Lawa a wúlu-bɔlen 25:23 - LAWA A BOO SONBORE 2011

²³ Gána lɛ a bǎã doamaa bie a n sã min la, a n bɛ gɔn duduu wa. A giala, gána lɛ n masɛ din Lawa wɔ lɛa. Kasɛn kɛn, ka gùlin laanka tiin lɛa masɛ a gána nɛ.

LAWA A BOO SONBORE

²³ Gána lɛ a bǎã doamaa bie a n sã min la, a n bɛ gɔn duduu wa. A giala, gána lɛ n masɛ din Lawa wɔ lɛa. Kasɛn kɛn, ka gùlin laanka tiin lɛa masɛ a gána nɛ.

Lawa a wúlu-bɔlen 25:23 ပူးပေါင်းရင်းမြစ်များ

Siin Giala 23:4

«Man ka li ka gùli bɛ́ lɔn, tii lɛa kun ka nɛ. Ka gere bĩ ǹ bǎã kɔ masɛ la, bɛ maa wɔ baa, màn mɛn bɛ́ toɛ, ma maa lɔ lɛ gere bĩ a nɛ.»

Siin Giala 47:9

Zakɔba ná a lɛ si: «Ma lɛ̀ paabiɛ ka pɔsɔɔ (130) n ke bibiə̃ la! Lɛ̀ gigiã bie ma zɛnaa wa, má fuu dɔ́ yɛ ǹ gɔ́ɔ̃ nɛ. Ma digolon nə biikoo mɛn zɛnaa gùlibaa gɔ́ɔ̃ nɛ, maa wɔ dɔ bɛn wɔ li wa.»

Kiin1 21:3

Naabɔti tɔ́n pɛ Akaabu ni mà asɛ nə n digolon kíɛ̃ saa a kɔ la? Mà Dɛnaa Lawa die a na asɛ kanbaa bɛ ganaa.

KZS1 29:15

Wɔ n tiin lɛa n yɔrɔ-a, wɔ n kiɛ̃ wolen lɛa ka wɔ digolon tumaa bɛ́ lɔn. Wɔa yiikoonaabaa lɛ n ka wúlu bɛ́ lɔn kanaa, foo ná a ba n doɛ a ganaa wa.

KZS2 7:20

bɛa biikoo li kəni, man die ka papaɛ̃ ma ka bɔ tán kɛ la, má kɔ ka la. Kion mɛn dɔ bɛ́ má ma din tɔ da la, ma á re n la boe bɛ dɔ ganaa a susuu da ǹ màn baa, a yaa da ǹ màn baa tɔrɔn tumaa gɔn.

Loen 119:19

Masɛ n tii lɛa kanaa kɛ gɔ́ɔ̃ nɛ, n baran n dí-pɛn kɛn duru ma ganaa wa.

Loen 24:1

Davida a loe n ke. Kanaa laanka a gɔ́ɔ̃gɔ́ɔ̃ ǹ màn tumaa n Dɛnaa Lawa wɔ lɛa. Tán nɛ, ka mànan mɛnɛn bɛ́ la, ǹ tumaa n Dɛnaa Lawa wɔ lɛa.

Loen 39:12

Ma n minbuiin nɛ a sii baraa a dɔlɔ boe a ganaa, n tá doree. Màn mɛn sii bɛ́ kaka a ganaa, man bɛ lɛ ziziɛ̃, ka nyuun bɛ́ màn ziziɛ̃ lɔn. Sonbore, minbuiin nɛ tumaa n ka piɛ̃ kooro bɛ́ lɔn. Doa

Loen 39:13

Dɛnaa Lawa, n too kɔ maa nyankɔ li, maa lɛ-dɛ ma. Ga ma yii mu kɛ-a. Masɛ n tii lɛa n li, man kiɛ̃ wole lɛa, ka ma digolon tumaa bɛ́ lɔn.

Loen 85:1

Loe-saalin goledɛnaa loe mɛn lɔ. Koore a minin loe goon ne.

Bɔ bɛ̀rɛbaa nɛ 19:5

Kanna kəni, bɛ̀ ka tá n too koe ma lon, ka n masɛ a lɛ kɔ kɔn la lɛ tamaɛ, ka á re goɛ̃ ma din wɔn lɛa, ka n masɛ a wúlu-bɔle zaman lɛa. Kanaa din tumaa n masɛ wɔ lɛa. Sɛnɛ, tɔrɔ mɛn bɛ́ ma din wɔ lɛa á la yii ni, ka dinin man bɛa tɔrɔ kɛ lɛ a minin lɛa tɔrɔn tumaa bii.» Bɛa boon kɛn lɛn pɛ Izirayeli nɛnyaanan lɛn manɛ.

Bɔ bɛ̀rɛbaa nɛ 2:22

Á nɛginin goon yɛ, Muizu ná a tɔ kɔ Gɛrsɔn, bɛ giala mà "gùli", a giala mà asɛ na á gùli baa bǎã kɔsɔ nɛ.

Izayii 8:8

A n die piɛ̃ a toɛ̃, a Zudaa gána kũ yǎa a bɔlɔ-a. Á re n daɛ n bǎã tumaa la, a n gána tumaa si a n kɔ lɛ, Emanuwɛli.

Ezekieli 48:14

Bɛa bǎã lɛ kɔn ba n siɛ̃ wa, a lon ba n koe wa, a ba n koe min dɔ la wa. A giala a din nə gána lɛa bǎã sonbore lɛa, a na á n kɔ Dɛnaa Lawa la.

Ozee 9:3

Ǹ ba re boe la ǹ giã Dɛnaa Lawa a gána kɛ-n wa. Efrayimu minin tá re wusii ǹ wo Ezipti gána nɛ, ǹ màn-bii gɔgɔrɛ bii Asiirii gána nɛ.

Zowɛli 2:18

Dɛnaa Lawa tá a gána lɛ narɛ á kiɛ̃, a minin lɛn makara kũ.

Zowɛli 3:2

Bɛa biikoo lɛ li, haalɛ bɛ̀rɛgiĩn laanka bɛ̀rɛlɔn nɛ, ma á re ma yiri koe bɛn dɔn la.

Lawa a wúlu-bɔlen 25:10

Lɛ̀ posoorobaa ǹ wɔ ke, ka bɛ bɔ ka koa a gɔrɔn masɛ Lawa a lɛa, ka pɛ gána lɛ a minin tumaa nɛ, mà didie tá a din gɔn wìi a lɛa. Lɛ̀ posooro zɔ́n nɛ. Bɛ̀ á dɔ, didie wusoo a wo giã a tán lɛ nɛ, didie wusoo a wo piɛ.

Lawa a wúlu-bɔlen 25:24

Bɛ lɛ nɛ, gána kɛ lɛ tumaa má n die koe ka la, bɛ̀ min ná a tán sã, ka doamaa nɛ ka zii kɔ la, a wusoo a na a mìi bɔ.

Timəə dí-pɛn 32:43

Tɔrɔn lɛn, ka n nyɛnyɛɛ kun ka Dɛnaa a zaman nɛ. A giala, a n die a dí-nyalin lɛn gɛ̀ dòo boe, a n die dɔlɔ diɛ a zɔ́ɔn lɛn mìi ni. Sɛnɛ, á re a gána lɛ laanka a minin lɛn sii baraan sawɛɛ.

Piɛrɛ1 2:11

Ma dɔɔ̃n narɛɛ wolen lɛn, kasɛn mɛnɛn bɛ́ gùlin laanka tiin lɛa kanaa kɛ nɛ, man ka nyankoe, ka ka dinin kũ dùũ sii babaraan kɛn ganaa, dùũ siin mɛnɛn bɛ́ zia biɛ biikoo tumaa li telenboen ganaa.