Lawa a wúlu-bɔlen 18:24 - LAWA A BOO SONBORE 2011

²⁴ Ka baran bɛa sii kɛ lɛ kɔn zɛnaa, ka gɔ̀ da ka dinin ganaa wa. A giala, ma bɛ́ tɔrɔn mɛnɛn lɛn lui ǹ boe ka nyɛɛnɛ, bɛa siin kɛn lɛn man nə́ ǹ gɔgɔrɛ kɔ.

LAWA A BOO SONBORE

²⁴ Ka baran bɛa sii kɛ lɛ kɔn zɛnaa, ka gɔ̀ da ka dinin ganaa wa. A giala, ma bɛ́ tɔrɔn mɛnɛn lɛn lui ǹ boe ka nyɛɛnɛ, bɛa siin kɛn lɛn man nə́ ǹ gɔgɔrɛ kɔ.

Lawa a wúlu-bɔlen 18:24 ပူးပေါင်းရင်းမြစ်များ

Siin Giala 15:16

N tɔrɔn yɛ kɔn kio a siibaa ǹ wɔ á re n bɔyɛɛ a da kànaa. A giala, Amɔɔrɔ minin tá bǎã lɛ-n bɔrɔ. Bɛ̀ ǹ baraabaa lɛ lɛ pã ǹ mɛn waáraa, má á re ǹ lui.»

Kiin1 9:7

bɛa biikoo li kəni, man die, Izirayeli minin lɛn papaɛ̃ ma ǹ bɔ tán kɛ la, má kɔ ǹ la. Kion mɛn dɔ bɛ́ má ma din tɔ da la, ma nə n la boe bɛ dɔ ganaa. Izirayeli tá re suusu da ǹ màn biɛ, a yaa da ǹ màn baa tɔrɔn tumaa gɔn.

KZS2 33:2

Sii mɛn bɛ́ baraa Dɛnaa Lawa yii li, á bɛ zɛnaa. Dɛnaa Lawa goã á tɔrɔn mɛnɛn lɛn loo á ǹ bɔ Izirayeli nɛnyaanan nyɛɛnɛ, ǹ nə́ giã ǹ bǎã nɛ, Manaasee na á goã koe bɛn sii bɔbɔnɛɛn kɛn lɛ.

Ɛsidrasi 9:1

Bɛ bɛ́ á n zɛnaa á nya, zaman lɛ a nyɛɛnaandɛnan nə́ daa dɔ ma li, ǹ nə́ pɛ ma-n kɛnɛn: «Izirayeli a zaman lɛ nɛ, Lawa a wúlu-bɔlen lɛn nɛ, *Levii tɔrɔn lɛn nɛ, ǹ nə n na, ǹ nə́ n bɔ gána lɛ a minin ganaa wa. Kanaan minin ni, Ɛti minin ni, Perɛzi minin ni, Zebuzu minin ni, Amɔn tɔrɔn nɛ, Moabu minin ni, Ezipti minin ni, ka Amɔɔrɔ minin ni, bɛn bɛ́ sii bɔbɔnɛɛn mɛnɛn zɛnɛɛ, ǹ dɔn man koe bɛn lɛn lɛ, ǹ tá ǹ zɛnɛɛ.

Loen 106:39

Ǹ sii zɛnaa miɛ̃ kɛ *gɔ̀ da ǹ ganaa. Ǹ nə́ lɛ-tiilin baa ka lɔ kɔrɔn bɛ́ lɔn.

Zeremii 44:4

A da yaa, biikoo tumaa li, má maa dí-nyalin, Lawa a boo gii-dalin dia ka la. Ǹ nə́ pɛ ka nɛ kɔn kio mà ka sabara baa, mà kaa sii bɔbɔnɛɛn kɛn tìĩ a boe-n ma nɛ, mà ka nyan bɛ zɛnaa wa.

Ezekieli 36:17

Minbuiin a nɛ, n too kɔ. Izirayeli tɔrɔn bɛ́ ǹ nə́ goã ǹ gána lɛ nɛ, ǹ dinin man nə́ ǹ gána lɛ gɔgɔrɛ kɔ, ka ǹ giã ǹ gɔn laanka ǹ zɛnaa ǹ siin ni. Masɛ yii li, ǹ giã ǹ gɔn lɛ n ka lɔ a *gɔ̀ bɛ́ lɔn, bɛ̀ a lɛawaa tá a ganaa.

Lawa a wúlu-bɔlen 18:3

Ka giã Ezipti gána mɛn nɛ lɛlɛ, ka nyan toa ka bɛa minin kɛn giã ǹ gɔn saa wa. Ma bɛ́ re woe ka nɛ Kanaan gána mɛn dɔ nɛ, ka nyan toa ka bɛa minin kɛn giã ǹ gɔn saa wa. Landa boon kɛn, ka nyan toa ka kɔ bɛn lɛ wa.

Lawa a wúlu-bɔlen 18:30

Ma pɛ ka nɛ máa ka boon mɛnɛn tamaa, ka n doa ka bɛn lɛn tamaa, màn mɛn bɛ́ toɛ, ǹ goã landa bɔbɔnɛɛn mɛnɛn zɛnɛɛ gána lɛ nɛ, bɛ̀ ka bɛ́ ka tɔn daa wa, ka nyan toa ka bɛn zɛnaa wa. Ka baran gɔ̀ da ka dinin ganaa ka bɛ miã siin kɛn nɛ wa. Masɛ din Dɛnaa Lawa n kaa Lawa lɛa.

Minin nimi 35:34

Gána mɛn lɛ bɛ́ ka n die giɛ̃ a nɛ, masɛ dinmaa dɔ́ n die goɛ̃ ka bii a nɛ, ka die ka yiri bɔ kəni, ka baran bɛ gɔgɔrɛ kɔ wa. Masɛ din nə Dɛnaa Lawa lɛa, má ń Izirayeli minin lɛn bii.»

Korɛnti1 3:17

Ka dɔ̃ mà bɛ̀ min mɛn Lawa a Kion ziziɛ̃, Lawa á re ǹ dɛnaa dɔ ziziɛ̃. A giala, Lawa a Kion nə màn sonbore lɛa. Ka dinin lɛn dɔn man Lawa a Kion lɛ lɛa.

Timəə dí-pɛn 12:31

Ka nyan nə ǹ wɔ kɛ tɔrɔ zɛnaa, kaa Lawa, Dɛnaa Lawa lɛ-n wa. A giala, sii mɛn tumaa bɛ́ sii bɔbɔnɛɛ lɛa Dɛnaa Lawa yii li, a ná a ba li wa, maǹ nə́ bɛ zɛnaa ǹ dìn lɛn manɛ. Minin dinin nə́ ǹ nɛgiĩn laanka ǹ nɛlɔn kɔ dìn lɛn la, ǹ nə́ ǹ tã.

Timəə dí-pɛn 18:12

A giala, min mɛn tumaa bɛ́ bɛa siin kɛn lɛn zɛnɛɛ, ǹ tìĩ n boe-n Dɛnaa Lawa nyin ni. Bɛa sii bɔbɔnɛɛn lɛn lɛa nɛ, kaa Lawa, Dɛnaa Lawa tá re tɔrɔ kɔsɔn lɛn lui a ǹ bɔ ka nyɛɛnɛ.

Timəə dí-pɛn 9:4

Bɛ̀ kaa Lawa, Dɛnaa Lawa lɛ nə́ ǹ loo á ǹ bɔ ka nyɛɛnɛ ǹ mɛn waáraa, ka baran din gole kɔ ǹ boo da ka pɛ mà ka dinin peperebaa a lɛa nɛ, Dɛnaa Lawa toa ka wɔ gána lɛ nɛ, ka si ka baa kaa wɔ lɛa wa. Sɛnɛ, ka dɔ̃ mà tɔrɔn kɛn lɛn baraabaa a lɛa nɛ, Dɛnaa Lawa á re ǹ lui, a ǹ bɔ ka nyɛɛnɛ.

Timəə dí-pɛn 9:5

Kaa peperebaa laanka kaa gɔ́ɔ̃ fubaa bie re toɛ, ka wɔ ǹ gána lɛ nɛ, ka si ka baa kaa wɔ lɛa wa. Sɛnɛ, bɛa tɔrɔn kɛn lɛn dinin baraabaa n die toɛ, kaa Lawa, Dɛnaa Lawa nə ǹ loo a ǹ bɔ ka nyɛɛnɛ. A n die bɛ zɛnɛɛ dɔn, màn mɛn bɛ́ toɛ, a na a lɛ kɔ ǹ boo lɛ pã ka digolon wɔ paǹ li: Abrahamu laanka Izaaki ni, ka Zakɔba nɛ.

Sii yɔrɔ-bɔlen 20:10

Wɔ n die minin boe Izirayeli tɔrɔn lɛn tumaa bii: Giĩ paabiɛ la, min fù, duu goon la, min paabiɛ, min duu fù la, min duu goon, bɛn nə wo ga màn-bii li, ǹ da kɔ zaman lɛ la. Bɛ̀ bɛn nə́ n bɔyaa ǹ nə́ daa, Bɛnzamɛn tɔrɔn kiwi Gibeya minin kɛn nə sìi da ǹ sii mɛn tumaa zɛnaa Izirayeli gána nɛ, wɔsɛn tá re dɔlɔ boe ǹ ganaa, a kɔnpɛ ka ǹ zɛnaa ǹ sii ni.»

Sii yɔrɔ-bɔlen 20:5

Gibeya kiwi minin lɛn nə́ yoo ma gialaa. Ma goã kion mɛn nɛ, ǹ nə́ daa bɛ lɛnpɛnɛ tèlò-n, ǹ nə́ giɛ li, ǹ tá ma dii. Ǹ nə́ bɔ maa a lɔ lɛ yii ni yǎa á gã.

Sii yɔrɔ-bɔlen 20:6

Bɛ lɛ n ke, má maa lɔ lɛ gere saa, má kukuru kɔn, má dia Izirayeli minin lɛn bǎã tumaa nɛ. A giala, sii bɔbɔnɛɛ laanka sìi da ǹ sii n ke, ǹ nə́ zɛnaa Izirayeli gána nɛ.