Lawa a wúlu-bɔlen 16:4 - LAWA A BOO SONBORE 2011

⁴ Dɔnkɛ mɛn bɛ́ ǹ nə́ zɛnaa ka mɔnaa guguru sonbore ne, Lawa a dí nya ǹ wɔ lɛa, a bɛ wɔ, a mɔnaa guguru sonbore bɛ̀rɛ̀ wɔ, a n binbin yii ka a maabɛlɛ nɛ, a na a mɔnaa gɔn yii a mìi ganaa. Lawa a dí nya ǹ mɔnaan manɛ. Bɛ lɛ taman yii, a n zoo, a tɔn nə ǹ wɔ.

LAWA A BOO SONBORE

⁴ Dɔnkɛ mɛn bɛ́ ǹ nə́ zɛnaa ka mɔnaa guguru sonbore ne, Lawa a dí nya ǹ wɔ lɛa, a bɛ wɔ, a mɔnaa guguru sonbore bɛ̀rɛ̀ wɔ, a n binbin yii ka a maabɛlɛ nɛ, a na a mɔnaa gɔn yii a mìi ganaa. Lawa a dí nya ǹ mɔnaan manɛ. Bɛ lɛ taman yii, a n zoo, a tɔn nə ǹ wɔ.

Lawa a wúlu-bɔlen 16:4 ပူးပေါင်းရင်းမြစ်များ

Bɔ bɛ̀rɛbaa nɛ 28:2

Mɔnaa sonboren zɛnaa ǹ gologiĩ Aarɔn wɔ lɛa, gugurubaa laanka zín sii lɛa.

Bɔ bɛ̀rɛbaa nɛ 29:4

N da Aarɔn laanka a nɛgiĩn lɛn nɛ, kɔn yɛ ka Lawa nɛ ǹ Kion lɛ a kiɛnlɛ-a, n nə ǹ zoo mu li.

Bɔ bɛ̀rɛbaa nɛ 30:20

Bɛ̀ ǹ tá re we kɔn yɛ ǹ kion lɛ nɛ, ǹ tá re n zoe ka mu lɛ nɛ, ń giɛ ǹ baran gã wa. Hinlaa bɛ̀ ǹ tá re n mɔrɛ wúlu bɔ ǹ bǎã lɛ ganaa, ǹ nə́ die wúlu màn koe masɛ Dɛnaa la,

Bɔ bɛ̀rɛbaa nɛ 40:12

Ń die n da ka Aarɔn nɛ, ka a nɛgiĩn ni kɔn yɛ ǹ kion lɛ a kiɛnlɛ-a, n nə ǹ zoo mu lɛ li.

Izayii 53:2

Dɛnaa Lawa yɔrɔ-a, a dí-nyali gole kɔ ka da ten bɛ́ lɔn, ka da gòon bɛ́ lɔn soe tán gere la. Siĩnbaa a paǹ ba a ganaa màn mɛn bɛ́ toɛ yii bɔ li wa. A gama-a sii a min kuĩ wa.

Ezekieli 44:19

Bɛ̀ ǹ nə́ nya ǹ nə́ soe die zaman lɛ li sɔmɔ gɔ́ɔ̃ nɛ, ǹ dí nya ka mɔnaan mɛnɛn lɛn nɛ, ǹ bɛn waa ǹ nə ǹ kaa tán kion nɛn lɛn gɔ́ɔ̃ nɛ, ǹ dɔnkɛn kɔsɔn goa, ǹ nə ǹ wɔ. Ǹ zɛnaa miɛ̃ màn mɛn bɛ́ toɛ ǹ baran sii saa ǹ zaman lɛ gɔ nɛ, ka ǹ wɔ ǹ mɔnaan kɛn nɛ wa.

Ezekieli 9:2

Má tɔ́n giĩ sɔrɔ yɛ ǹ nə́ soo Lawa a kion gɔ́ɔ̃ li a kiɛnlɛ kɛ nɛ, ǹ mɛn lɛ yɔrɔ bɛ́ dia-n gɔsɛ a lɛ̀gɔn la. Didie a basaã kɔ ǹ màn na á goã a gɔn. Giĩ goon ná a goã ǹ bii ka mɔnaa gole ná a ganaa, sɛ́wɔ-kiɛ̃lin sɛ́wɔ kiɛ̃ ǹ màn kɛ n lɔɔ nɛ a maabɛlɛ ganaa. *Wúlu bɔ ǹ bǎã ke zan lɛa, ǹ nə́ daa, ǹ nə́ golee bɛ genli.

Lawa a wúlu-bɔlen 16:23

Aarɔn wɔ ka mɔnaa guguru sonboren mɛnɛn nɛ bǎã sonbore sonbore lɛ nɛ, a ǹ sɔlɔ, a ǹ kaa tán walan.

Lawa a wúlu-bɔlen 16:24

Ǹ bǎã mɛn bɔ ǹ nə́ koa Lawa wɔ lɛa, a n zoo walan, a tɔn na a mɔnaan lɛn goa a ǹ wɔ. Bɛ kio, a soo kəni, a na a din laanka zaman lɛ a wúlu màn tiɛ̃ dɛ, a sii baraa sawaa ǹ wúlu bɔ a din laanka zaman lɛ a lɛa.

Lawa a wúlu-bɔlen 16:32

Ǹ nyɔɔ kaa min mɛn mìi ni, ǹ nə́ bɔ ǹ nə́ koa Lawa a wúlu-bɔle lɛa, ǹ nə́ dí wɔ a gɔn, mà a nya ǹ dí bǎã nɛ, bɛ n sii baraa sawaa ǹ wúlu lɛ boe. Lawa a dí nya ǹ dɔnkɛn kɛn, ǹ nə́ ǹ zɛnaa ka mɔnaa guguru sonbore ne, a doamaa nɛ a bɛn wɔ.

Lawa a wúlu-bɔlen 6:10

A ba n zɛnɛɛ ka yɔ bù n li wa. Ǹ wɔ gii n ka bɛ lɛ nɛ, masɛ á koe ǹ la. A n boe wúlu mànan kɛn nɛ, bɛ̀ ǹ nə ǹ tã masɛ Dɛnaa Lawa wɔn lɛa. Bɛ na a gɔrɔn masɛ Dɛnaa Lawa wɔ lɛa, goon ka màn mɛn bɛ́ boe sii baraa sawaa ǹ wúlu màn hinlaa zɛ̀rɛ si ǹ wɔ kɛ nɛ, bɛ̀ a dɔ ǹ ganaa.

Lawa a wúlu-bɔlen 6:3

Baayɛlɛ, Lawa a wúlu-bɔle na a dí nya ǹ mɔnaa laanka bɛ̀rɛ̀ guguru sonbore kɛ wɔ. Á bɛn lɛn toa a ganaa, ǹ wúlu màn mɛn tã wúlu bɔ ǹ bǎã lɛ la, á ton baa, á bɛ goa á kaa tán wúlu bɔ ǹ bǎã lɛ genli.

Luku 1:35

Lon a dia dí-a wole lɛ tɔ́n na a lɛ si á pɛ: «Lawa a Yiri Fu n die gisĩ n la, Lon a Lawa gole n die a din pàã gisĩ n la. Bɛ lɛ taman yii, n bɛ́ die nɛ mɛn yii, maǹ die bíi "Lawa wɔ", ka bɛ dɔ-n doo "Lawa a Nɛgiĩ".

Filipi minin 2:7

Sɛnɛ, màn mɛn bɛ́ a gɔn, a na á n piã ka bɛ nɛ a din li, á bɛ̀rɛbaa ǹ gɔn saa. Á n baa ka minbuiinin bɛ́ lɔn, á daa ka minbuiinbaa ǹ gɔn nɛ.

Ebrəə 10:22

Bɛ lɛ tɔ ganaa, ka daa wɔ n mɔrɔ Lawa ganaa ka foo sonbore ne, ka golee Lawa li taãn-taãn nɛ, wɔ foo n yoreen ne, gɔ́ɔ̃gɔ́ɔ̃ ǹ zɛ̀rɛ kɔ́n ná a ba wɔ ganaa wa, wɔ́ gɔ̀nɔn dɔ n pii-n ka mu sonbore ne.

Ebrəə 2:14

Bɛa yɔrɔ kɛ la, mà laanka gɔ̀nɔn siĩ bɛ́ minin kɛn lɛn lon lɔn, a na á n zɛnaa Yezu dɔ-n miɛ̃, á daa yɛ a din minbuiin nɛbaa kɛ lɛ nɛ. Yezu na á bɛ lɛ zɛnaa, màn mɛn bɛ́ toɛ, a gɛ̀ barka nɛ, *Sɛtaan mɛn bɛ́ gɛ̀ a pàã ná a gɔn, a bɛ pàã ziziɛ̃,

Ebrəə 7:26

Wɔ laadoo bɛ́ wúlu-bɔlen kiã mɛn ganaa, bɛ n ka Yezu ni. A n siĩni; zɛ̀rɛ laanka sii baraa kɔ́n ba a ganaa wa. A sii kɔ́n dɔ ba kun ka sii baraa-zɛnaalin wɔ-n wa. Lawa saa lon a ná a gole kɔ, á la lon màn tumaa nɛ.