Lawa a wúlu-bɔlen 26:26 - LAWA A BOO SONBORE 2011

²⁶ Bɛ̀ má ka nu ka màn-bii ni ǹ mɛn waáraa, lɔ fù á re paɛ̃ kùsì goon toto ganaa, ǹ nə ǹ màn-bii zɛnaa la. Lɔn lɛn tá re màn-bii lɛ zoɛ̃, bɛ̀ ǹ tɔn kɔ ka la. Ka á re bɛ lɛ bii, sɛnɛ, ka a re kiɛ̃ wa.

LAWA A BOO SONBORE

²⁶ Bɛ̀ má ka nu ka màn-bii ni ǹ mɛn waáraa, lɔ fù á re paɛ̃ kùsì goon toto ganaa, ǹ nə ǹ màn-bii zɛnaa la. Lɔn lɛn tá re màn-bii lɛ zoɛ̃, bɛ̀ ǹ tɔn kɔ ka la. Ka á re bɛ lɛ bii, sɛnɛ, ka a re kiɛ̃ wa.

Lawa a wúlu-bɔlen 26:26 ပူးပေါင်းရင်းမြစ်များ

Kiin2 6:25

Samarii kiwi nɔmaa á bòo kɔ. Ǹ nə́ goã ǹ nə́ kiwi lɛ kũ taãn-taãnɛ a tɔ-a, yǎa dundun mìi goon giɔ̀mɔ woo dɔ wɔrɔ we pɔkiwisi, nɔɔ dɔ a màn yii goon woo dɔ wɔrɔ we sooro.

Loen 105:16

Dɛnaa Lawa bòo gole wɔ gána lɛ gɔ́ɔ̃ nɛ, màn-bii ná a banban.

Izayii 3:1

Á ke, Dɛnaa Lawa Pàãyiidɛnaa n die Zeruzalɛmu laanka Zudaa a dɔmalɛ tumaa lɛ diɛ, a ǹ màn-bii laanka ǹ mi ǹ mu tumaa gɔsɛ ǹ gɔn.

Izayii 5:10

Rezɛ̃ wuru hɛktara sɔɔ din ba re duvɛ̃ litiri posooro boe wa. Min mɛn bɛ́ re *belee kilo paabiɛ diɛ, bɛ n die belee kilo fù dinsɔɔ̃ kuri.»

Izayii 9:19

Maǹ pɔrɛɛ gusin, ǹ bòo dɔ a nyɛɛ wa. Maǹ pɔrɛɛ gɔsɛ, sɛnɛ ǹ ba kiɛ̃ wa. Didie n yui ǹ dɔɔ̃n gialaa:

Izayii 9:20

Manaasee tɔrɔn man yui Efrayimu tɔrɔn gialaa, Efrayimu tɔrɔn man yui Manaasee tɔrɔn gialaa. Ǹsɛn tɔrɔ màn paa kɛ sɛ n piɛ̃ Zudaa tɔrɔn ganaa. Sɛnɛ, bɛ tumaa kio, Dɛnaa Lawa a foo-yoo tɔn nya wa, a gɔn-munii n tɔn lon.

Zeremii 14:12

Ta ǹ nə́ n lɛ sɔɔ, ma a re n too koe ǹ nyankɔ li wa. Ta ǹ nə́ *wúlu màn tiɛ̃ laanka wúlu màn gìĩ kɔɔ̃n kɔ ma la, ma a re lɛ koe ǹ ganaa wa. Sɛnɛ, man die ǹ bɔ̀n biɛ ka zia nɛ, bòo ne ka piɛ̃ busu ni.»

Ezekieli 14:13

«Minbuiin a nɛ, bɛ̀ gána mɛn a minin nə́ sii baraa zɛnaa masɛ nɛ, ǹ nə́ ma bɔlɔ tii, ma á re yui ǹ gialaa ma ǹ màn-bii ziziɛ̃, ma bòo kaa ǹ ganaa, ma ǹ minbuiinin laanka ǹ tɔɔn dɛ.

Ezekieli 4:10

Bɛ lɛ n die goɛ̃ n màn-bii lɛa. N die n bɛ lɛ a garamu biɛsɔɔ bii baraabaraa.

Ezekieli 4:16

Á tɔ́n pɛ ma-n doo: «Nsɛ minbuiin a nɛ, á ke màn-bii mɛn tumaa á ke ǹ nə́ koa ǹ gɔn li Zeruzalɛmu kiwi, masɛ á re a tumaa papaɛ̃. Ǹ tá re ǹ màn-bii zoɛ̃ bɛ̀ ǹ kɔ ǹ la, ǹ bii ka foo ziziɛ̃ nɛ, ǹ tá re ǹ mi ǹ mu zoɛ̃ bɛ̀ ǹ kɔ ǹ la ǹ mi, bɛ̀ ǹ gɔ́ɔ̃ ń woɛ̃ nɛ.

Ezekieli 4:17

A giala, màn-bii laanka mu á re nyaabiɛ. Bɛ lɛ á re nyɛ́ɛ diɛ min tumaa ganaa, ǹ tá re pɛrɛ ǹ sii baraan lɛn taman yii.»

Ezekieli 5:16

Ma á re bòo babaraa diɛ ka gialaa, ka kiɛ babaraa bɛ́ lɔn basaã koe. Man die bɛ lɛ diɛ a da ka dɛ. Man die bòo lɛ baraa koe ka ganaa, a ka gɔn li ǹ màn-bii tumaa nya lenlen.

Ozee 4:10

Ǹ tá re màn-bii, sɛnɛ ǹ ba re kiɛ̃ wa. Ǹ tá re kɔrɔbaa zɛnɛɛ, sɛnɛ, ǹ ba re nɛ yii wa. A giala, ǹ nə́ Dɛnaa Lawa guguru kɔ toa walan.

Lawa a wúlu-bɔlen 26:27

Bɛ̀ masɛ bɛ dɔ zɛnaa má fɔ̃, ka n ka a n too koe masɛ lon wa, bɛ̀ ka tá tɔn yɔ boe masɛ ganaa,

Misee 6:14

Kasɛn kɛn, ka á re màn bii, ka n ka a kiɛ̃ wa. Ka nàn tá re pipi bòo gɔn. Ka bɛ́ re màn mɛn koɛ ka gɔn li, bɛa re goɛ̃ wa. Ka bɛ́ re màn mɛn tamaɛ, ma á re toɛ zia bɛ bii.

Azee 1:6

Kaa màn diɛ mɔnaa, sɛnɛ kaa kaa-piɛ siĩn kɔ wa. Ka n màn bii, sɛnɛ kaa kiɛ̃ wa, ka n màn mii, kaa mu boro dɔ a nyɛɛ wa, ka n mɔnaa we sɛnɛ a kaa nyan nyɛɛ wa, ka n saraa yii, sɛnɛ a n woe zéwo giala koo-a nɛ.