Lawa a wúlu-bɔlen 19:18 - LAWA A BOO SONBORE 2011

¹⁸ N baran dòo bɔ wa, min dɔ baran sii koa a gɔ́ɔ̃ nɛ, ǹ miã wɔ paǹ li wa. N miã kɔsɔ dɔ narɛ ka n bɛ́ n din narɛ lɔn. Masɛ din nə Dɛnaa Lawa lɛa.

LAWA A BOO SONBORE

¹⁸ N baran dòo bɔ wa, min dɔ baran sii koa a gɔ́ɔ̃ nɛ, ǹ miã wɔ paǹ li wa. N miã kɔsɔ dɔ narɛ ka n bɛ́ n din narɛ lɔn. Masɛ din nə Dɛnaa Lawa lɛa.

Lawa a wúlu-bɔlen 19:18 ပူးပေါင်းရင်းမြစ်များ

Siin Giala 4:23

Lemɛki pɛ a lɔn lɛn manɛ kɛnɛn: Adaa laanka Siilaa, ka n too kɔ ma lon. Lemɛki a lɔn lɛn, ka n too kɔ doɛ̃. Giĩ bɛ́ á n gɔn da ma ganaa, má dɛ á gã. Nɛ lɛ bɛ́ á màn toɛ̃ ma ganaa, má dɛ á gã.

Samayeli2 13:22

Abusalɔn boo goon da ǹ dɔɔ̃n Amnɔn nɛ doo wa. A pɛ mà á siĩn wa, a pɛ mà á baraa wa. A giala, Abusalɔn na á goã biɛ zɔ́ɔ ǹ miãnɛn Tamaara lɛ a ziziɛ̃ taman yii.

Samayeli2 13:28

Abusalɔn pɛ a dí-nyalin manɛ: Ka n yiri koa Amnɔn li parsiini. Bɛ̀ yɔ da foo kɔɔ̃nbaa ganaa ǹ mɛn waáraa, ma á re pii ka nɛ: «Ka Amnɔn dɛ.» Ka baran nyɛ́ɛ baa wa, ka dɛ a gã, ma din tá golee ka a sii ni. Ka n gù we yii, ka n foo taã.

Loen 103:9

Dɛnaa Lawa a min zɛ̀rɛ biɛ biikoo tumaa li wa. A sii koɛ a gɔ́ɔ̃ nɛ a ná a ba nyɛɛ wa.

Bɔ bɛ̀rɛbaa nɛ 20:16

- N baran soɛ da min la wa.

Suusun 20:22

N nyan pɛ: «Man die baraa sarɛɛ ka baraa nɛ.» Sɛnɛ, n foo doa Dɛnaa Lawa ganaa, á re n kirisibiɛ.

Lawa a wúlu-bɔlen 19:34

Bɛa gùli kɛ lɛ giã nɛ ka li, ka kũ ka ka dinin goon bɛ́ lɔn. Ka narɛ ka ka bɛ́ ka dinin narɛ lɔn. A giala, ka dɔn man ka goã gùlin lɛa Ezipti gána nɛ. Masɛ din Dɛnaa Lawa n ka Lawa lɛa.

Matiə 19:16

Giĩ goon nə́ n zɔ̃ á dɔ a li gɔrɔ, á nɔ̀n da la: «Mìinaa, masɛ doamaa nɛ ma sii sonbore mɛn zɛnaa, ma tɔn nyin nyabaã yɛ?»

Matiə 19:19

n díi laanka n náa guguru kɔ, n nə n miã kɔsɔ narɛ ka n bɛ́ n din narɛ lɔn.»

Zaã a sɛ́wɔ 13:34

Man dí-pɛ dii koe ka la: Ka kɔn narɛ. Masɛ ka narɛ lɔn, ka dɔn nə kɔn narɛ miɛ̃.

Nya ǹ dín 16:28

Sɛnɛ, Pooli pɛ nɛ ka lɛn gole ne: «N baran sii baraa kɔ́n zɛnaa n din ni wa, wɔsɛn tumaa tan.»

Rɔmu minin 12:17

Bɛ̀ min sii baraa zɛnaa ka nɛ, ka baran a dòo saraa ka sii baraa-n wa. Ka ga sii bǐɛ̃ zɛnaa li min din tumaa yɔrɔ-a.

Rɔmu minin 12:19

Ma dɔɔ̃nɔn lɛn, ka dinin baran kaa gɛ̀ dòo bɔ wa, sɛnɛ, ka toa Lawa bɔ, a giala, a tá kiɛ̃ nɛ: «Masɛ din nə gɛ̀ dòo boe, masɛ din nə dòo sarɛɛ. Dɛnaa a da ǹ boo ne.»

Rɔmu minin 13:4

Goledɛnaa lɛ n dí nyɛɛ Lawa nɛ, màn mɛn bɛ́ toɛ, a n da bǐɛ̃ zɛnaa ganaa. Sɛnɛ, bɛ̀ n tá sii baraa zɛnɛɛ, n doamaa nɛ n nyɛ́ɛ baa pàãdɛnaa nɛ, a giala, dɔlɔ bɔ ǹ pàã lɛ bie a gɔn kooro wa. A n Lawa a dí-nyali lɛa, á Lawa a foo-yoo ǹ dɔlɔ diɛ sii babaraa-zɛnaalin mìi ni.

Rɔmu minin 13:9

Sonbore, dí-pɛn mɛnɛn bɛ́ pii mà «N baran naarɛbaa zɛnaa wa, n baran gɛ̀ dɛ wa, n baran wurumu baa wa, n yii baran bɔ min kɔsɔ gɔn màn kɔ́n li wa», bɛn laanka gialakun kɛ tumaa mìi n ke: «N miã kɔsɔ dɔ narɛ ka n bɛ́ n din narɛ lɔn.»

Galaasi minin 5:14

A giala, dí-pɛ tumumaa lɛ n piɛ̃ ka boo goon toto kɛ nɛ: «Ǹ miã kɔsɔ narɛ ka n bɛ́ n din narɛ lɔn.»

Galaasi minin 5:20

dì wúlu bɔ nɛ, ka dagòã si ni. Minbuiinin man zɔ́ɔbaa we kɔn ganaa, ǹ nə́ zian diɛ kɔn ganaa, ǹ foo n wuu pii, foo-yoo la ǹ yii ni, ka miã lɔ zuũbaa nɛ. Maǹ nə n niniɛ kɔn tanlɛ tanlɛ, ǹ nə́ kurun lɛa yɔ boe kɔn ganaa.

Efɛɛzi minin 4:31

Ka toa kɔkɔsɛbaa ǹ sii tumaa wɔlɔ lui ka ganaa, min koa ma gɔ́ɔ̃-n nɛ, foo-yoo baraa tumaa nɛ, paparaan nɛ ka sɔ-kɔn nɛ. Ka n bɔ baraabaa sii tɔrɔ tumaa wɔlɔ li.

Timəə dí-pɛn 32:25

Kanaa, minin tá re ǹ nɛnyaanan dii zia la, kion, nyɛ́ɛ a re ǹ toɛ wa. Ǹ nɛgiĩn laanka ǹ nɛlɔn tá re giɛ̃, ǹ nɛnyaanan laanka ǹ min zizin tá re giɛ̃.»

Timəə dí-pɛn 32:35

Ma din nə gɛ̀ dòo boe, ma din nə dòo sarɛɛ. Bɛ̀ ǹ nə́ sã ǹ nə́ wɔ ma lon ǹ mɛn pinaa, ǹ bɔ̀n baa pinaa na á dɔ. Sii mɛn nə n yɔrɔ bɔ ǹ wɔ lɛa, bɛa re n lɔloɛ wa.

Kolɔɔsi minin 3:8

Sɛnɛ kanna, ka n piã ka bɛa sii kɛ lɛ din tumaa nɛ: Ka n piã ka foo-busii ni, ka foo-yoo ne, ka baraabaa nɛ, ka baran toa sɔ-kɔ laanka sìi boon nə bɔ ka lɛ-n wa.

Ebrəə 10:30

Sonbore, Lawa mɛn boo kɛ da, wɔ á bɛ doɛ̃: «Ma din nə gɛ̀ dòo boe, ma din nə dòo sarɛɛ.» Á pɛ doo: «Ma din Dɛnaa á re kiri kuri maa zaman la.»

Zaaki 2:8

Sonbore, kii Lawa dí-pɛ mɛn kɔ, bɛ̀ ka á bɛ tamaɛ á kɔnpii ka a boo ne, sii sonbore n ka bɛ nɛ ka á zɛnɛɛ. «N nə n miã kɔsɔ narɛ ka n bɛ́ n din narɛ lɔn.»

Piɛrɛ1 2:1

Haya, ka baraabaa tɔrɔ tumaa kaa, ka soɛ tɔrɔ tumaa nɛ, ká bɔlɔ paa pɛ tɔrɔ tumaa nɛ. Ka foo wuu pɛ kaa, ká kɔn tɔ ziziɛ̃ nɛ.

Zaã1 4:21

Krita dí-pɛ mɛn kɔ wɔ la, bɛ n ka kɛ nɛ: Min mɛn bɛ́ Lawa narɛ, a doamaa nɛ a ǹ dɔɔ̃n dɔ narɛ.