Lawa a wúlu-bɔlen 19:33 - LAWA A BOO SONBORE 2011

³³ Bɛ̀ min daa gùli kɔ ka li kaa gána lɛ nɛ, ka baran bɔ a yii-n wa.

LAWA A BOO SONBORE

³³ Bɛ̀ min daa gùli kɔ ka li kaa gána lɛ nɛ, ka baran bɔ a yii-n wa.

Lawa a wúlu-bɔlen 19:33 ပူးပေါင်းရင်းမြစ်များ

Bɔ bɛ̀rɛbaa nɛ 22:20

Ka baran mɛnaa gùli la wa, ka baran fuu nyaa-n wa. A giala, ka dɔn nə́ goã gùlin lɛa Ezipti gána nɛ.

Bɔ bɛ̀rɛbaa nɛ 22:21

Ka baran fuu nyaa lɔ giɔɔrɔ kɔ́n nɛ, ka nɛ-toen kɔ́n nɛ wa.

Bɔ bɛ̀rɛbaa nɛ 23:9

Ka baran fuu nyaa gùli kɛ nɛ giã nɛ ka li wa. Ka dininmaan kɛn lɛn tá gùlibaa sii doɛ̃. A giala, ka n ka goã gùlin lɛa Ezipti gána nɛ.

Zeremii 7:6

Ka nyan mɛnaa tiin la, nɛ toenən ne ka lɔ giɔɔrɔn nɛ wa. Ka nyan yii tì-a mà kaa wa. Ka nyan kɔ lawa kɔsɔn lɛ wa, ǹ mɛnɛn lɛn bɛ́ koe boe ka-a.

Ezekieli 22:29

Gána lɛ a minin man kakaarɛbaa ǹ sii zɛnɛɛ, ǹ nə́ wurumu dɔ biɛ. Maǹ boe nɔmaa wolen laanka doobaan yii ni, maǹ mɛnɛɛ gùli la, haalɛ ta sonbore na a lon.

Ezekieli 22:7

Maǹ díi laanka náa puusə koe n piɛ Zeruzalɛmu. Maǹ mɛnɛɛ tiin la kiwi lɛ nɛ, ǹ nə́ boe nɛ-toenən laanka lɔ giɔɔrɔn yii ni.

Malakii 3:5

Hiĩ! Dɛnaa Lawa Pàãyiidɛnaa pɛ: – Ma á re die ka bii ni ma kiri wɔ ka ganaa. Ma á re siɛ lɛlɛ ma zɛ̀rɛ koa kɔ́lɔnbaalin-a, naarɛbaalin ni, min mɛnɛn bɛ́ ǹ ba koe ǹ lɛ kɔ ǹ bɔlɔ lɛ wa, min mɛnɛn bɛ́ mɛnɛɛ dí-nyali la a sara paǹ li, min mɛnɛn bɛ́ mɛnɛɛ lɔ giɔɔrɔ laanka nɛ toen la, hinlaa ǹ nə́ mɛnɛɛ tiin la ka min mɛn tumaa bɛ́ ǹ ba nyɛ́ɛ biɛ masɛ yii-n wa.

Timəə dí-pɛn 24:14

Ka nyan toa ka bɔ dí-nyali yii ni, a nɔmaa laanka a doobaabaa taman yii wa. Ta ka dinin miã Izirayeli min ni, hinlaa ta gùli ni, giã-n kaa gána lɛ a kiwi kɔn nɛ.

Timəə dí-pɛn 24:17

Ka nyan sii kɔkɔrɔ zɛnaa ka mɛnaa gùli laanka nɛ toen la wa. Ka baran lɔ giɔɔrɔ a mɔnaan si la giɔ̀mɔ lɛ koa ǹ màn lɛa wa.

Timəə dí-pɛn 24:18

Ka n yiri koa a nɛ, mà ka n ká goã bɛ̀rɛn lɛa Ezipti gána nɛ, mà kaa Lawa, Dɛnaa Lawa na á ka bɔ a nɛ. Bɛ lɛ na á toa ma á n gɔn wɛɛ ka nɛ, máa ka kɔ bɛa boo lɛ lɛ.

Timəə dí-pɛn 27:19

Bɛ̀ min mɛn sii kɔkɔrɔ zɛnaa á mɛnaa gùli la, nɛ-toen hinlaa lɔ giɔɔrɔ la, bɔ̀n na á bɛa dɛnaa yɛ! Bɛ kio, zaman lɛ tumaa pɛ: «A n miɛ̃!»