Lawa a wúlu-bɔlen 16:20 - LAWA A BOO SONBORE 2011

²⁰ Bǎã sonbore sonbore kɛ nɛ, kɔn yɛ ǹ kion lɛ a paǹ gialakun ni, ka wúlu bɔ ǹ bǎã kɛ nɛ, bɛ̀ Aarɔn gɔ̀ bɔma-a ǹ landa zɛnaa bɛn lɛa á nya, a pɛ ǹ nɛ, mà ǹ da ka butumu yiikoonaa lɛ nɛ.

LAWA A BOO SONBORE

²⁰ Bǎã sonbore sonbore kɛ nɛ, kɔn yɛ ǹ kion lɛ a paǹ gialakun ni, ka wúlu bɔ ǹ bǎã kɛ nɛ, bɛ̀ Aarɔn gɔ̀ bɔma-a ǹ landa zɛnaa bɛn lɛa á nya, a pɛ ǹ nɛ, mà ǹ da ka butumu yiikoonaa lɛ nɛ.

Lawa a wúlu-bɔlen 16:20 ပူးပေါင်းရင်းမြစ်များ

Ezekieli 45:20

Bɛ̀ min mɛn sii baraa zɛnaa, sã lɛa a na a zɛnaa woon ma, hinlaa a na a dɔ̃ wa, mui lɛ a lɛawaa sɔbaabaa ǹ wɔ pinaa, ka zɛnaa miɛ̃ bɛ dɔ wɔ paǹ li. Bɛ̀ ka bɛ zɛnaa, ka á re gɔ̀ boe ka bɔ Lawa a kion lɛ dɔ ganaa.

Lawa a wúlu-bɔlen 16:16

A *gɔ̀ bɔma-a ǹ landa zɛnaa bǎã sonbore sonbore kɛ a lɛa, a Izirayeli minin Lawa bɔlɔ tii siin kɛn gɔ̀ bɔ a bɔ ǹ ganaa. Bɛ giala, mà ǹ siin baraan lɛn tumaa. Kɔn yɛ ka Lawa nɛ ǹ kion mɛn bɛ́ bɛa gɔ̀dɛnan kɛn lɛn bii, ǹ na a din sii goon lɛ zɛnaa bɛ dɔ a lɛa.

Lawa a wúlu-bɔlen 16:19

Bɛ kio, a n gòon sã mà lɛ li, a pɛsɛ̃ wúlu bɔ ǹ bǎã lɛ ganaa gunyin sɔbaa. Bɛ̀ á zɛnaa miɛ̃, á die Izirayeli minin gɔ̀dɛnaabaa ǹ siin kɛn pii a ǹ bɔ ǹ ganaa, a ǹ *yoreen kɔ.

Lawa a wúlu-bɔlen 16:21

Aarɔn nə n gɔnɔn paanan kaa butumu yiikoonaa lɛ mìi ni, a Izirayeli minin lɛn sii baraan tumaa pɛ a lalan, ǹ sã ǹ siin tumaa laanka ǹ Lawa bɔlɔ tii ǹ siin tumaa nɛ, á bɛn kaa butumu lɛ mìi ni. Bɛ kio, ǹ min bɔ a tɔ-a, bɛ loo a wo koa don.

Lawa a wúlu-bɔlen 8:15

Muizu tɔ́n na a bɔlɔ kuru, a ná a mà si. Á n gòon sã bɛa mà lɛ li, karan mɛnɛn tumaa bɛ́ wúlu bɔ ǹ bǎã lɛ gùrùn ganaa, á lɔ bɛn ganaa, a wúlu bɔ ǹ bǎã lɛ baa Lawa wɔ lɛa. Á mà lɛ a gialakun kaa tán wúlu bɔ ǹ bǎã lɛ genli màn mɛn bɛ́ toɛ a Lawa wɔ baa, ǹ boo la, ǹ sii baraa sawaa ǹ wúlu bɔ la.

Rɔmu minin 4:25

A na á toa Yezu lɛ gã, màn mɛn bɛ́ toɛ, a wɔa sii baraan tuturu. A na á ná a yii kaa á bɔ geren bii, màn mɛn bɛ́ toɛ, a wɔa zɛ̀rɛn nya, wɔ boo la, wɔ n baa min peperen lɛa a din yɔrɔ-a.

Rɔmu minin 8:34

Die n boe la kəni, a dɔlɔ da ǹ mìi ni? Min kɔ́n, a giala, Yezu Krita na á gã, ka bɛ dɔ nɛ a yii kaa, á giã-n Lawa gusin, á n Lawa nyankoe wɔ a lɛa.

Korɛnti2 5:19

A giala, Lawa n min tumaa kiɛ kun ka a din ni Krita pàã ganaa. A ba giɛ minbuiinin sã ǹ siin kɛn ganaa wa. A din na á minin kaa kun ka a din ni ǹ boo kɛ kɔ wɔsɛn la, mà wɔ pɛ.

Kolɔɔsi minin 1:20

á tán laanka lon mànan tumaa bii kɔɔ̃n kɔ kɔn ka a din ni, a Nɛgiĩ lɛ barka nɛ. Lawa a Nɛgiĩ mà lɛ, á kaa dere ǹ gɔn ganaa, bɛ na á daa ka là nyantoro ne.

Ebrəə 7:25

Bɛ lɛ taman yii ni, min mɛnɛn bɛ́ n mɔrɛ Lawa ganaa a din barka nɛ, á boe la, a bɛn kirisibaa yǎa a giala-nyɔmiɛ ganaa, a giala, a dinmaa lɛ yii n koo yǎa duduu, á n Lawa nyankoe ǹ lɛa.

Sii-nyaan 1:18

Ma din nə yiikoonaa lɛa. Má goã má gã, sɛnɛ, kanna man goɛ̃ ma yii n koo yǎa duduu. Gɛ̀ a lɛduə̃ ǹ pàã n masɛ din gɔn, ka geren piɛ tumaa wɔ nɛ.