Lawa a wúlu-bɔlen 25:10 - LAWA A BOO SONBORE 2011

¹⁰ Lɛ̀ posoorobaa ǹ wɔ ke, ka bɛ bɔ ka koa a gɔrɔn masɛ Lawa a lɛa, ka pɛ gána lɛ a minin tumaa nɛ, mà didie tá a din gɔn wìi a lɛa. Lɛ̀ posooro zɔ́n nɛ. Bɛ̀ á dɔ, didie wusoo a wo giã a tán lɛ nɛ, didie wusoo a wo piɛ.

LAWA A BOO SONBORE

¹⁰ Lɛ̀ posoorobaa ǹ wɔ ke, ka bɛ bɔ ka koa a gɔrɔn masɛ Lawa a lɛa, ka pɛ gána lɛ a minin tumaa nɛ, mà didie tá a din gɔn wìi a lɛa. Lɛ̀ posooro zɔ́n nɛ. Bɛ̀ á dɔ, didie wusoo a wo giã a tán lɛ nɛ, didie wusoo a wo piɛ.

Lawa a wúlu-bɔlen 25:10 ပူးပေါင်းရင်းမြစ်များ

Ɛsidrasi 1:3

Dien man Lawa a zaman lɛ a minin lɛa kun ka nɛ? Ǹ dɛnan die ǹ wo Zeruzalɛmu, Zudaa gána nɛ, ǹ Izirayeli a Lawa, Dɛnaa Lawa a kion lɛ dɔ. Kaa Lawa ke Zeruzalɛmu bɛ die a goã kun ka nɛ.

Loen 146:7

Ǹ bɛ́ boe min mɛn yii ni, a din nə sonbore koe bɛ la. A din nə màn-bii koe bòonaan la. A din nə kòso nɛn sii á ǹ kiɛ.

Bɔ bɛ̀rɛbaa nɛ 20:2

«Ma din nə Dɛnaa lɛa, n Lawa lɛ nɛ, ma soo n ne, má n bɔ Ezipti gána a bɛ̀rɛbaa nɛ:

Izayii 49:9

n pɛ kòso nɛn manɛ, ka min mɛnɛn bɛ́ wɔlɔ tì li: «Ka soo ka da wɔlɔ fúlu li.» Ǹ tá re màn-bii yii zii gialaa, ǹ màn bii tentenen tumaa mìi ni.

Izayii 63:4

A nà á goã ma gɔ́ɔ̃ nɛ, máa ma gɛ̀ dòo bɔ. Maa zaman lɛ a si a kaa lɛ̀ na á dɔ.

Zeremii 34:10

Bɛa yɔrɔ lɛ la, nyɛɛnaandɛnan laanka zaman tumaa bɛa lɛ-kɔ lɛ wɔ ǹ nə́ lɛ kɔ ǹ bɛ̀rɛn kaa ganaa, ta a n giĩ hinlaa lɔ lɛa, ǹ nə́ ǹ ba re ǹ kiɛ dí kaka ganaa doo wa. Didie bɛa lɛ-kɔ lɛ si, ǹ nə́ ǹ bɛ̀rɛn lɛn kaa.

Zeremii 34:8

Dɛnaa Lawa wusoo á boo da Zeremii ni kii Sedekiasi a lɛ-kɔ kɛ kio Zeruzalɛmu a zaman tumaa nɛ, màn mɛn bɛ́ toɛ, a ǹ bɛ̀rɛn kaa.

Ezekieli 46:17

Bɛ̀ goledɛnaa lɛ ná a dí-nyali mɛn gɔ ka bǎã nɛ, bɛa bǎã lɛ n die goɛ̃ bɛa dí-nyali lɛ wɔ lɛa, yǎa lɛ̀ posooro zɔ́n kɛ doe, a tɔn wusii a goledɛnaa lɛ wɔ biɛ. Goledɛnaa lɛ din bǎã mɛn kuru á kɔ a nɛgiĩn la, bɛ dinsɔɔ̃ n die goɛ̃ bɛn gɔn duduu.

Lawa a wúlu-bɔlen 25:11

Lɛ̀ posoorobaa ǹ wɔ lɛ dɔ, ka n nyɛnyɛɛ, ka bɛnɛn pɛpɛ. Bɛa lɛ̀ lɛ-a, ka baran màn da wa, màn mɛn dɔ bɔ wuru-n a din li, ka baran bɛ dɔ kuru wa. Rezɛ̃ dan kɛn lɛn, ka n ka ǹ gùrùn bɔbɔ wa, ka baran bɛn nɛ na wa.

Lawa a wúlu-bɔlen 25:13

Bɛ̀ bɛa lɛ̀ lɛ dɔ, ka wusoo ka didie a tán kɔ la.

Lawa a wúlu-bɔlen 25:41

Bɛa biikoo li, a soo a n bɔ a li, a din laanka a nɛnyaanan nɛ, a wusoo a wo a tanlɛ nɛ, ǹ digolon bǎã nɛ.

Lawa a wúlu-bɔlen 25:54

Bɛ̀ Izirayeli min lɛ boo la á n din nyin si ka bɛa yɔrɔ kɛ lɛ kɔn nɛ wa, bɛ̀ lɛ̀ posooro zɔ́n dɔ, tii lɛ doamaa nɛ a n gɔn bɔ a ganaa a woo, a din laanka a nɛnyaanan nɛ.

Luku 1:74

mà asɛ á die wɔ sii wɔa zɔ́ɔn pàã la, mà asɛ á die nyɛ́ɛ lui a bɔ wɔ ganaa, wɔ a guguru kɔ,

Korɛnti2 3:17

Bɛ má pɛ máa Dɛnaa, bɛ giala mà Yiri Fu. Bɛ̀ Dɛnaa a Yiri Fu tá bǎã mɛn nɛ, tá ma din gɔn wìi a lɛa dɔ n goɛ̃ walan.

Galaasi minin 4:25

Bɛ̀ wɔ á pii mà Agaara, Sinayii kele mɛn bɛ́ Larabu gána nɛ, wɔ n bɛ boo diɛ. Sɛnɛ, wɔ á boe la wɔ zɔɔ̃ kɔn ka pelo a Zeruzalɛmu kɛ dɔ nɛ. Zeruzalɛmu n bɛ̀rɛ lɛa, kun ka a nɛnyaanan tumaa nɛ.

Galaasi minin 5:13

Kasɛn wɔ paǹ li, ma dɔɔ̃nɔn lɛn, Lawa na á kasɛn bíi mà ka goã ka gɔn wìi a lɛa. Sɛnɛ, ka bɛ́ ka dinin gɔn wìi a lɛa ke, ka nyan taasɛ, mà ka á boe la ka sii tumaa zɛnaa kanna, a kɔnpɛ ka ka gɔ̀nɔn foo siin kɛn nɛ wa. Sɛnɛ, ka n dɔ kɔn lɛ ka kɔn-narɛɛ nɛ.

Piɛrɛ1 2:16

Ka ǹ ka dinin gɔn wìi a lɛa, sɛnɛ, ka baran taasɛ mà ka bɛ́ ka dinin gɔn wìi a lɛa ke, mà ka á boe la ka sii baraa zɛnaa, bɛ̀ a ná a ba n doɛ̃ wa. Ka tɔ wɔ ka n pɛ mà ka ǹ Lawa a bɛ̀rɛn lɛa.