Lawa a wúlu-bɔlen 17:4 - LAWA A BOO SONBORE 2011

⁴ Sɛnɛ, bɛ̀ a da ka tɔɔ lɛ nɛ, kɔn yɛ ǹ kion kɛa kiɛnlɛ-a bɔrɔ, á kɔ Dɛnaa Lawa la a gɔ ǹ *wúlu màn lɛa, a giã ǹ bǎã kɛ yɔrɔ-a wa, a mà mɛn kaa, bɛa dɔlɔ á re n boe a ganaa. Bɛa dɛnaa kɛ lɛ, ǹ loo ǹ bɔ Izirayeli minin bii.

LAWA A BOO SONBORE

⁴ Sɛnɛ, bɛ̀ a da ka tɔɔ lɛ nɛ, kɔn yɛ ǹ kion kɛa kiɛnlɛ-a bɔrɔ, á kɔ Dɛnaa Lawa la a gɔ ǹ *wúlu màn lɛa, a giã ǹ bǎã kɛ yɔrɔ-a wa, a mà mɛn kaa, bɛa dɔlɔ á re n boe a ganaa. Bɛa dɛnaa kɛ lɛ, ǹ loo ǹ bɔ Izirayeli minin bii.

Lawa a wúlu-bɔlen 17:4 ပူးပေါင်းရင်းမြစ်များ

Siin Giala 17:14

Sɛnɛ, giĩ *soroma, mɛn bɛ́ a soromabaa nə n bɔ á n bɔ a ganaa wa, ka doamaa nɛ, ka bɛ loo ka bɔ masɛ a minin bii. A giala, bɛa dɛnaa na á masɛ a lɛ kɔ kɔn la lɛ ziziɛ̃.»

Loen 32:2

Dɛnaa Lawa bɛ́ a ba min mɛn kuĩ a sii baraa li wa, min mɛn bɛ́ a ba sii duri a gɔ́ɔ̃-n wa, bɛa dɛnaa wɔ na á bǐɛ̃ kɔ.

Bɔ bɛ̀rɛbaa nɛ 12:15

Dɛnaa pɛ: «Lɛawaa sɔbaa gɔ́ɔ̃ nɛ, ka buuru sɔ̃ yɔ bù ná a ba li wa. A lɛawaa bibinaa pinaa gɔrɔ, ka yɔ bù tumaa goa ka bɔ kaa kionən ne. Min mɛn bɛ́ re yɔ bù buuru we a lɛ-n, lɛawaa bibinaa pinaa lɛ-n gɔrɔ a wo a sɔbaabaa ǹ wɔ yaa, bɛa dɛnaa á re n boe, a n bɔ Izirayeli nɛnyaanan li.

Bɔ bɛ̀rɛbaa nɛ 12:19

Lɛawaa sɔbaa lɛ gɔ́ɔ̃ nɛ, yɔ bù baran yɛ kaa kionən ne wa. Min mɛn bɛ́ re buuru yɔ bùdɛnaa soɛ̃, ta tii ni, hinlaa kɛnaa nɛ, bɛ á re n boe, a n bɔ Izirayeli nɛnyaan zaman lɛ li.

Bɔ bɛ̀rɛbaa nɛ 30:33

Min mɛn bɛ́ re nyɔɔ kɛ lɛ a zɛnaa lɛn zoɛ̃, a lɔ min kooro ganaa, ǹ tá re bɛa dɛnaa boe, ǹ bɔ ǹ dɔɔ̃nɔn bii.»

Bɔ bɛ̀rɛbaa nɛ 30:38

Min mɛn bɛ́ re ǹ miã tɔrɔ zɛnaa lɛn zoɛ̃ a din wɔ lɛa, a na a gìĩ kɔ, ka tá re bɛa dɛnaa boe, ka bɔ ǹ dɔɔ̃nɔn bii.»

Izayii 66:3

A da yaa, wúlu mànan wɔ paǹ li, minin man diin dii, ǹ wusoo doo ǹ minbuiin nɛn dɛ. Maǹ sèren bɔlɔ kuri, bɛ̀ ǹ tá ginin dɔn dii. Maǹ die ka Lawa gɔ ǹ màn nɛ bɛ̀ ǹ tá biriin mà kiɛ tán. Maǹ da yon gìĩ kɔɔ̃n tiɛ̃ maa wɔ lɛa, bɛ̀ ǹ tá dìn dɔn guguru koe. Maǹ nə ǹ dinin foo siin zɛnɛɛ, sii bɔbɔnɛɛ n kɔɔ̃nɛ ǹ ganaa.

Ezekieli 20:40

A giala, ka Izirayeli tɔrɔn lɛn tumaa, ka mɛnɛn tumaa bɛ́ re giɛ̃ gána lɛ nɛ, ka n die ma guguru koe maa kele kɛ la, Izirayeli a kele sasa kɛ la. Man die n diɛ ka lɛ walan sɔnbɔraanɛ. Ka bɛ́ re mànan mɛnɛn tumaa boe, wúlu màn sonboren lɛa ka kɔ ma la, ma á re lɛ koe bɛn ganaa walan. Ma din Dɛnaa Lawa a da ǹ boo ne.

Lawa a wúlu-bɔlen 1:3

Bɛ̀ tɔɔ gole ne, a n die biɛ *wúlu màn tiɛ̃ lɛa, a doamaa nɛ a da ka dii gɔ̀lɔ̀ nɛ, wɔ̀lɔ ná a ba a ganaa wa. A doamaa nɛ a da nɛ kɔn yɛ ka Lawa nɛ ǹ kion lɛ a kiɛnlɛ-a, Dɛnaa Lawa tɔn lɛ kɔ, bɛa dɛnaa golee a yɔrɔ-a.

Lawa a wúlu-bɔlen 17:10

Min woo min, á n Izirayeli tɔrɔ lɛa, hinlaa á n gùli lɛa giã nɛ ǹ bii, bɛ̀ ǹ mɛn màn mà wɔ a lɛ-n, masɛ á die n bɔyɛɛ man yɔrɔ da bɛa dɛnaa la, ma loo ma bɔ Izirayeli tɔrɔn bii.

Lawa a wúlu-bɔlen 17:14

A giala, bɛ̀ màn yii á koo ǹ mɛn waáraa, a yiikoonaabaa lɛ n ka a mà nɛ. Bɛ lɛ n ke má pɛ Izirayeli minin lɛn manɛ, máa ǹ nyan toa ǹ màn kɔn a mà wɔ ǹ lɛ-n wa. A giala, màn din tumaa a yiikoonaabaa, a mà nɛ. Bɛ̀ min mɛn wɔ a lɛ-n, ǹ doamaa nɛ ǹ bɛa dɛnaa loo.

Lawa a wúlu-bɔlen 17:3

Bɛ̀ Izirayeli min lɛ mɛn tá dii dii, ta sère ne hinlaa bòe ne, á boe la a dɛ ǹ giã ǹ bǎã kɛ nɛ, hinlaa, ǹ giã ǹ bǎã lɛ kio dinin.

Lawa a wúlu-bɔlen 17:5

Bɛ á die toɛ Izirayeli minin lɛn ba re woe ka ǹ tɔɔn nɛ don, mà maǹ biɛ wúlu màn lɛa wa. Ǹ tá re die ǹ koe Lawa a wúlu-bɔle la, Dɛnaa Lawa wɔ lɛa, kɔn yɛ ǹ kion kɛa kiɛnlɛ-a. Ǹ tá re wúlu boe ǹ ne Dɛnaa Lawa wɔ lɛa, barka da Dɛnaa Lawa nɛ ǹ wúlu mànan lɛa.

Lawa a wúlu-bɔlen 17:9

bɛ̀ ǹ dɛnaa da nɛ kɔn yɛ ǹ kion kɛa kiɛnlɛ-a á wúlu bɔ nɛ Dɛnaa Lawa wɔ lɛa wa, ǹ bɛa min lɛ loo ǹ bɔ Izirayeli tɔrɔn bii.

Lawa a wúlu-bɔlen 18:29

Sɛnɛ, bɛ̀ min mɛn bɛa sii bɔbɔnɛɛ kɛ lɛ mɛn goon zɛnaa, ka ǹ dɛnaa loo, ka bɔ Izirayeli tɔrɔn bii.

Lawa a wúlu-bɔlen 20:16

Bɛ̀ lɔ mɛn nə́ n mɔrɔ tɔɔ ganaa á giã kun ni, ǹ lɔ lɛ laanka tɔɔ lɛ dɛ. Ǹ nə ǹ dɛ, ǹ gɛ̀ lɛ a dɔlɔ nə ǹ dinin mìi ni.

Lawa a wúlu-bɔlen 20:18

Bɛ̀ giĩ mɛn giã kun ka lɔ nɛ, lɔ lɛ a mui dɔ ná a ganaa, bɛ̀ lɔ lɛ dɔ́ lɛ kɔ á n din kɔ la, giĩ lɛ ná a lɛawaa yɛ a ganaa, ǹ nə ǹ dinin paanan dɛ, ǹ bɔ Izirayeli tɔrɔn bii.

Lawa a wúlu-bɔlen 20:3

Masɛ dinmaa n die n bɔyɛɛ, man yɔrɔ da bɛa dɛnaa kɛ lɛ la, ma bɔ ma bɔ Izirayeli tɔrɔn bii. A giala, a ná a nɛ kɔ Molɛki la. Bɛ̀ min mɛn dɔ́ bɛ zɛnaa, ǹ dɛnaa na á maa kion sonbore kɛ gɔgɔrɛ kɔ, á ma tɔ sonbore kɛ ziziɛ̃.

Lawa a wúlu-bɔlen 3:2

Ǹ dɛnaa nə n gɔn da bɛa tɔɔ lɛ mìi ni, a tɔn na a bɔlɔ kuru kɔn yɛ ka Lawa nɛ ǹ kion lɛ a kiɛnlɛ-a. Bɛa biikoo li, Aarɔn a nɛgiĩn wúlu-bɔlen kɛn na a mà si, ǹ pɛpɛsɛ̃ *wúlu bɔ ǹ bǎã lɛ wàãn tumaa ganaa.

Lawa a wúlu-bɔlen 7:18

A lɛawaa sɔɔbaa ǹ wɔ pinaa, bɛ̀ ǹ dɛnaa nə́ n tã la, á ná a barka da Lawa nɛ ǹ wúlu màn lɛ a siĩ sɔ̃, Lawa ba a lɛ sii doo wa. Bɛa dɛnaa a wúlu màn na á ziziɛ̃. Bɛ̀ min mɛn dɔ́ bɛa siĩ lɛ sɔ̃, bɛa dɛnaa a sii baraa a dɔlɔ na a din mìi ni.

Zaã a sɛ́wɔ 10:7

Yezu wusoo á pɛ doo: «Man taãn pii ka nɛ, masɛ n sèren kiɛnlɛ lɛa.

Zaã a sɛ́wɔ 10:9

Masɛ n kiɛnlɛ lɛa. Bɛ̀ min mɛn nə́ bɔ ka masɛ nɛ á tɔ́n wɔ kion, ka sèren bɛ́ boe ka kiɛnlɛ-n lɔn bɛ̀ ǹ tɔn wɔ kion, bɛa dɛnaa á die kirisibiɛ. Á die we bɛ̀ a soo, á die a too ǹ màn-bii dɔ yii.

Zaã a sɛ́wɔ 14:6

Yezu pɛ nɛ: «Masɛ din nə zii lɛa, sonbore lɛa, yiikoonaabaa lɛa. Min kɔ́n ba woe Díi Lawa li, bɛ̀ a ná a kɔ masɛ lɛ wa.

Rɔmu minin 4:6

Bɛ̀ Lawa lɛ kɔ min ganaa, a da yaa ǹ dɛnaa bie á dí nya, á bɛa lɛ-kɔmaganaa kɛ lɛ yɛ wa, barka dɛnaa ǹ ka bɛ nɛ. Kii Davida bɛ́ bɛa barka dama-a kɛ lɛ boo diɛ, á pɛ:

Rɔmu minin 5:13

Lawa laan mà a na a dí-pɛn koe, bɛ̀ sii baraa tá kanaa. Sɛnɛ, Lawa bɛ́ a tɔn na a dí-pɛn kɔ wa, Lawa goã sii baraa diɛ sii li wa.

Rɔmu minin 5:20

Dí-pɛn man nə́ daa, màn mɛn bɛ́ toɛ, sii baraa mɔnaa. Sɛnɛ, sii baraa bɛ́ á mɔnaa bǎã mɛn nɛ, Lawa a bǐɛ̃baa mɔnaa walan á la yii ni.

Timəə dí-pɛn 21:8

E! Dɛnaa Lawa, Izirayeli minin kɛn lɛn, n nə́ ǹ si n nə́ ǹ kaa, ǹ sii baraa toa ǹ nɛ. N nyan zɛ̀rɛbaãnaa kɛa gɛ̀ a dɔlɔ bɔ Izirayeli ganaa wa.» Bɛ̀ bɛ nə́ n zɛnaa, Lawa á die ǹ sii baraa toɛ ǹ nɛ.