Lawa a wúlu-bɔlen 18:30 - LAWA A BOO SONBORE 2011

³⁰ Ma pɛ ka nɛ máa ka boon mɛnɛn tamaa, ka n doa ka bɛn lɛn tamaa, màn mɛn bɛ́ toɛ, ǹ goã landa bɔbɔnɛɛn mɛnɛn zɛnɛɛ gána lɛ nɛ, bɛ̀ ka bɛ́ ka tɔn daa wa, ka nyan toa ka bɛn zɛnaa wa. Ka baran gɔ̀ da ka dinin ganaa ka bɛ miã siin kɛn nɛ wa. Masɛ din Dɛnaa Lawa n kaa Lawa lɛa.

LAWA A BOO SONBORE

³⁰ Ma pɛ ka nɛ máa ka boon mɛnɛn tamaa, ka n doa ka bɛn lɛn tamaa, màn mɛn bɛ́ toɛ, ǹ goã landa bɔbɔnɛɛn mɛnɛn zɛnɛɛ gána lɛ nɛ, bɛ̀ ka bɛ́ ka tɔn daa wa, ka nyan toa ka bɛn zɛnaa wa. Ka baran gɔ̀ da ka dinin ganaa ka bɛ miã siin kɛn nɛ wa. Masɛ din Dɛnaa Lawa n kaa Lawa lɛa.

Lawa a wúlu-bɔlen 18:30 ပူးပေါင်းရင်းမြစ်များ

Kiin1 14:24

Wo dìn la ǹ kɔrɔbaa-zɛnaalin dinin nə́ goã gána lɛ nɛ. Dɛnaa Lawa goã á tɔrɔn mɛnɛn loo á Izirayeli minin kaa ǹ bǎã nɛ, bɛn nə goã sii bɔbɔnɛɛ mɛn tumaa zɛnɛɛ, Zudaa minin lɛn dɔn nə́ goã bɛn zɛnɛɛ.

Kiin1 21:26

Akaabu dí bɔbɔnɛɛ nya, á dìn guguru kɔ ka Amɔɔrɔ tɔrɔn kɛn bɛ́ lɔn Dɛnaa Lawa goã á ǹ loo Izirayeli minin nyɛɛnɛ, ǹ nə́ giã ǹ bǎã nɛ.

Ɛsidrasi 9:1

Bɛ bɛ́ á n zɛnaa á nya, zaman lɛ a nyɛɛnaandɛnan nə́ daa dɔ ma li, ǹ nə́ pɛ ma-n kɛnɛn: «Izirayeli a zaman lɛ nɛ, Lawa a wúlu-bɔlen lɛn nɛ, *Levii tɔrɔn lɛn nɛ, ǹ nə n na, ǹ nə́ n bɔ gána lɛ a minin ganaa wa. Kanaan minin ni, Ɛti minin ni, Perɛzi minin ni, Zebuzu minin ni, Amɔn tɔrɔn nɛ, Moabu minin ni, Ezipti minin ni, ka Amɔɔrɔ minin ni, bɛn bɛ́ sii bɔbɔnɛɛn mɛnɛn zɛnɛɛ, ǹ dɔn man koe bɛn lɛn lɛ, ǹ tá ǹ zɛnɛɛ.

Lawa a wúlu-bɔlen 18:29

Sɛnɛ, bɛ̀ min mɛn bɛa sii bɔbɔnɛɛ kɛ lɛ mɛn goon zɛnaa, ka ǹ dɛnaa loo, ka bɔ Izirayeli tɔrɔn bii.

Lawa a wúlu-bɔlen 19:1

Dɛnaa Lawa boo da ka Muizu ni á pɛ nɛ:

Lawa a wúlu-bɔlen 20:23

Ma bɛ́ re tɔrɔn mɛnɛn lui ma ǹ bɔ ka nyɛɛnɛ, ka nyan toa ka n saa bɛn landa siin kɛn li wa. A giala, bɛa siin kɛn lɛn tumaa a zɛnaa na á toa, ǹ tìĩ bɔ ma nyin ni.

Lawa a wúlu-bɔlen 22:9

Man gɔn waa ka nɛ ka boon mɛnɛn nɛ, ka kɔ bɛn lɛ, màn mɛn bɛ́ toɛ, ka baran sii baraa saa ka da ka dinin mìi ni, màn-bii sii wɔ paǹ li wa. Bɛ̀ ka masɛ a boo tii bɛa sii lɛ gɔ́ɔ̃ nɛ, ka á re giɛ̃. Masɛ Dɛnaa Lawa din ni má ka bɔ, má ka koa maa dí mìi la.

Timəə dí-pɛn 11:1

Bɛ lɛ nɛ, ka kaa Lawa, Dɛnaa Lawa lɛ narɛ, a siin mɛnɛn pɛ ka nɛ mà ka ǹ tamaa, ka bɛn lɛn tamaa baraabaraa, a landa boon kɛn nɛ, a sii yɔrɔ bɔ ǹ boon ne, ka a gɔn waa ǹ boon kɛn nɛ.

Timəə dí-pɛn 12:30

Bɛ̀ ǹ nə́ papaã ǹ nə́ n bɔ ka nyɛɛnɛ, kasɛn nə yiri bɔ ka dinin li taãn-taãnɛ, ka nyan toa ka n saa ǹ li wa. Ka yii baran bɔ bɛa tɔrɔn kɛn lɛn dìn li wa. Ǹ goã ǹ dìn guguru koe lɔn, ka nyan pɛ mà ka n nɔ̀n diɛ ka bɛ-n wa. Ka nyan pɛ mà ka nə ǹ wɔ kɛ tɔrɔ zɛnɛɛ wa.

Timəə dí-pɛn 12:31

Ka nyan nə ǹ wɔ kɛ tɔrɔ zɛnaa, kaa Lawa, Dɛnaa Lawa lɛ-n wa. A giala, sii mɛn tumaa bɛ́ sii bɔbɔnɛɛ lɛa Dɛnaa Lawa yii li, a ná a ba li wa, maǹ nə́ bɛ zɛnaa ǹ dìn lɛn manɛ. Minin dinin nə́ ǹ nɛgiĩn laanka ǹ nɛlɔn kɔ dìn lɛn la, ǹ nə́ ǹ tã.

Sii yɔrɔ-bɔlen 20:6

Bɛ lɛ n ke, má maa lɔ lɛ gere saa, má kukuru kɔn, má dia Izirayeli minin lɛn bǎã tumaa nɛ. A giala, sii bɔbɔnɛɛ laanka sìi da ǹ sii n ke, ǹ nə́ zɛnaa Izirayeli gána nɛ.