Lawa a wúlu-bɔlen 25:36 - LAWA A BOO SONBORE 2011

³⁶ Ka baran là si bɛa dɛnaa lɛ la wa, ka baran n là bɔ la wa, màn mɛn bɛ́ toɛ, a dɔ la ka li. Ka zɛnaa miɛ̃ ka nyaa, mà ka tá nyɛ́ɛbiɛ masɛ Lawa nɛ.

LAWA A BOO SONBORE

³⁶ Ka baran là si bɛa dɛnaa lɛ la wa, ka baran n là bɔ la wa, màn mɛn bɛ́ toɛ, a dɔ la ka li. Ka zɛnaa miɛ̃ ka nyaa, mà ka tá nyɛ́ɛbiɛ masɛ Lawa nɛ.

Lawa a wúlu-bɔlen 25:36 ပူးပေါင်းရင်းမြစ်များ

Nehemii 5:15

Sɛnɛ pàãdɛnan mɛnɛn nə goã masɛ nyɛɛnɛ, bɛn man nə́ goã zaman lɛ nɔmiɛ̃, ǹ nə́ màn-bii laanka duvɛ̃ sii ǹ la, ka wɔrɔ pupusi dɔ nɛ. Haalɛ ǹ dí-nyalin dinin man nə́ goã pàã nyɛɛ zaman lɛ nɛ. Sɛnɛ masɛ, nyɛ́ɛ baa Lawa yii-n lɛ taman yii, ma bɛ miã zɛnaa wa.

Nehemii 5:3

Ǹ tɛnɛn dɔn man nə́ goã pii kɛnɛn: «Wɔa wurun ni, ka wɔa *rezɛ̃ dan laanka wɔa kionən ne, wɔ n die bɛn biɛ giɔ̀mɔ saa ǹ mànan lɛa bɔrɔ, wɔ boo la wɔ belee yɛ bòo biikoo li.»

Loen 15:5

A giɔ̀mɔ diɛ min ganaa a ga là li wa. A màn sii min la a zɛ̀rɛbaãnaa da sii-n wa. Min mɛn bɛ́ zɛnɛɛ miɛ̃, ǹ dɛnaa a sii kɔn ba talɛɛ wa.

Bɔ bɛ̀rɛbaa nɛ 22:24

Bɛ̀ ka giɔ̀mɔ da ka miã doobaa ganaa, ka baran zɛnaa nɛ ka giɔ̀mɔ-dali gialakunun wɔ bɛ́ lɔn wa. Ka baran pɛ mà a da saraa ka là-n wa.

Bɔ bɛ̀rɛbaa nɛ 22:25

Bɛ̀ min ná a dɔnkɛ gole kɔ n la, á màn si, mà asɛ á re n sarɛɛ a tɔn si, ka kɔ la bɛ̀ wasa baa miɛ̃.

Suusun 28:8

Min mɛn bɛ́ wɔrɔ giɔ̀mɔ diɛ minin ganaa ka là gole-n la, ta á pàãma baa, a gɔn màn lɛ n die min kɔsɔ wɔ biɛ, min mɛn bɛ́ doobaa makara doɛ̃.

Izayii 24:2

A din sii goon lɛ n die min tumaa yii: min mɛnɛn bɛ́ Lawa a wúlu-bɔlen lɛa, ka min mɛn bɛ́ min kooro lɛa, min mɛn bɛ́ maadigiĩ lɛa ka min mɛn bɛ́ bɛ̀rɛ lɛa, min mɛn bɛ́ maadigiĩ a lɔ lɛa ka min mɛn bɛ́ bɛ̀rɛ lɔ lɛa, min mɛn bɛ́ màn siɛ̃, ka a pii wole ne, min mɛn bɛ́ giɔ̀mɔ diɛ, ka min mɛn bɛ́ giɔ̀mɔ siɛ, min mɛn bɛ́ giɔ̀mɔ ná a bɔlɔ-a ka min mɛn bɛ́ a giɔ̀mɔ n kanaa.

Zeremii 15:10

Maa wɔ n ka koe ne! Maa náa, ma n nə́ ma yɛ koe laanka zia taman yii gána lɛ tumaa nɛ? A da yaa, min kɔn a giɔ̀mɔ ba ma ganaa wa, ma wɔrɔ dɔn bii min kɔn la wa. Min tumaa lɛn baraa bíi ma li.

Ezekieli 18:13

A n giɔ̀mɔ diɛ minin ganaa á n giɛ là li, a n là babaraa boe. Bɛ lɛ miã yii á boe la a goã koo sonbore? A yii a boe la a goã koo wa, a giala, á bɛa sii bɔbɔnɛɛ kɛ lɛ tumaa zɛnaa. Sàabaa ba la wa, á re giɛ̃. Bɛ̀ á gã dɔn, a din sii ni.

Ezekieli 18:17

A sii kɔkɔrɔ zɛnɛɛ wa, a giɛ là li wa, a là baraa boe wa. A n koe maa sii yɔrɔ bɔ ǹ boon laanka maa landa boon kɛn lɛ. Bɛa dɛnaa kɛ lɛ a re giɛ̃ ǹ di a sii baraa zɛnaa taman yii wa. Sàabaa ba la wa, a yii á re goɛ̃ koo.

Ezekieli 18:8

A ba giɔ̀mɔ diɛ a ga là li wa, a ba là babaraa boe wa. A ba sii kɔkɔrɔ zɛnɛɛ wa, bɛ̀ á sii yɔrɔ boe minin bii, a na a yɔrɔ boe ka peperebaa nɛ.

Ezekieli 22:12

N kiwi kɛ nɛ Zeruzalɛmu, minin man lɛ koe ǹ lɛ pii ǹ màn si, ǹ gɛ̀ dɛ. Maǹ giɔ̀mɔ diɛ ǹ nə́ giɛ là babaraa li, maǹ mɛnɛɛ ǹ miãn la, ǹ nə́ giɛ màn li. Sɛnɛ, ǹ yiri n boe ka ma dinmaa kɛ nɛ! Ma din Dɛnaa Lawa a da ǹ boo ne.

Lawa a wúlu-bɔlen 25:17

Min kɔn nyan toa a mɛnaa ǹ miã la wa. Bɛ lɛ n nyɛɛ, mà ka tá nyɛ́ɛbiɛ kaa Lawa nɛ. A giala, ma din Dɛnaa Lawa n kaa Lawa lɛa.

Lawa a wúlu-bɔlen 25:37

Bɛ̀ ka wɔrɔ giɔ̀mɔ da min ganaa, ka baran pɛ mà yǎa a na a là diɛ wa. Bɛ̀ ka màn-bii giɔ̀mɔ da min ganaa, ka baran pɛ mà yǎa kasɛn nə là boe ǹ dɛnaa la wa.