Lawa a wúlu-bɔlen 26:12 - LAWA A BOO SONBORE 2011

¹² Ma din tá re goɛ̃ kun ka nɛ. Man die goɛ̃ kaa Lawa lɛa, ka dɔn man die goɛ̃ maa zaman lɛa.

LAWA A BOO SONBORE

¹² Ma din tá re goɛ̃ kun ka nɛ. Man die goɛ̃ kaa Lawa lɛa, ka dɔn man die goɛ̃ maa zaman lɛa.

Lawa a wúlu-bɔlen 26:12 ပူးပေါင်းရင်းမြစ်များ

Siin Giala 17:7

Ma lɛ kɔ kɔn la mɛn wɔ ka n nɛ, masɛ a re n lɛ boe duduu wa. Man má lɛ kɔ n din la, n tɔrɔn mɛnɛn dɔn bɛ́ re yii n kio, a saa kanna ganaa a wo miɛ̃, ma nə n lɛ koe bɛn dɔn la, yǎa duduu. Bɛa lɛ-kɔ kɛ lɛ n die masɛ biɛ n Lawa lɛa, a ma baa n tɔrɔn dɔn Lawa lɛa, ǹ mɛnɛn bɛ́ re yii n kio.

Siin Giala 17:8

N bɛ́ gùli lɛa Kanaan gána mɛn nɛ, ma á re bɛa gána lɛ tumaa koe n laanka n tɔrɔn la, a ǹ wɔ baa yǎa duduu. Masɛ á re goɛ̃ ǹ Lawa lɛa.»

Siin Giala 3:8

Wasamiɛ̃nɛ, piɛ̃ lɔlɔɔ bɛ́ boe ǹ mɛn waáraa, ǹ nə́ Dɛnaa Lawa lɛ ma, n bibiĩ dù gɔrɔ lɛ gɔ́ɔ̃ nɛ. Ǹ nə́ nɔmaa ǹ nə́ n duru a nyɛɛnɛ dù gɔrɔ lɛ a dan bii.

Siin Giala 5:22

Matuuselaa a yɛ kio, Enɔɔki kɔ Lawa a zii lɛ, lɛ̀ biɛsɔɔ (300) gɔ́ɔ̃ nɛ. Á nɛgiĩ kɔsɔn laanka nɛlɔn yɛ.

Siin Giala 5:24

A bɛ́ á kɔ Lawa a zii lɛ, Lawa saa á woo-n a din li lon, min yii yɛ doo wa.

Siin Giala 6:9

Nowee boo á ke: Nowee na á goã min pepere lɛa. A goã kanaa kun ka min mɛnɛn nɛ, a dinsɔɔ̃ a sii lɛ na á goã piɛ̃-n bɛn bii, Lawa wɔ paǹ li. Á goã koe Lawa a zii lɛ.

Samayeli2 7:7

Ma goã kun ka Izirayeli minin lɛn nɛ biikoo mɛn tumaa li, má minin bɔ, má ǹ koa ǹ mìi la ǹ nyɛɛnaan-bɔlen lɛa, ma bin bɛ kɔn zɛ̀rɛ baa má pɛ nɛ máa wàa na á baa kion dɔ ka da kaka gɔn nɛ á kɔ masɛ la wa.»

Loen 50:7

Maa minin lɛn, ka n too kɔ, man die boo diɛ. Izirayeli minin lɛn, man die n gɔn wɛɛ ka nɛ: Ma din Lawa lɛ n kaa Lawa lɛa.

Bɔ bɛ̀rɛbaa nɛ 29:45

Masɛ n die goɛ̃ Izirayeli nɛnyaanan bii, ma goã Lawa lɛa ǹ yii li.

Bɔ bɛ̀rɛbaa nɛ 29:46

Ǹ tá re doɛ̃, mà masɛ din lɛ n Dɛnaa lɛa, ǹ mɛn lɛ bɛ́ ǹ Lawa lɛa. Ma din mɛn bɛ́ má soo ǹ ne, má ǹ bɔ Ezipti gána nɛ, má giã kunu ǹ ni. Ma din lɛ n Dɛnaa lɛa, ǹ mɛn lɛ bɛ́ ǹ Lawa lɛa.»

Bɔ bɛ̀rɛbaa nɛ 3:6

Á pɛ nɛ doo: «Ma nə n digolo a Lawa lɛa, Abrahamu a Lawa lɛa, Izaaki a Lawa lɛa, Zakɔba Lawa lɛa.» Muizu màn kɔ a yɔrɔ lɛ, a giala, nyɛ́ɛ na á goã a ganaa a ga Lawa ganaa.

Bɔ bɛ̀rɛbaa nɛ 6:7

Ma á re ǹ sii, ǹ goã ma din a zaman lɛa, ma dɔ goã ǹ dɔn Lawa lɛa. Ǹ tá re doɛ̃, mà ma din Dɛnaa lɛ nə ǹ Lawa lɛa, Lawa mɛn bɛ́ ǹ boe Ezipti minin nɔmaa ǹ dín li.

Izayii 12:2

Á ke, Dɛnaa Lawa n ma kirisibaali lɛa. Ma foo n doa nɛ a din ganaa, nyɛ́ɛ ba ma ganaa doo wa. Dɛnaa Lawa n ma pàã laanka maa loe lɛa, ma kirisibaali ni.»

Izayii 41:10

Nyɛ́ɛ nyan nə n kũ wa, a giala, ma á kunun n ni. N nyan ga n para li ka foo ziziɛ̃-n wa. Masɛ din ni n Lawa lɛa. Man pàã koe n la, man die n gú ganaa, man kirisibaa ka maa bɔlɔgoondɛnaabaa nɛ.

Zeremii 11:4

Lɛlɛ, ma ka digolon waa Ezipti gána nɛ, tɛ gole ke, má soo ǹ ne. Bɛa waáraa lɛ nɛ, ma lɛ kɔ kɔn la wɔ kɔn ka ka nɛ, má pɛ: Ka n too kɔ maa boon li, ka kɔ ǹ lɛ ka ma bɛ́ pii ka-n lɔn pelo. Ka bɛ nɛ, ka á re maa zaman biɛ, ma dɔ á re kaa Lawa biɛ.

Zeremii 30:22

Ka á re maa zaman biɛ, ma dɔ á re kaa Lawa biɛ.

Zeremii 31:33

Dɛnaa Lawa n pii doo: – Ma bɛ́ re lɛ kɔ kɔn la mɛn we ka Izirayeli minin ni bɛa waáraa lɛ nɛ, á ke. Ma á re maa dí-pɛn kɛn we ǹ yiri ni, ma wɔ ǹ foo ne. Ma á re ǹ Lawa biɛ, ǹ dɔn tá re maa zaman biɛ.

Zeremii 32:38

Ǹ tá re wusii ǹ maa zaman baa, ma dɔ á re ǹ Lawa biɛ.

Zeremii 7:23

Man má gɔn waa ǹ boo kɛ dinsɔɔ̃ pɛ ǹ nɛ: «Ka n too kɔ ma lon, ma á re kaa Lawa biɛ, ka dɔn nə maa zaman baa. Ma bɛ́ zii mɛn nyɛɛ ka nɛ, ka kɔ bɛ lɛ ka te, kaa siin tá re bǐɛ̃ koe kəni.»

Ezekieli 11:20

Man die bɛ zɛnɛɛ màn mɛn bɛ́ toɛ, ka kɔ maa landa boon kɛn lɛ, ka maa sii yɔrɔ bɔ ǹ boon kɛn tamaa, kaa tɔ wɔ kɔn pɛ ǹ nɛ. Ka á re goɛ̃ maa zaman lɛa, ma dɔ á re goɛ̃ ka dɔn Lawa lɛa.

Ezekieli 36:38

Ǹ kiwin mɛnɛn yu, bɛn man die piɛ̃ ka zaman nɛ, gigiã ka wúlu bɔ ǹ tɔɔn kɛn bɛ́ lɔn, ka tɔɔn bɛ́ lɔn Zeruzalɛmu zɔ́n biikoo li. Minin tá re doɛ̃ bɛa biikoo li, mà ma din nə Dɛnaa Lawa lɛa.»

Zowɛli 2:27

Ka á re doɛ̃, mà ma tá kun ka Izirayeli minin lɛn nɛ. Ka á re doɛ̃, mà masɛ, Dɛnaa Lawa din nə kaa Lawa lɛa, mà miã na á banban. Sìi á re maa zaman kɛ kuĩ doo duduu wa.

Zakarii 13:9

Ǹ talɛɛ goon mɛn lɛ yii bɛ́ re goɛ̃ koo, man die ǹ zoɛ̃ ka tɛ nɛ, ma ǹ yoreen kɔ ka ǹ bɛ́ wɔrɔ yoreen koe lɔn, man die ǹ yoe ka ǹ bɛ́ sana yoe lɔn. Bɛa biikoo li kəni, ǹ tá re ma bíi we, ma á re ǹ lɛ sii, ma pɛ ǹ nɛ "Ka n maa zaman lɛa", ǹ dɔn tá re pii: "Dɛnaa Lawa, n nə n wɔa Lawa lɛa".»

Minin nimi 5:3

Giĩ ba la wa, lɔ ba la wa, ka ǹ kaa para-a, kaa giã ǹ bǎã lɛ kio, màn mɛn bɛ́ toɛ, masɛ bɛ́ giã-n Izirayeli minin mɛnɛn lɛn bii, ǹ baran bɛn giã ǹ bǎã lɛ gɔgɔrɛ kɔ wa.»

Matiə 22:32

Lawa pɛ: «Man Abrahamu a Lawa lɛa, Izaaki a Lawa lɛa, Zakɔba a Lawa lɛa.» Yezu tɔ́n pɛ: «Lawa lɛ bie geren Lawa lɛa wa, a n yiikoonaan Lawa lɛa. Bɛ n nyɛɛ, mà bɛa minin kɛn lɛn ǹ nə́ gã lɛlɛ, mà ǹ yii á koo sisia.»

Korɛnti2 6:16

Lawa a kion a wàa n boe la a goã kun ka min kooron wúlu bɔ ǹ mànan nɛ? A giala, wɔ ǹ Lawa yiikoonaa a kion lɛa. Ka a din bɛ́ á pɛ lɔn: «Ma á re giɛ̃ ǹ bii, ma goã ǹ li. Ma á re ǹ Lawa biɛ, ǹ tá re maa zaman biɛ.»

Timəə dí-pɛn 23:14

Yala fɔ̃ ǹ màn doamaa nɛ a goã kun ka zia-baalin lɛn gogoonmaa a mànan nɛ. Bɛ̀ ǹ mɛn woo gòɛrɛ kɔ, a yala fɔ̃ nɛ, bɛ kio a tii nyanaa nɛ, bɛ̀ a kɔ a gòɛrɛ lɛ.

Timəə dí-pɛn 23:15

A giala, kaa Lawa, Dɛnaa Lawa dinmaa nə n bibiĩ kaa giã ǹ bǎã lɛ nɛ, a n ka tamaɛ, a n kaa zɔ́ɔn we ka gɔn. Bɛ lɛ nɛ, kaa giã ǹ bǎã lɛ doamaa nɛ a goã yoreene Lawa wɔ lɛa. Sii mɛn bɛ́ a siĩn wa, ka doamaa bie ka bɛ zɛnaa wa. Bɛ̀ á ka yɛ bɛ zɛnɛɛ, a n die n gɔn boe ka ganaa.

Ebrəə 11:16

Sonbore, maǹ nə́ goã giɛ dikion li, màn mɛn bɛ́ soɛ ǹ miãn manɛ, bɛ giala, mà lon wɔ ke. Bɛ lɛ nɛ, bɛ̀ bɛa minin kɛn lɛn tá Lawa bíi, mà ǹsɛn Lawa, a ba sìi lɛa a ganaa wa. Á kiwi zɛnaa ǹ nɛ dinin.

Sii-nyaan 2:1

Yezu pɛ ma nɛ: «Sɛ́wɔ kɛ kiɛ̃ n dia Efɛɛzin Lawa a sɔmɔ a lon a dia dí-a wole la: Masɛ mɛn bɛ́ leere sɔbaa n ma gusin ni, má n tɔ we sana bolon koa ǹ bǎã sɔbaa bii, man pii ka nɛ:

Sii-nyaan 21:7

Min mɛnɛn bɛ́ re gɔ̀lɔ̀baa yii, ma din nə die bǐɛ̃ kɛ biɛ ǹ nɛ, ma á re ǹ Lawa biɛ, ǹ dɔn tá re n biɛ maa nɛnyaanan lɛa.