Lawa a wúlu-bɔlen 16:29 - LAWA A BOO SONBORE 2011

²⁹ Kɛ n landa lɛa, ka mìi-n miɛ̃ duduu, a ná a ba n bɔyɛɛ wa: mui sɔbaabaa ǹ wɔ a lɛawaa fùbaa ǹ wɔ pinaa, ka n lɛ sɔɔ, min baran dí kɔn dɔ nya bɛa pinaa wa. Ta gána lɛ a min ni, ta gùli ni giã nɛ ka bii.

LAWA A BOO SONBORE

²⁹ Kɛ n landa lɛa, ka mìi-n miɛ̃ duduu, a ná a ba n bɔyɛɛ wa: mui sɔbaabaa ǹ wɔ a lɛawaa fùbaa ǹ wɔ pinaa, ka n lɛ sɔɔ, min baran dí kɔn dɔ nya bɛa pinaa wa. Ta gána lɛ a min ni, ta gùli ni giã nɛ ka bii.

Lawa a wúlu-bɔlen 16:29 ပူးပေါင်းရင်းမြစ်များ

Kiin1 8:2

Izirayeli minin tumaa nə́ n lɛ sɔkɔn kii Salomɔn li, *Etaanimu mui ni, mui mɛn lɛ á ke lɛ̀ a mui a sɔbaabaa ǹ wɔ lɛa.

Ɛsidrasi 3:1

Lɛ̀ a mui sɔbaabaa ǹ wɔ daa á dɔ, Izirayeli nɛnyaanan lɛn nə́ goã ǹ kiwin ni. Zaman lɛ tumaa tɔ́n na a wɔ baa goon, ǹ nə́ n sɔkɔn Zeruzalɛmu.

Ɛsidrasi 8:21

Bɛa bǎã lɛ nɛ, Aawaa tà lɛ genli, má lɛ dia, máa wɔ n lɛ sɔɔ, wɔ n dinin gisĩ wɔa Lawa lɛ yɔrɔ-a, màn mɛn bɛ́ toɛ, a zii fore wɔ nɛ, a fore wɔa nɛnyaanan laanka wɔ gɔn mànan dɔn nɛ.

Loen 35:13

Sɛnɛ, ǹ bɛ́ ǹ ba lon wa, masɛ n má foo-ziziɛ̃ ǹ mɔnaa wɔ ma din-a. Má n lɛ sɔɔ, má n din gisĩ, má Lawa nyan kɛ kɔ, má kɔ, má kɔ.

Loen 69:10

Sonbore, ma bɛ́ n kion lɛ narɛ ka yɔrɔ mɛn nɛ, bɛ n ma kuĩ ka tɛ bɛ́ lɔn. Maǹ sɔ koe n ganaa, ǹ sɔ-kɔn kɛn lɛn man doe masɛ ganaa.

Bɔ bɛ̀rɛbaa nɛ 12:16

Lɛawaa bibinaa lɛ li, ka tá re n lɛ soekɔn ka Lawa guguru kɔ. A lɛawaa sɔbaabaa ǹ wɔ pinaa doo, ka wusoo ka zɛnaa miɛ̃. Bɛa lɛawaan kɛn lɛn li, min baran dí kɔ́n nya wa, yǎa kaa màn-bii dinsɔɔ̃, bɛ á boe la a n zɛnaa.

Bɔ bɛ̀rɛbaa nɛ 20:10

Sɛnɛ, lɛawaa sɔbaabaa ǹ wɔ pinaa ke, Dɛnaa lɛ, n Lawa lɛa, bɛa susu ǹ pii n ka bɛ nɛ. N din baran dí kɔ́n nya wa, n nɛnyaanan baran nya wa, a giĩdɛnan laanka a lɔdɛnan nɛ, n dí-nyalin ni, a giĩdɛnan laanka a lɔdɛnan nɛ, n tɔɔn baran nya wa, haalɛ gùli mɛn bɛ́ ka li.

Bɔ bɛ̀rɛbaa nɛ 30:10

Gunyin goon lɛ̀ goon gɔ́ɔ̃ nɛ, Aarɔn die a *gɔ̀ bɔ a ganaa, a na a yoreen kɔ. Bɛ̀ á tɔɔ mɛn dii sii baraan toa ǹ wúlu màn lɛa, a die a bɛ mà lɔ bǎã lɛ a bìbìn kɛn ganaa. Bɛa sii lɛ nə n zɛnaa lɛ̀ woo lɛ̀, yǎa duduu. Màn gìĩ kɔɔ̃n tã ǹ bǎã kɛ lɛ n die goɛ̃ masɛ wɔ lɛa, a n die goɛ̃ bǎã sonbore lɛa.»

Bɔ bɛ̀rɛbaa nɛ 31:14

Ka *susu ǹ pii tamaa, a giala, bɛa lɛawaa kɛ lɛ a ziziɛ̃ n soɛ̃ lɛa ka gɔn. Min mɛn bɛ́ re bɛ ziziɛ̃, ka tá re bɛa dɛnaa dii a gã. Sonbore, min mɛn bɛ́ re dí nyɛɛ bɛa pinaa kɛ nɛ, ka tá re ǹ dɛnaa dii ka bɔ ǹ dɔɔ̃nɔn bii.

Bɔ bɛ̀rɛbaa nɛ 31:15

Lɛawaa sɔrɔ gɔ́ɔ̃ nɛ, didie na a dí nya, sɛnɛ, lɛawaa sɔbaabaa ǹ wɔ kɛ n susu ǹ pii lɛa, a n koa-n a gɔrɔn Dɛnaa nɛ. Min mɛn bɛ́ re dí nyɛɛ susu ǹ pii pinaa, ǹ tá re ǹ dɛnaa dii a gã.

Izayii 58:13

Bɛ̀ n nə n piã n dí nya *susu ǹ pii pinaa wa, ma lɛawaa mɛn bɔ má koa maa wɔ lɛa, bɛ n dí nya li wa, bɛ̀ ń susu ǹ pii lɛ bíi "là nyantoro", bɛ̀ ń Dɛnaa Lawa a lɛawaa sonbore lɛ bíi "guguru kɔ ǹ lɛawaa" bɛ̀ n ná a guguru kɔ, ń dí kɔn nya li wa, bɛ̀ n pii kɔ li, n nə́ n din foo sii zɛnaa wa, bɛ̀ n liere kooro kɔ wa,

Izayii 58:3

Sɛnɛ, maǹ pii: Wɔ n siɛ lɔn wɔ n lɛ sɔɔ n yii ná a ba a ganaa wa. Wɔ n siɛ lɔn wɔ n dinin gisĩ n nə́ n ba n yiri koɛ li wa. Má ǹ lɛ si kɛnɛn kəni: Sɛnɛ, ta ka n lɛ sɔɔ ǹ mɛn pinaa, ka n ka dinin gɔn tɔ dí nyɛɛ, ka n kaa dí-nyalin kuĩ baraa!

Izayii 58:5

Ma bɛ́ lɛ soɛ mɛn narɛɛ, bɛ kɔnbɔ ka kɛ nɛ? Kasɛn din gisĩ ǹ gɔn nə ka kɛ-n ma yɔrɔ-a? Ka n mìi kuməə ka bùruu bɛ́ lɔn, ká gɛ̀ koa ǹ mɔnaa wɔ, ka n dinin tuturu tán tii li, ka n bɛ lɛ bíi "lɛ soɛ"? Bɛ n lɛawaa lɛa kɔɔ̃n Dɛnaa Lawa ganaa?

Danayeli sɛ́wɔ 10:12

Á wusoo á pɛ ma-n doo: «Danayeli, n baran nyɛ́ɛ baa wa. A giala, a saa a lɛawaa bibinaa pinaa ganaa, n nə́ n din gisĩ Lawa giulun, n giɛ li mà n boon kɛn lɛn giala ma, ǹ giala nə́ n ma. N boon kɛn lɛn man nə́ daa ka masɛ nɛ.

Danayeli sɛ́wɔ 10:3

Ma màn kɔɔ̃n kɔn bii wa, siĩ ni ka duvɛ̃ nɛ, bɛ kɔn wɔ ma lɛ-n wa, ma nyɔɔ gìĩ kɔɔ̃n dɔ lɔ ma ganaa wa, yǎa pii zii sɔɔ lɛ lɛ pã ka buri.

Lawa a wúlu-bɔlen 23:21

Bɛa pinaa kɛ lɛ nɛ, ka kɔn bii, ka n lɛ sɔkɔn, ka masɛ guguru kɔ. Ka bɛ́ dín mɛnɛn nyɛɛ babaraa, ka nyan toa ka bɛ kɔn nya bɛa pinaa wa. Bɛ lɛ n landa lɛa, ka mìi ni miɛ̃ duduu, ka tɔrɔn tumaa wɔ lɛa, a ba n bɔyɛɛ wa, ta ka n giã-n bǎã mɛn nɛ.

Lawa a wúlu-bɔlen 23:3

Lɛawaa sɔrɔ gɔ́ɔ̃ nɛ, ka kaa dín nya. Sɛnɛ, lɛawaa sɔbaabaa ǹ wɔ kɛ n *susu ǹ pii lɛa. Ka doamaa bie ka dí kɔn nya bɛa pinaa wa. Ka doamaa nɛ, ka n lɛ sɔkɔn, ka masɛ guguru kɔ. Ta ka n bǎã mɛn nɛ, ka susu ǹ pii pinaa lɛ koa, masɛ Dɛnaa Lawa wɔ lɛa.

Lawa a wúlu-bɔlen 23:36

Lɛawaa sɔbaa lɛ gɔ́ɔ̃ nɛ, ka wúlu mànan tã masɛ Dɛnaa Lawa wɔ lɛa babaraa. A lɛawaa kiwisibaa ǹ wɔ pinaa, ka n lɛ sɔkɔn ka masɛ guguru kɔ, ka wusoo ka wúlu mànan tã masɛ wɔ lɛa doo. Zɔ́n lɛ a nya pinaa n ka bɛ nɛ. Ka bɛ́ dín mɛnɛn nyɛɛ babaraa, ka nyan toa ka bɛ kɔn nya bɛa pinaa wa.

Lawa a wúlu-bɔlen 25:9

Mui sɔbaabaa ǹ wɔ a lɛawaa fùbaa ǹ wɔ pinaa, sii baraa sawaa ǹ lɛawaa gole kɛ a pinaa, ka bɛn pɛ gole gána lɛ din tumaa nɛ.

Lawa a wúlu-bɔlen 3:17

Tɔɔ nyɔɔ tumaa laanka a mà tumaa, ǹ nyan toa ǹ bɛ kɔn wɔ ǹ lɛ-n wa. Bɛ n landa lɛa. Ta maǹ giã-n bǎã mɛn nɛ, ǹ doamaa nɛ ǹ bɛ tamaa biikoo tumaa li.

Minin nimi 29:7

Lɛ̀ a mui sɔbaabaa ǹ wɔ kɛ a lɛawaa fùbaa ǹ wɔ pinaa, ka die ka n sɔkɔn ka Dɛnaa Lawa guguru kɔ, ka n lɛ sɔɔ, ka n ka a ǹ gɔn diɛ dí kaka kɔn ganaa wa.

Nya ǹ dín 27:9

Wɔ́ biikoo gigiã ziziɛ̃ walan, lɛ-sɔɔ kɛ dɔ́ kiɛ̃, mu-kurii a siĩn doo wa. Bɛ lɛ na á toa, Pooli nə́ n gɔn waa á pɛ:

Korɛnti1 11:31

Bɛ̀ wɔ́ n gɔ́ɔ̃ ti wɔ ga a ganaa, ǹ ba re kiri we wɔ ganaa wa.

Ebrəə 4:10

Min mɛn wɔ a susui lɛ nɛ, bɛ dɔ a dɛnaa nə n susui a dí a nya kio, ka Lawa din bɛ́ á n susu lɔn lɛawaa sɔbaabaa ǹ wɔ pinaa kɛ nɛ, a dí a nya kio.

Samayeli1 7:6

Ǹ nə́ n lɛ sɔkɔn Misipaa. Ǹ nə́ mu si ǹ nə́ tɔ tán Dɛnaa Lawa yɔrɔ-a, gɔ́ɔ̃ dɔn bii a sii a kɔnboe lɛa. Ǹ nə́ n lɛ sɔɔ bɛa pinaa kɛ lɛ nɛ, ǹ nə́ pɛ bɛa bǎã lɛ nɛ mà ǹsɛn nə́ sã, ǹ nə́ wɔ Dɛnaa Lawa lon! Samayeli na á goã Izirayeli minin lɛn nyɛɛnaan boe Misipaa.