Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Lawa a wúlu-bɔlen 25:43 - LAWA A BOO SONBORE 2011

43 Min doamaa bie a pàã nyaa ǹ nɛ, a kakaarɛ kɔ ǹ ganaa wa. Ka zɛnaa miɛ̃ ka nyaa, mà ka tá nyɛ́ɛbiɛ kaa Lawa nɛ.

အခန်းကိုကြည့်ပါ။ ကော်ပီ

LAWA A BOO SONBORE

43 Min doamaa bie a pàã nyaa ǹ nɛ, a kakaarɛ kɔ ǹ ganaa wa. Ka zɛnaa miɛ̃ ka nyaa, mà ka tá nyɛ́ɛbiɛ kaa Lawa nɛ.

အခန်းကိုကြည့်ပါ။ ကော်ပီ




Lawa a wúlu-bɔlen 25:43
23 ပူးပေါင်းရင်းမြစ်များ  

A lɛawaa sɔɔbaa ǹ wɔ pinaa, Zozɛfu tɔ́n pɛ ǹ nɛ: «Ka bɛ́ re sii mɛn zɛnɛɛ ka tɔn la, bɛ ǹ ka kɛ nɛ. Ma á nyɛ́ɛ biɛ Lawa nɛ.


Ka bɛ nɛ, ka n pii mà giĩn kɛn ka lɔn kɛn nɛ, boe Zeruzalɛmu, mà ka n die ǹ biɛ bɛ̀rɛn lɛa! Sɛnɛ, kasɛn man zɛ̀rɛdɛnan lɛa Dɛnaa Lawa yɔrɔ-a.


Ma bɛ́ kɔn ka maa dí-nyalin kɛn nɛ, bɛ̀ man má mɛnaa ǹ la,


bɛ̀ Lawa á ma gialaa, man die wàa zɛnɛɛ? Bɛ̀ á nɔ̀n diɛ ma la, man die wàa pii ni?


Sɛnɛ, lɔ nɛ-yolen lɛn nə́ nyɛ́ɛ baa Lawa nɛ. Kii lɛ boo mɛn pɛ ǹ nɛ, ǹ sii lɛ zɛnaa á kɔnpɛ ka bɛ-n wa. Ǹ nə́ nɛgininin lɛn dɔn yii toa koo.


Lɔ nɛ-yolen lɛn sɛn bɛ́ ǹ nə́ nyɛ́ɛ baa Lawa nɛ, Lawa bǐɛ̃ zɛnaa ǹ nɛ, á nɛnyaanan kɔ ǹ la.


A bɛ́ á belebɔ bɛ kio, Ezipti gána a kii lɛ gã. Izirayeli nɛnyaanan lɛn bɛ́ nɔmaa gɔ́ɔ̃ nɛ, ǹ nə́ gini, ǹ nə́ n lɛ dɛ. Bɛa bɛ̀rɛbaa lɛ gɔ́ɔ̃ nɛ, ǹ nyankɔ dii á dɔ Lawa ganaa.


Dɛnaa pɛ: «Má maa zaman lɛ a nɔmaa yɛ Ezipti gána nɛ, má ǹ lɛ-dɛ ma ǹ lɛduə̃li baraan kɛn dɛ gɔn. Sonbore, ma tá ǹ fuun lɛn doɛ̃.


Kanna kəni, Izirayeli nɛnyaanan lɛn lɛ-dɛ dɔ ma ganaa. Ezipti minin bɛ́ nɔmaa mɛn diɛ ǹ mìi ni, má bɛ dɔ yɛ.


Faarahɔn a dí mìilandɛnan lɛn nə zaman-lɛduə̃lin mɛnɛn bɔ, ǹ nə́ ǹ koa Izirayeli nyɛnaanan mìi la, ǹ nə́ bɛn dɛ, mà wàa na á baa, ǹ gunun dí laanka pelo wɔ a toopaa lɛ dɔ lɛlɛ wɔ li wa?


Ma foo goã á yoo maa zaman li. Màn mɛn bɛ́ maa wɔ lɛa, má n la bɔ bɛ ganaa, má ǹ wɔ n gɔn. N makara bɔ ǹ ganaa boɛɛn dinin wa. Ń nə́ n pàã a gugurubaa da ǹ min zizin kɔrɔn, ka zǔu bɛ́ lɔn.


Sɛnɛ, maǹ pii: Wɔ n siɛ lɔn wɔ n lɛ sɔɔ n yii ná a ba a ganaa wa. Wɔ n siɛ lɔn wɔ n dinin gisĩ n nə́ n ba n yiri koɛ li wa. Má ǹ lɛ si kɛnɛn kəni: Sɛnɛ, ta ka n lɛ sɔɔ ǹ mɛn pinaa, ka n ka dinin gɔn tɔ dí nyɛɛ, ka n kaa dí-nyalin kuĩ baraa!


Tɔɔn mɛnɛn pàã bɛ́ á nya, ǹ màn-bii kɔ bɛn la ǹ nə́ pàã yɛ wa. Ǹ mɛn bɛ́ busulə lɛa, ǹ dagòã bɔ bɛ-n wa. Ǹ mɛn gòã bɛ́ á yiɛ, ǹ màn yii bɛ gòã ganaa wa. Ǹ mɛn bɛ́ á n na, ǹ bɛ loo ǹ nə́ daa-n wa. Ǹ mɛn papaã, ǹ wo ga bɛ li ǹ nə́ daa-n wa. Sɛnɛ, maǹ nə́ ǹ lɛduə̃ ka kakaarɛbaa nɛ, ǹ nə́ bɔ ǹ yii ni.


Min kɔn nyan toa a mɛnaa ǹ miã la wa. Bɛ lɛ n nyɛɛ, mà ka tá nyɛ́ɛbiɛ kaa Lawa nɛ. A giala, ma din Dɛnaa Lawa n kaa Lawa lɛa.


A giala, Izirayeli minin kɛn lɛn, masɛ nə́ ǹ waa má ǹ bɔ Ezipti gána nɛ, maǹ masɛ a dí-nyalin lɛa sisia. Bɛ lɛ n ke, min doamaa bie a n sã ka ǹ bɛ́ bɛ̀rɛ siɛ̃ lɔn wa.


Bɛ̀ ka tá li ka bɛ̀rɛ pii, tɔrɔ kɔsɔn mɛnɛn bɛ́ ka lɛnpɛnɛ, ka pii bɛn li.


Bɛ kio, ka á re ǹ toɛ kaa nɛnyaanan manɛ kíɛ̃ lɛa, màn mɛn bɛ́ toɛ, ǹ nə ǹ dɔn wɔ baa. Ǹ tá boe la ǹ goã ǹ bɛ̀rɛn lɛa yǎa duduu. Sɛnɛ, ka dinin Izirayeli minin kɛn, ka baran pàã nyaa kɔn nɛ wa, ka baran kakaarɛ kɔ kɔn ganaa wa.


Bɛ̀ tii Izirayeli min mɛn pii ka bɛa yɔrɔ lɛ nɛ, a doamaa nɛ a saraa lɛ̀ woo lɛ̀. Ka dinin Izirayeli minin lɛn dɔn baran toa, bɛa tii lɛ pàã nyaa ka dinin Izirayeli min ni, a kakaarɛ kɔ a ganaa wa.


Hiĩ! Dɛnaa Lawa Pàãyiidɛnaa pɛ: – Ma á re die ka bii ni ma kiri wɔ ka ganaa. Ma á re siɛ lɛlɛ ma zɛ̀rɛ koa kɔ́lɔnbaalin-a, naarɛbaalin ni, min mɛnɛn bɛ́ ǹ ba koe ǹ lɛ kɔ ǹ bɔlɔ lɛ wa, min mɛnɛn bɛ́ mɛnɛɛ dí-nyali la a sara paǹ li, min mɛnɛn bɛ́ mɛnɛɛ lɔ giɔɔrɔ laanka nɛ toen la, hinlaa ǹ nə́ mɛnɛɛ tiin la ka min mɛn tumaa bɛ́ ǹ ba nyɛ́ɛ biɛ masɛ yii-n wa.


Kasɛn dɔn mìinaan lɛn, ka zɛnaa miɛ̃ kaa bɛ̀rɛn lɛn wɔ paǹ li. Ka kakaarɛbaa toa walan, ka dɔ̃ mà ka dinin ni, ka kaa bɛ̀rɛn nɛ, mà ka n lon a Goledɛnaa goon toto kɛ wɔn lɛa, asɛ mɛn bɛ́ a bɔkɔnlɛ we wa.


Ǹ nyɛ́ɛ baa Lawa-n wa. Bɛ lɛ nɛ, ka bɛ́ zii la, ǹ nə́ daa ka gialaa. Bɛa biikoo li, bɛ̀ ká nɔmaa, ka pàã tumaa nya. Kaa min mɛnɛn nə goã kio, ǹ nə́ kaa bɛn la, ǹ nə́ ǹ dɛ.


Goledɛnan lɛn, ka kaa bɛ̀rɛn kũ doɛ̃, ka peperebaa sii zɛnaa ǹ nɛ. Ka doamaa-n ka dɔ̃, mà ka dɔn goledɛnaa tan lon.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ