Lawa a wúlu-bɔlen 22:19 - LAWA A BOO SONBORE 2011

¹⁹ Sɛnɛ, bɛ̀ ka tá li ma ka lɛ si, ka da ka tɔɔ lɛ a gɔ̀lɔ̀ nɛ, wɔ̀lɔ̀ ná a ba a ganaa wa: ta dii ni, ta sère ne, ta bòe ne.

LAWA A BOO SONBORE

¹⁹ Sɛnɛ, bɛ̀ ka tá li ma ka lɛ si, ka da ka tɔɔ lɛ a gɔ̀lɔ̀ nɛ, wɔ̀lɔ̀ ná a ba a ganaa wa: ta dii ni, ta sère ne, ta bòe ne.

Lawa a wúlu-bɔlen 22:19 ပူးပေါင်းရင်းမြစ်များ

Bɔ bɛ̀rɛbaa nɛ 12:5

Ka tɔɔ bɔ, wɔ̀lɔ̀ ná a ba a ganaa wa, lɛ̀ goon pia lɛa. Ka bɔ sère nɛn hinlaa bòe nɛn bii.

Lawa a wúlu-bɔlen 1:10

Bɛ̀ tɔɔ boɛɛn nɛ a n die biɛ wúlu màn tiɛ̃ lɛa, ta sère ne hinlaa bòe ne, a doamaa nɛ a da ka a gɔ̀lɔ̀ nɛ, wɔ̀lɔ̀ ná a ba a ganaa wa.

Lawa a wúlu-bɔlen 1:2

A pɛ Izirayeli minin lɛn manɛ: Bɛ̀ ǹ mɛn tá die Lawa gɔ ǹ màn koe Dɛnaa Lawa la, a doamaa nɛ a da ka tɔɔ gole hinlaa ka a boɛɛn nɛ, Lawa gɔ ǹ wɔ lɛa.

Lawa a wúlu-bɔlen 1:3

Bɛ̀ tɔɔ gole ne, a n die biɛ *wúlu màn tiɛ̃ lɛa, a doamaa nɛ a da ka dii gɔ̀lɔ̀ nɛ, wɔ̀lɔ ná a ba a ganaa wa. A doamaa nɛ a da nɛ kɔn yɛ ka Lawa nɛ ǹ kion lɛ a kiɛnlɛ-a, Dɛnaa Lawa tɔn lɛ kɔ, bɛa dɛnaa golee a yɔrɔ-a.

Lawa a wúlu-bɔlen 21:18

Bɛ̀ wɔ̀lɔ̀ tá wúlu-bɔle mɛn ganaa, a doamaa bie sonbore a n mɔrɔ wa: yii tere-a nɛ, gɔnaa nɛ, min mɛn bɛ́ a nyin nə́ kunu pataraa nɛ, ka min mɛn bɛ́ a gɔn hinlaa a gòã goon sasa kɔ á la ǹ miã nɛ,

Lawa a wúlu-bɔlen 4:32

Bɛ̀ ǹ dɛnaa n li a da ka sère ne, a sii baraa lɛ a sawaa ǹ wúlu màn lɛa, a doamaa nɛ a da ka sère dan nɛ, wɔ̀lɔ̀ ná a ba a ganaa wa.

Matiə 27:19

Pilati bɛ́ kiri wɔ ǹ bǎã nɛ, a lɔ min dia mà a wo pɛ nɛ: «N nyan toa n nə n sii wɔ giĩ zɛ̀rɛ baãnaa kɛ a sii-n wa. A giala masɛ narɛɛ mɛn wɔ a wɔ gɔn la gunun tèlò-n, á masɛ nɔmaa parsiini.»

Matiə 27:24

Pilati bɛ́ á dɔ̃, mà asɛ a die boe la a sii kɔ́n zɛnaa wa, mà màn nə́ tɔn miɛ zaman lɛ a lala diɛ li, á mu saa, á n gɔn pii zaman lɛ yɔrɔ-a, á pɛ: «Ma gòɛ̃ ba giĩ kɛ a gɛ̀ sii-n wa! Ka dinin mìi gɔ́ɔ̃ ǹ sii ni!»

Matiə 27:4

á pɛ ǹ nɛ: «Maa zɛ̀rɛ baãnaa kɔ ka la ke, má sii baraa zɛnaa!» Ǹ nə́ tɔ́n pɛ nɛ: «Wɔsɛn wàa n sii n bɛ nɛ? N din mìi gɔ́ɔ̃ ǹ sii ni!»

Matiə 27:54

Rɔmun sɔraasin goledɛnaa laanka sɔraasin mɛnɛn nə́ goã Yezu lɛduĩ, bɛn nə́ tán a bìn-diɛ lɛ yɛ, kun ka sii mɛn tumaa nə́ n zɛnaa, nyɛ́ɛ nə́ ǹ kũ parsiini, ǹ nə́ tɔ́n pɛ: «A na á goã Lawa a Nɛgiĩ lɛa sonbore!»

Luku 23:14

Á pɛ ǹ nɛ: «Táa ka n ka daa ka giĩ kɛ nɛ masɛ li, mà a n zaman yiri siɛ̃. Á ke, masɛ nɔ̀n da la ka dinin yii ni, ka bɛ́ màn mɛn yii pii, ka n kiɛ a mìi ni, masɛ bɛa dɔlɔ bɔ ǹ sii kɛ kɔ́n yɛ giĩ kɛ wɔ gɔn la wa.

Luku 23:41

Wɔsɛn wɔ na a zii li le! Wɔsɛn man wɔa nya ǹ dí a mìi gɔ́ɔ̃ ǹ sii yii. Sɛnɛ, giĩ kɛ sii baraa kɔ́n zɛnaa wa.»

Luku 23:47

Sɔraasin goledɛnaa lɛ bɛ́ á bɛa sii kɛ lɛ yɛ, á Lawa guguru kɔ bɛ̀ á n pii: «Liere ba a-n wa, giĩ kɛ na á goã min pepere lɛa!»

Zaã a sɛ́wɔ 19:4

Pilati nə́ n bɔyaa á daa kanaa doo á pɛ zaman lɛ nɛ: «Á ke, man die soe-n kanaa ma kɔ ka la, màn mɛn bɛ́ toɛ, ka dɔ̃ mà ma zɛ̀rɛbaa ǹ sii kɔ́n yɛ a ganaa wa.»

Korɛnti2 5:21

Sii baraa kɔ́n goã Krita li wa, sɛnɛ, Lawa na á wɔa sii baraan guĩ da a din lɛ mìi ni, ń giɛ, wɔ á min peperen biɛ asɛ din yɔrɔ-a Krita pàã ganaa.

Efɛɛzi minin 5:27

A na á zɔɔ̃ li, mà Lawa a sɔmɔ lɛ goã asɛ din yɔrɔ-a, ka a nɛniɛ tii bɛ́ lɔn, a siĩnbaa tumaa gɔ́ɔ̃ nɛ, a gɔ̀nɔn nə́ zɔzɔnɔ, *gɔ̀ ná a ba a ganaa wa, wɔ̀lɔ̀ kɔ́n dɔ ná a ba a ganaa wa.

Timəə dí-pɛn 15:21

Sɛnɛ, bɛ̀ wɔ̀lɔ̀ tá tɔɔ lɛ mɛn-a, bɛ̀ a n simii hinlaa a yii na á tã, hinlaa ta wɔ̀lɔ̀ tɔrɔ kɔsɔ mɛn nɛ, ka nyan bɛ kɔ kaa Lawa, Dɛnaa Lawa la *wúlu màn lɛa wa.

Ebrəə 9:14

Sanparɛ Krita mà ke kəni! Krita mɛn bɛ́ á n din kɔ Lawa la, wúlu màn yoreen lɛa, ka Yiri Fu nyabaã wole barka nɛ, bɛ á boe la, a wɔ foon pii, a wɔ si bɔ̀nbaa ǹ sii zɛnaan la, màn mɛn bɛ́ toɛ, wɔ dí nya Lawa Yiikoonaa kɛ nɛ.

Piɛrɛ1 1:19

Sɛnɛ, Lawa na á ka bɔ bɛ nɛ ka Krita mà kɛ barka nɛ, mà mɛn bɛ́ soɛ màn tumaa nɛ. Bɛa Krita lɛ na á gã ka sère nɛ bɛ́ lɔn, wɔ̀lɔ̀ laanka gɔ̀ ná a ba-a wa, bɛ̀ ǹ dɛ *wúlu màn lɛa.

Piɛrɛ1 3:18

Sonbore, Krita dinmaa lɛ na á gã minbuiinin sii baraan lɛa, gunyin goon toto. Asɛ pepere lɛ gã, ka minbuiin bɛ́ lɔn, min pepere baãnaan lɛa, sɛnɛ, a yii wusoo á kaa á n bɔ geren bii ka Yiri Fu barka nɛ, màn mɛn bɛ́ toɛ, a ka nyaa Lawa nɛ.