Lawa a wúlu-bɔlen 26:33 - LAWA A BOO SONBORE 2011

³³ Masɛ á re zia yiɛ ma kaa ka ganaa, ma ka sasawaa, ma ka kaa tɔrɔ kɔsɔn bii, kaa gána lɛ gɔ́ɔ̃ kooro á die goɛ̃. Kaa kiwin kɛn tá re kɛbɔlɔ kooron biɛ.

LAWA A BOO SONBORE

³³ Masɛ á re zia yiɛ ma kaa ka ganaa, ma ka sasawaa, ma ka kaa tɔrɔ kɔsɔn bii, kaa gána lɛ gɔ́ɔ̃ kooro á die goɛ̃. Kaa kiwin kɛn tá re kɛbɔlɔ kooron biɛ.

Lawa a wúlu-bɔlen 26:33 ပူးပေါင်းရင်းမြစ်များ

Kiin1 8:46

Ta Izirayeli minin lɛn man nə́ sã n ganaa, a giala min kɔn banban mà bɛ na a ba siɛ̃ wa, ta n foo na á yoo ǹ li, ń nə́ ǹ wɔ ǹ zɔ́ɔn gɔn, bɛn nə́ boo ǹ la ǹ nə́ ǹ baa bɛ̀rɛn lɛa, ǹ nə́ woo ǹ ne ǹ gána nɛ, ta gána lɛ á sɔsɔɔ hinlaa ta a sɔsɔɔ wa,

Kiin2 25:9

Á tɛ da Lawa a kion kɛ laanka kii a kion ganaa, ka Zeruzalɛmu kiwi a kionən tumaa nɛ. Á tɛ da min dadaran kionən tumaa ganaa.

KZS2 7:19

Sɛnɛ bɛ̀ ka n piã ka masɛ nɛ, ma gɔn waa ǹ boon mɛnɛn laanka landa boon mɛnɛn kɔ ka la bɛ̀ ka ǹ tamaa wa, bɛ̀ ka woo dí nya guguru kɔ ǹ mànan kɔsɔn manɛ, bɛ̀ ka kaa tán bɛn giulun,

Nehemii 1:3

Ǹ nə́ tɔ́n ma lɛ si kɛnɛn: «Min mɛnɛn nə bɔ bɛ̀rɛbaa ǹ bǎã lɛ nɛ ǹ nə́ daa ǹ gána nɛ, ǹ tá koe gole laanka sìi bii. Zeruzalɛmu a kungɔn lɛ tá fɔfoɛ̃ nɛ, tɛ ná a kiɛnlɛn dɔn kũ.»

Nehemii 1:8

Sɛnɛ bǐɛ̃ kɔ n nə n yiri kɔ ka boo kɛ nɛ, ń goã ń nə́ n dí-nyali Muizu da a pɛ ganaa kɛnɛn: «Bɛ̀ ka a bɔlɔgoondɛnan lɛa wa, masɛ dɔ n die ka pɛsɛ̃ tɔrɔ kɔsɔn bii.

Ɛsit 3:8

Haman tɔ́n pɛ kii Zɛrzɛsi ni: «Tɔrɔ lɛ kɔn tan a ba goon ka ǹ miãn nɛ wa. Bɛa tɔrɔ lɛ a minin tá ǹ mìi ni pɛsiɛ̃ nɛ tɔrɔn bii n gána lɛ a bǎãn tumaa nɛ. Ǹ sii zɛnaa ǹ gɔnɔn ba goon ka tɔrɔ kɔn wɔn nɛ wa, ǹ ba kii lɛ bɔlɔ sii wa. Bɛ̀ kii lɛ nə́ ǹ toa walan kiĩn ni, a là ba a-n wa.

Loen 106:27

Á n liɛ dɔn, mà asɛ n die ǹ nɛnyaanan sasawɛɛ bǎã tumaa-n, gánan gɔ́ɔ̃ nɛ, a toa ǹ gã tɔrɔ kɔsɔn bii.

Loen 44:11

N din nə́ ń toa, wɔ́ baa si wɔa zɔ́ɔn kɛn nyɛɛnɛ. Min mɛnɛn bɛ́ wɔ biɛ zɔ́ɔ, bɛn nə́ wɔ gɔn màn yii goa.

Loen 44:12

N din nə́ ń wɔ kɔ, ka tɔɔn bɛ́ lɔn, ǹ nə́ woe ǹ dii. Ń wɔ loo, ń wɔ pɛsɛ̃ bǎã tumaa nɛ, tɔrɔn bii.

Izayii 1:7

Kaa gána n kɛbɔlɔ lɛa. Tɛ kaa kiwin kũ. Tiin man kaa wurun ziziɛ̃ ka dinin yii ni. Kaa wurun man ka kɛbɔlɔ bɛ́ lɔn, ká kaa zɔ́ɔn man nə́ bɔ ǹ nɛ.

Izayii 6:11

Má tɔ́n nɔ̀n da: «Yǎa biĩ kəni Dɛnaa?» Á ma lɛ si kɛnɛn: «Yǎa bɛ̀ ǹ nə́ ǹ kiwin lɛn yu lenlen, min goon ná a ba ǹ nɛ wa, bɛ̀ ǹ nə́ ǹ kionən gɔ́ɔ̃ duduu, ǹ wurun nə́ diə gole baa.»

Zeremii 13:24

Man die ka pɛsɛ̃ paǹ yii li, ka buu bisin bɛ́ lɔn, diə gole a piɛ̃ n goɛ.

Zeremii 15:4

Bɛa biikoo li, kanaa a tɔrɔn tumaa á re bìn diɛ nyɛ́ɛ gɔn. Zudaan kii Ezekiasi a nɛgiĩ Manaasee sii baraan mɛnɛn zɛnaa Zeruzalɛmu, bɛn lɛn lɛa nɛ.»

Zeremii 31:10

Kasɛn, tɔrɔ kɔsɔn lɛn, ka n too kɔ Dɛnaa Lawa a boo li. Ka a boo da bǎã sɔsɔɔ dɛnan kɛn manɛ, ka pɛ: Dɛnaa Lawa din na á Izirayeli minin pɛsɛ̃ bǎã tumaa nɛ. Sisia, a nə ǹ soekɔn, á ǹ tamɛɛ, ká tɔɔn-lɛduə̃li á ke a tɔɔn lɛduĩ lɔn.

Zeremii 4:7

Yàra soo tewon ne, min mɛn bɛ́ tɔrɔn ziziɛ̃, á ke die. A n soe a duru ǹ bǎã nɛ, die kaa gána lɛ ziziɛ̃. Kaa kiwin man die kɛbɔlɔn dadaran biɛ, min goon din ná a ba goɛ̃ ǹ nɛ wa.

Zeremii 7:34

Zudaa kiwin ni, Zeruzalɛmu a ziin la, ma á re zɔ́n bìndiɛn lɛ kuri, foo kɔɔ̃n lɛ-dɛ nɛ, lɔ tii ǹ zuũ laanka lɔ tii a loe ne. Sonbore, gána lɛ n die kɛbɔlɔ biɛ.»

Zeremii 8:3

Ma bɛ́ tɔrɔ baraa kɛa yiikoonaan mɛnɛn pɛsɛ̃ bǎã woo bǎã nɛ, gɛ̀ á re soɛ koe ǹ ganaa yiikoonaabaa nɛ. Dɛnaa Lawa Pàãyiidɛnaa a da ǹ boo ne.

Zeremii 9:16

Dɛnaa Lawa Pàãyiidɛnaa a da ǹ boo á ke: Ka n yiri kɔ li, ka lɔ wuu-pɛlen bíi. Ǹ mɛnɛn bɛ́ a yɔrɔ doɛ̃ parsiini, ka bɛn bíi.

Busii pɛ 1:1

Ebe! Ǹ nə́ n la bɔ a ganaa kəni, kiwi ke, piɛ̃ nɛ ka minbuiin ni lɛlɛ. A n ka lɔ giɔɔrɔ bɛ́ lɔn, asɛ mɛn goã a yii n guguru, tɔrɔn bii lɛlɛ. Asɛ mɛn goã gánan mìi la, sisia, á ke bɛ̀rɛbaa ǹ dí nyɛɛ.

Busii pɛ 1:3

Zudaa tɔrɔn lɛn nə́ ke gele bɛ̀rɛbaa ǹ bǎã nɛ, koe laanka bɛ̀rɛbaa kaka gɔ́ɔ̃ nɛ. Maǹ giã-n tɔrɔn bii, susui ná a ba ǹ la wa. Min mɛnɛn bɛ́ ǹ kio lui, ǹ nə́ dɔ ǹ ganaa. Maǹ foo ziziɛ̃ gole gɔ́ɔ̃ nɛ.

Busii pɛ 4:15

Bɛ̀ ǹ tá die, maǹ parɛɛ ǹ li: «Ka n tá ka n bɔ kànaa, *gɔ̀ tá ka ganaa! Ka n tá ka n bɔ kànaa! Ka nyan nə n gɔn da wɔ ganaa wa!» Maǹ baa sii, woo ǹ bǎã ná a ba ǹ la wa. Sɛnɛ, tɔrɔ kɔsɔn man pii: «Ǹ ba boe la ǹ giã wɔsɛn li wa.»

Busii pɛ 4:16

Dɛnaa Lawa ba li a ǹ yɛ doo wa. A dinmaa na á ǹ loo paǹ tumaa li. Min kɔn Lawa a wúlu-bɔlen guguru kɔ doo wa. Ǹ ba min zizin diɛ sii li doo wa.

Ezekieli 12:20

Minin bɛ́ kiwin mɛnɛn nɛ, bɛa kiwin lɛn kɛbɔlɔn tá re kiɛ, gána lɛ á re don biɛ. Ka á re doɛ̃ ka bɛ-n kəni, mà masɛ din nə Dɛnaa Lawa lɛa.»

Ezekieli 20:23

Má wusoo má n liɛ ǹ nɛ don lɛ nɛ má pɛ máa ma á re ǹ sasawɛɛ ma ǹ kaa tɔrɔ kɔsɔn bii, ma ǹ pɛpɛsɛ̃, ma ǹ kaa gána kɔsɔn nɛ.

Ezekieli 22:15

Ma á re ka niniɛ kɔn tɔrɔ kɔsɔn bii, ma ka pɛsɛ̃ gána kɔsɔn nɛ. Gɔgɔrɛbaa ǹ siin kɛn ka tá ǹ zɛnɛɛ, ma á re ka kurii bɛ ganaa.

Ezekieli 5:2

Bɛ̀ Zeruzalɛmu nə n kũ biikoo mɛn li, n ka lɛ a talakɔn sɔɔ goon tã kiwi lɛ bii. A talakɔn sɔɔ lɛ a paabaa ǹ wɔ ke, n bɛ yawaa ka gɔya sa nɛ, n kiwi lɛ lɛnpɛnɛ nɛ. A talakɔn lɛ a sɔɔbaa ǹ wɔ ke, n die n bɛ pɛsɛ̃ piɛ̃ li, ma á re a kio lui ka maa gɔya sa nɛ.

Ozee 9:6

Á ke, ǹ gána lɛ bɛ́ á ziziɛ̃, ǹ dinin nə́ baa si. Maǹ die woe n lɛ soekɔn Ezipti, Ǹ bĩ ǹ bǎã á re goɛ̃ Mɛmifisi. Ǹ gɔn màn giɔ̀mɔ kakan kɛn wɔrɔ lɛa koronkoron tá re bɛn sii a n kɔ lɛ. Nyan babaraan tá re ǹ kionən kɛn sii, ǹ nə n kɔ ǹ lɛ.

Amɔɔsi 9:4

Ta ǹ nə́ woo bɛ̀rɛ baa ǹ zɔ́ɔn li, ma á re yui zia nɛ ǹ ganaa walan, ǹ nə ǹ dɛ. Man die n yii soe ǹ ganaa, ǹ ba re yii-nyɛɛ goon yii wa, yǎa bɔ́n!»

Zakarii 7:14

Má ǹ sasawaa tɔrɔn bii, ǹ bɛ́ ǹ ba ǹ mɛnɛn dinin doɛ̃ wa. Ǹ goa lɛ kio, ǹ gána lɛ yu. Min kɔn ba woe walan wa, min kɔn dɔ a boe a-n wa. Bɛa gána kɔɔ̃n-kɔɔ̃n kɛ lɛ, ǹ nə́ bɔyaa ǹ nə́ baa kɛbɔlɔ lɛa.»

Luku 21:24

Ǹ tá re zia biɛ ǹ ganaa, ǹ nə ǹ tɛnɛn dɛ ǹ gã, ǹ wo ǹ gialakunun ni gána kɔsɔn kɛn tumaa nɛ kòso nɛn lɛa. Tɔrɔ kɔsɔn tá re basaã koe Zeruzalɛmu kiwi lɛ nɛ, Lawa din nə biikoo mɛn kɔ ǹ la, yǎa bɛ́ kiɛ̃.

Timəə dí-pɛn 4:27

Dɛnaa Lawa á die ka lui a ka kaa tɔrɔ kɔsɔn bii. A bɛ́ re woe ka nɛ tɔrɔn mɛnɛn bii, kaa gialakun boɛɛn nə die goɛ̃ bɛn dɔn bii.

Zaaki 1:1

Masɛ Zaaki, Lawa laanka Dɛnaa Yezu *Krita a bɛ̀rɛ n sɛ́wɔ kɛ diɛ. Lawa a minin mɛnɛn bɛ́ pɛsiɛ̃-n kanaa paǹ tumaa nɛ, ka Izirayeli tɔrɔ fulupaa kɛ bɛ́ lɔn, ma á fòo diɛ ka tumaa nɛ.