Lawa a wúlu-bɔlen 26:17 - LAWA A BOO SONBORE 2011

¹⁷ Masɛ á die n bɔyɛɛ ka li, ma toa kaa zɔ́ɔn nə boo ka la. Min mɛnɛn bɛ́ ka biɛ zɔ́ɔ, bɛn lɛn tá re pàã nyɛɛ ka nɛ. Ka á re baa sii, min dɔ din ná a bie ka lui wa.

LAWA A BOO SONBORE

¹⁷ Masɛ á die n bɔyɛɛ ka li, ma toa kaa zɔ́ɔn nə boo ka la. Min mɛnɛn bɛ́ ka biɛ zɔ́ɔ, bɛn lɛn tá re pàã nyɛɛ ka nɛ. Ka á re baa sii, min dɔ din ná a bie ka lui wa.

Lawa a wúlu-bɔlen 26:17 ပူးပေါင်းရင်းမြစ်များ

Siin Giala 4:12

Ta n din kɔsɔ lɔn, n ba re màn kɔ́n yii a-n doo wa. N tá re goɛ̃ bibiə̃ wole lɛa, gùli lɛa, biikoo tumaa li kanaa gɔ́ɔ̃ nɛ.»

Kiin1 8:33

Bɛ̀ n zaman, Izirayeli tɔrɔn lɛn zɔ́ɔn nə́ boo ǹ la, n din bɔlɔ-tii taman yii, bɛ̀ ǹ nə́ wusoo ka ǹ kio ne, ǹ nə́ daa n ganaa, ǹ nə́ n tɔ guguru kɔ, ǹ nə́ n nyankɔ, ǹ nə́ gòã-kũ da n ganaa kion kɛ nɛ,

Kiin2 13:3

Dɛnaa Lawa foo yoo Izirayeli minin li, a na á goã ǹ we Siirii gána a kii Azayeli gɔn duduu miɛ̃ ka Azayeli a nɛgiĩ Bɛn-Adaadi ni.

Kiin2 13:7

Zoakazi a zia-baali zaman lɛ tumaa bii, ǹ mɛnɛn nə kanbaa, sùidɛnaa posooro dinsɔɔ̃ nɛ, ka ziabaa ǹ wotoro fù ni, ka zia-baali duu fù ni. A giala, Siirii gána a kii na á goã á gialakunun kɛn dɛ. A na á goã á ǹ baa ka tán tii kɛ nɛ minin nə́ tɔrɛ la ǹ gòã giulun.

Loen 44:10

Sɛnɛ, n bɛ́ ń wɔ tii, ń sìi da wɔ ganaa. N ba soe kun ka wɔa zia-baalin ni doo wa.

Loen 53:5

Sii baraa-zɛnaalin kɛn lɛn kɔn yiri na a banban? Ǹ nə́ ke maa minin lɛn gialaa, ǹ soɛ̃ fu, ǹsɛn ba Lawa tɔ pii wa.

Loen 53:6

Bɛ lɛ nɛ, ǹ gɔ̀nɔn tá re bìn diɛ, gɔ̀nɔn bìn da ǹ sii dɔ na a ba ǹ yɔrɔ-a wa. Min mɛnɛn bɛ́ pàã nyɛɛ Lawa a zaman nɛ, Lawa á re bɛn wen sasawɛɛ. Lawa á re sìi diɛ ǹ ganaa, a giala, á ǹ tii.

Suusun 28:1

Min baraa n baa la, a da yaa min kɔn dɔ ba a kio lui wa. Min pepere n ka yàra nɛ bɛ́ lɔn a foo n doa nɛ.

Izayii 30:17

Zɔ́ɔ goon dinsɔɔ̃ n die nyɛ́ɛ diɛ ka ganaa, a kaa min duu goon gɔ̀nɔn da bìn diɛ ganaa. Zɔ́ɔ sooro n die nyɛ́ɛ diɛ ka ganaa, ka tumaa baa si. A giala nyɔmɔɔ li, kaa min mɛnɛn bɛ́ re goɛ̃, bɛn man die n biɛ ka sii giala pɛ ǹ màn bɛ́ lɔn kele mìi ni, ka zanzan bɛ́ lɔn tenten la.

Izayii 63:10

Sɛnɛ, ǹ nə́ piã-wɔlen baa. Ǹ nə́ n Yiri sonbore kɛ foo ziziɛ̃. Dɛnaa Lawa nə́ n bɔyaa á ǹ zɔ́ɔ baa, a n zia biɛ ǹ ganaa.

Zeremii 19:7

Man die Zudaa laanka Zeruzalɛmu a sii yɔrɔ bɔn ziziɛ̃ bɛa nyankɔrɔ basa lɛ nɛ. Man die toɛ ǹ zɔ́ɔn nə ǹ minin dɛ zia la. Min mɛnɛn bɛ́ zoɛ̃ ǹ gɛ̀ li, man die yui ǹ gialaa ka bɛn lɛn nɛ. Man die ǹ geren koe Zèwon laanka tolokan la màn-bii lɛa.

Zeremii 44:11

Zeremii pɛ doo: – Bɛ lɛ nɛ, Dɛnaa Lawa Pàãyiidɛnaa, Izirayeli a Lawa á kɛ pii: «Man die yui ka gialaa, ma koe bɔ ka ganaa, ma Zudaa gána a zaman tumaa dɛ.

Busii pɛ 1:5

A zɔ́ɔn nə́ boo la. A bɔ ma yii-n wolen foo nyɛɛ. Dɛnaa Lawa fuu da a mìi ni a sii baraa damatan kɛn lɛa. Min mɛnɛn nə́ boo ǹ la, ǹ nə́ ǹ nɛnyaanan kaa ǹ nyɛɛnɛ, bɛ̀rɛn lɛa, ǹ nə́ woe ǹ ne.

Busii pɛ 2:4

A ná a sa dii ka zɔ́ɔ bɛ́ lɔn, a gusin nə kiɛ la, zoɛ̃ mà a n gɔn bɔ a ganaa. Minin mɛnɛn tumaa bɛ́ kɔɔ̃n wɔ ganaa, á bɛn tumaa dɛ. A ná a foo-yoo kɛ zuzuu ka tɛ bɛ́ lɔn Lawa a kion kɛ la.

Ezekieli 15:7

Man die n yɔrɔ bɔyɛɛ ma da ǹ la. Maǹ nə́ soo tɛ-n, sɛnɛ, tɛ á re wusii a ǹ kũ. Bɛ̀ má n yɔrɔ bɔyaa má da ǹ la ǹ mɛn waáraa, ka á re doɛ̃ kəni, mà ma din nə Dɛnaa Lawa lɛa.

Lawa a wúlu-bɔlen 17:10

Min woo min, á n Izirayeli tɔrɔ lɛa, hinlaa á n gùli lɛa giã nɛ ǹ bii, bɛ̀ ǹ mɛn màn mà wɔ a lɛ-n, masɛ á die n bɔyɛɛ man yɔrɔ da bɛa dɛnaa la, ma loo ma bɔ Izirayeli tɔrɔn bii.

Timəə dí-pɛn 28:25

Dɛnaa Lawa á re toɛ kaa zɔ́ɔn nə boo ka la. Ka á re soe ka kɔ zii goon lɛ ka wo ǹ gialaa. Sɛnɛ, ka á re sasawɛɛ ka zii sɔbaa saa, bɛ̀ ka ń baa sii ǹ nyɛɛnɛ. Sii mɛn bɛ́ re ka yii, bɛ á re nyɛ́ɛ diɛ kanaa minin tumaa ganaa.

Zozoe 7:4

Giĩ duu sɔɔ kɛ miã na á soo zaman lɛ bii ǹ nə́ woo. Sɛnɛ, ǹ nə́ baa si Ayii minin lɛn nyɛɛnɛ.

Sii yɔrɔ-bɔlen 2:14

Dɛnaa Lawa foo yoo Izirayeli minin lɛn li. Á ǹ wɔ basaã-kɔlen gɔn, ǹ nə́ basaã kɔ ǹ nɛ. Ǹ zɔ́ɔn mɛnɛn nə goã ǹ lɛnpɛnɛ, á ǹ kɔ bɛn la. Ǹ boo la ǹ nə́ golee ǹ zɔ́ɔn lɛn yɔrɔ-a doo wa.

Sii yɔrɔ-bɔlen 3:14

Izirayeli minin lɛn nə́ bɛ̀rɛbaa ǹ dí nya Egulɔn nɛ lɛ̀ fulukiwisi gɔ́ɔ̃ nɛ.

Sii yɔrɔ-bɔlen 3:8

Bɛ lɛ nɛ, Dɛnaa Lawa foo yoo Izirayeli minin lɛn li, á ǹ kɔ Mezopotamiin kii Kusan-Risitayimu la. Izirayeli minin lɛn nə́ goã Kusan-Risitayimu a pàã giulun, lɛ̀ kiwisi gɔ́ɔ̃ nɛ.

Sii yɔrɔ-bɔlen 6:2

Madiã minin lɛn nə́ bɔ Izirayeli minin yii ni taãn-taãnɛ. Madiã minin lɛn lɛa nɛ, Izirayeli minin lɛn nə́ goã n duri kele kɔ́sɔn nɛ, kele yalan nɛ, gɛ̀fun bii.

Samayeli1 12:15

Sɛnɛ, bɛ̀ ka n too kɔ Dɛnaa Lawa lon wa, bɛ̀ ka n piã ka Dɛnaa Lawa a boon ne, ka á re nɔmiɛ̃ Dɛnaa Lawa gɔn ka ka din wɔ bɛ́ lɔn.

Samayeli1 31:1

Filisiti minin lɛn nə́ yoo ka zia nɛ Izirayeli minin ganaa. Izirayeli minin lɛn nə́ n gòã da baa nɛ Filisiti minin lɛn nyɛɛnɛ, sɛnɛ, Filisiti minin lɛn nə́ ǹ dɛ ǹ nə́ ǹ kaa tán Gilboa kele la.

Samayeli1 4:10

Filisiti minin lɛn nə́ zia baa. Ǹ nə́ boo Izirayeli minin la, ǹ didie nɔmaa á n gòã da baa nɛ á woo a mɔnaa kion. Zia lɛ baraa kɔ Izirayeli minin ganaa parsiini, ǹ giĩ duu pɔsɔɔ na á goã a nɛ.