ǹ nyɔɔ tã. *Wúlu màn tiɛ̃ nɛ, a gìĩ ń kɔɔ̃n masɛ Dɛnaa Lawa ganaa.

Minin nimi 3:13

A giala gɔn binaa nɛ tumaa n masɛ wɔ lɛa. Ma nɛ bibinaan tumaa dɛ Ezipti gána nɛ ǹ mɛn pinaa, man má Izirayeli minin nɛgiĩ bibinaan tumaa baa ma din wɔn lɛa, ka ǹ tɔɔn nɛ bibinaan nɛ. Maǹ masɛ wɔn lɛa. Ma din ni Dɛnaa Lawa lɛa.»

Timəə dí-pɛn 15:19

Kaa diin ni, kaa sèren ne ka kaa bòen ne, bɛn bɛ́ re nɛ bibinaan mɛnɛn yii gɔ̀lɔ̀ lɛa, ka die ka bɛn kɔ kaa Lawa, Dɛnaa Lawa la. Dii gɔ̀lɔ̀ mɛn bɛ́ ǹ dan gɔ́ɔ̃ binaa lɛa, ka nyan dí nya ka bɛ-n wa. Sère gɔ̀lɔ̀ mɛn bɛ́ ǹ dan gɔ́ɔ̃ binaa lɛa, ka nyan bɛ ka kuru wa.