Lawa a wúlu-bɔlen 18:21 - LAWA A BOO SONBORE 2011

²¹ Min kɔn baran toa a na a nɛ kɔ, ǹ wúlu bɔ nɛ dì Molɛki kɛ ganaa wa. Min kɔn baran toa a Lawa tɔ ziziɛ̃ wa. Masɛ din ni Dɛnaa Lawa lɛa.

LAWA A BOO SONBORE

²¹ Min kɔn baran toa a na a nɛ kɔ, ǹ wúlu bɔ nɛ dì Molɛki kɛ ganaa wa. Min kɔn baran toa a Lawa tɔ ziziɛ̃ wa. Masɛ din ni Dɛnaa Lawa lɛa.

Lawa a wúlu-bɔlen 18:21 ပူးပေါင်းရင်းမြစ်များ

Kiin1 11:33

Man die bɛ zɛnɛɛ, a giala Izirayeli minin lɛn nə́ ma toa walan, ǹ nə́ Sidɔn minin dì Asitartee guguru kɔ, ka Moabu minin dì Kemɔɔsi laanka Amɔn tɔrɔn dì Molɛki kɛ nɛ. Ka bɛ dɔ nɛ, ma zii mɛn nyaa ǹ nɛ, ǹ kɔ bɛ lɛ wa, sii mɛn bɛ́ pepere masɛ gɔn ǹ bɛ zɛnaa wa. Landa boon laanka sii yɔrɔ bɔ ǹ boon mɛnɛn bɛ́ má kɔ ǹ la, ǹ kɔ bɛn lɛ ka Salomɔn ǹ di Davida wɔ bɛ́ lɔn wa.

Kiin1 11:7

Bɛ lɛ n ke, kele mɛn bɛ́ Zeruzalɛmu yɔrɔ-a, Salomɔn guguru kɔ ǹ bǎã dɔ walan, Moabu tɔrɔn dì bɔbɔnɛɛ Kemɔɔsi wɔ lɛa. Á kɔsɔ dɔ dɔ, Amɔn tɔrɔn dì bɔbɔnɛɛ Molɛki wɔ lɛa.

Kiin2 16:3

Sɛnɛ a na á Izirayeli kiin tɔ wɔ ǹ gɔn saa. Á wúlu din bɔ ka a nɛgiĩ ni. Dɛnaa Lawa goã á gánan mɛnɛn minin loo á ǹ bɔ ǹ bǎãn nɛ Izirayeli nɛnyaanan lɛn nyɛɛnɛ, bɛn bɛ́ sii bɔbɔnɛɛn mɛnɛn zɛnɛɛ Ahaazi dɔ n koe bɛn lɛn lɛ.

Kiin2 17:31

Abaa minin man nə́ dì Nebazi nyín zɛnaa, ka dì Tartaaki nyín ni, Sefaravayimu minin man nə́ goã tɔn nə ǹ nɛgiĩn tiɛ̃ wúlu mànan lɛa Sefaravayimu kiwi a dìn kɛn ganaa, Adramelɛki laanka Anamelɛki ni.

Kiin2 21:6

A ná a nɛgiĩ baa wúlu màn-tiɛ̃ lɛa. Á boobaa ǹ dí nya, á kɔ́lɔn-baa ǹ siin zɛnaa, wɔ kũ ǹ siin ni ka nyín bíi ǹ dí ni. Siin mɛnɛn bɛ́ baraa Dɛnaa Lawa yii li, Manaasee na á bɛn lɛn dinin zɛnaa á la yii ni, á Dɛnaa Lawa foo yoo.

Kiin2 23:10

*Wúlu màn tã ǹ bǎã mɛn goã Tofɛti, Bɛn-Inɔmu a nyankɔrɔ lɛ kɛ nɛ, kii lɛ bɛ dɔ soɛ̃ yiɛ, màn mɛn bɛ́ toɛ, min kɔn baran a nɛginin hinlaa a nɛlɔ tã wúlu màn lɛa, dì Molɛki wɔ lɛa wa.

KZS2 28:3

A n màn gìĩ kɔɔ̃n koe Inɔn a nyankɔrɔ basa kɛ nɛ, a na a nɛnyaanan tiɛ̃ *wúlu màn lɛa ka tɔrɔn kɛn wɔ bɛ́ lɔn, sii bɔbɔnɛɛn zɛnɛɛ, Dɛnaa Lawa nə́ ǹ loo á ǹ bǎã kɔ Izirayeli minin la.

Zeremii 19:5

Ǹ nə́ *wúlu bɔ ǹ bǎã dɔ dì *Baali wɔ lɛa. Maǹ nə ǹ nɛnyaanan tiɛ̃ wúlu màn lɛa walan. A da yaa, ma bɛa zii kɔ ǹ la wa, a taasiɛ dɔ bin da ma yiri-n wa.»

Zeremii 32:35

Inɔn nyankɔrɔ basa nɛ, ǹ nə́ *wúlu bɔ ǹ bǎã dɔ dì Baali wɔ lɛa. Ǹ nə́ ǹ nɛgiĩn laanka ǹ nɛlɔn tã *wúlu màn lɛa dì Molɛki ganaa. A da yaa ma bɛa nɔ̀n da ǹ la wa, a taasiɛ din da ma yiri-n wa. Bɛa sii bɔbɔnɛɛn lɛn zɛnaa Zudaa minin dɔn kaa sii baraa zɛnaa nɛ.

Zeremii 7:31

Inɔn a nyankɔrɔ basa kɛ nɛ, ǹ nə́ *wúlu bɔ ǹ bǎã koa walan a tɔ n Tofɛti. Maǹ nə ǹ nɛgiĩn laanka ǹ nɛlɔn tiɛ̃ wúlu màn lɛa walan. A da yaa, ma bɛa zii kɔ min kɔn la wa. Ma bin nə n taasɛ ka bɛ n duduu wa.

Ezekieli 20:26

Má toa ǹ nə́ gɔ̀ da ǹ dinin ganaa ka ǹ wúlu mànan kɛn nɛ, ǹ nə́ wúlu bɔ ka ǹ nɛgiĩ bibinaa tumaa nɛ. Man má toa ǹ nə́ bɛa sii bɔbɔnɛɛ kɛ lɛ zɛnaa ǹ dinin manɛ, màn mɛn bɛ́ toɛ ǹ dɔ̃, mà ma din nə Dɛnaa Lawa lɛa.»

Ezekieli 20:31

A da kaa pelo lɛ, ka n ká gɔ̀ da ka dinin ganaa ka kaa dìn kɛn lɛn tumaa nɛ. Ka nə ǹ goe ka mànan nɛ, ka n kaa nɛnyaanan tiɛ̃ *wúlu màn lɛa. Izirayeli tɔrɔn lɛn, man ka toɛ bɛ lɛ zɛnɛɛ kəni, ma wusoo ma lɛ kɔ ka nɔ̀n da ma la ka sii ni? Bɛ̀ ma toa ka nɔ̀n da ma la ka sii ni, ma din Lawa yiikoonaa kɛ bie wa. Ma din Dɛnaa Lawa a da ǹ boo ne.

Ezekieli 23:37

A giala, maǹ nə́ naarɛbaa zɛnaa, ǹ nə́ gɛ̀ dɛ. Ǹ dìn guguru kɔ kɛ lɛ n naarɛbaa lɛa ǹ nə́ zɛnaa. Ǹ nɛnyaanan mɛnɛn yɛ maa wɔn lɛa, ǹ nə́ wúlu bɔ ka bɛn dɔn dinin ni dìn lɛn ganaa.

Lawa a wúlu-bɔlen 19:12

Ka baran n liɛ soɛ la ka masɛ tɔ-n wa. Bɛ̀ ka bɛ zɛnaa, ka n die ka dinin Lawa tɔ kɛ biɛ màn kooro lɛa. Ma din Dɛnaa Lawa n má pɛ.

Lawa a wúlu-bɔlen 21:6

Ǹ doamaa nɛ ǹ nə n dinin kɔ maa dí la, ǹ nə n nyɛnaa ma tɔ kɛ a ziziɛ̃ nɛ. Ǹ dinin lɛn man Dɛnaa Lawa a wúlu mànan koe la. Bɛ nə ǹ Lawa lɛ a màn-bii lɛa. Bɛ lɛ taman yii, ǹ doamaa nɛ ǹ goã *yoreene.

Lawa a wúlu-bɔlen 22:2

A pɛ Aarɔn laanka a nɛgiĩn lɛn manɛ: Izirayeli minin lɛn bɛ́ re die masɛ guguru koe ka *wúlu màn sonboren mɛnɛn nɛ, mà ǹ nə n bɔ bɛn wɔlɔ li, màn mɛn bɛ́ toɛ, ǹ baran masɛ tɔ sonbore kɛ ziziɛ̃ wa. Ma din ni Dɛnaa Lawa lɛa.

Lawa a wúlu-bɔlen 22:32

Ka nyan toa ka masɛ tɔ sonbore kɛ ziziɛ̃ wa. Man giɛ li, ka dinin Izirayeli minin lɛn nə masɛ a Lawabaa kɛ dɔ̃. Masɛ Dɛnaa Lawa din ni má ka bɔ, má ka baa ma din a minin lɛa.

Lawa a wúlu-bɔlen 24:15

N die n kɛ pɛ Izirayeli minin lɛn manɛ: Bɛ̀ min mɛn sɔ kɔ a Lawa ganaa, mà ǹ dɛnaa din doamaa nɛ, a n toɛ̃ ka a sii baraa a guĩ ni.

Amɔɔsi 2:7

Ǹ bɛ́ giɛ sii mɛn li, bɛ n ka kɛ nɛ: maǹ sìi diɛ doobaa ganaa. Maǹ mɛnɛɛ nɔmaa-wɔle la. Nɛ laanka ǹ di n paɛ̃ nɛniɛ goon ganaa, maǹ bɛa sii lɛ zɛnɛɛ, ǹ nə́ ma tɔ sonbore kɛ ziziɛ̃ nɛ.

Amɔɔsi 5:26

Ka wo kaa kii ka kaa lawa Sukuti li, kɔnlɛ ka kaa leere Kiyunu kɛ nɛ kaa lawa lɛa, ka dinin nə lawan lɛn mɛnɛn zɛnaa.

Misee 6:7

Dɛnaa Lawa n giɛ sère gɔ̀lɔ̀ duu damata li wúlu màn lɛa? Hinlaa a n giɛ nyɔɔ gigiã li? Ma doamaa-n ma maa nɛgiĩ bibinaa kɔ, maa bɔlɔ-tii kɛa lɛa? Ma doamaa-n ma maa yɛ ǹ nɛ kɔ, maa sii baraan kɛn lɛa?

Malakii 1:12

Sɛnɛ kasɛn, ka n ma tɔ kuĩ ka n taasɛ ka yiri ni mà maa wúlu bɔ ǹ bǎã lɛ a gɔgɔrɛ mà ǹ tá boe la ǹ da màn tɔrɔ tumaa kɔ ma la.

Nya ǹ dín 7:43

Táa ka n ká dì Mɔlɔki kɛa da ǹ mɔnaa kion gũ, dì Refan kɛ dɔ ka leere bɛ́ lɔn, ka bɛ dɔ nyín gũ. Ka ǹ ká bɛa màn nyínin kɛn lɛn zɛnaa ka tá ǹ guguru koe. Bɛ lɛ taman yii ni, ma á re toɛ ǹ ka goa, ǹ wo ka-n sɔsɔɔ *Baabilonii kiwi kɛ kio.»

Rɔmu minin 1:23

Lawa mɛn bɛ́ a nyɛɛ duduu wa, ǹ bɛ guguru kɔ wa. Maǹ nə́ goã màn gã wolen nyínin guguru koe, minbuiinin ni, bàanan nɛ, tɔɔ gòã siidɛnan nɛ, ka màn nɔ̀ giɛraa tán wolen ne.

Rɔmu minin 2:24

Sonbore, a kiɛ̃maa tá Lawa a boo-n kɛnɛn: «Ka dinin kɛn lɛn lɛa nɛ, tɔrɔ kɔsɔn tá Lawa tɔ ziziɛ̃.»

Timəə dí-pɛn 12:31

Ka nyan nə ǹ wɔ kɛ tɔrɔ zɛnaa, kaa Lawa, Dɛnaa Lawa lɛ-n wa. A giala, sii mɛn tumaa bɛ́ sii bɔbɔnɛɛ lɛa Dɛnaa Lawa yii li, a ná a ba li wa, maǹ nə́ bɛ zɛnaa ǹ dìn lɛn manɛ. Minin dinin nə́ ǹ nɛgiĩn laanka ǹ nɛlɔn kɔ dìn lɛn la, ǹ nə́ ǹ tã.

Timəə dí-pɛn 18:10

Min nyan yɛ ka bii, á n wúlu boe ka a nɛgiĩ hinlaa ka a nɛlɔ-n wa. Min nyan yɛ ka bii, a n wɔ-kũlibaa ǹ dí hinlaa boobaa ǹ dí nyɛɛ wa. A nyan yɛ ka bii min lɛa giɛ siin ganaa a ná a giala pii, hinlaa kɔnkoã lɛa wa.