Lawa a wúlu-bɔlen 16:17 - LAWA A BOO SONBORE 2011

¹⁷ Bɛ̀ Aarɔn tá we kɔn yɛ ǹ kion kɛ nɛ ǹ mɛn waáraa, a n woe sii baraa sawaa ǹ wúlu boe bǎã sonbore sonbore kɛ nɛ, min kɔn doamaa bie a goã walan wa, yǎa Aarɔn soe. A sii baraa sawaa ǹ wúlu bɔ a din a lɛa, a kion minin lɛa, Izirayeli zaman tumaa a lɛa.

LAWA A BOO SONBORE

¹⁷ Bɛ̀ Aarɔn tá we kɔn yɛ ǹ kion kɛ nɛ ǹ mɛn waáraa, a n woe sii baraa sawaa ǹ wúlu boe bǎã sonbore sonbore kɛ nɛ, min kɔn doamaa bie a goã walan wa, yǎa Aarɔn soe. A sii baraa sawaa ǹ wúlu bɔ a din a lɛa, a kion minin lɛa, Izirayeli zaman tumaa a lɛa.

Lawa a wúlu-bɔlen 16:17 ပူးပေါင်းရင်းမြစ်များ

KZS1 6:34

Aarɔn laanka a tɔrɔn sɛn man nə́ goã wúlu boe *wúlu màn tã ǹ bǎã la, ka da yon gìĩ kɔɔ̃n tã ǹ bǎã nɛ. Bǎã sonbore sonbore kɛ dɔ a sii tumaa na á goã ǹ dinin gɔn. Ka bɛ dɔ nɛ, maǹ nə́ goã sii baraa sawaa ǹ sii zɛnɛɛ Izirayeli minin wɔ paǹ li, á n kɔnpii ka gɔn waa ǹ boon kɛn tumaa nɛ, Lawa a dí-nyali Muizu nə́ ǹ kɔ.

Bɔ bɛ̀rɛbaa nɛ 34:3

Min kɔ́n baran dii kun ni wa, min dɔ din baran n din nyaa kele lɛ paǹ kɔ́n la wa. Tɔɔ kɔ́n, ta sère ne, ta bòe ne, ta dii ni, ǹ kɔ́n baran buu sɔ̃ kele lɛ yɔrɔ-a wa.»

Izayii 53:6

Wɔ tumaa n wɔ goã ka sère papaã wolen bɛ́ lɔn, didie n woe a din mìi gialaa, Dɛnaa Lawa wɔ tumaa a siɛ̃n da a mìi ni.

Danayeli sɛ́wɔ 9:24

Lɛ̀ sɔbaa wɔlɔ pɔsɔbaa nə́ n koa, n zaman laanka n kiwi sonbore kɛ wɔ lɛa. Màn mɛn bɛ́ toɛ, Lawa bɔlɔ tii ǹ siin kɛn nə nya, sii baraa zɛnaa lɛ nə n da, Lawa minin sãn toa ǹ nɛ. Peperebaa mɛn bɛ́ a nyɛɛ wa, bɛ á re die, sii-yɛ laanka Lawa a boo gii mɛn nə n da, bɛn lɛ á re piɛ̃, Lawa a kion sonbore kɛ á re wusii a na a wɔ baa.

Lawa a wúlu-bɔlen 16:16

A *gɔ̀ bɔma-a ǹ landa zɛnaa bǎã sonbore sonbore kɛ a lɛa, a Izirayeli minin Lawa bɔlɔ tii siin kɛn gɔ̀ bɔ a bɔ ǹ ganaa. Bɛ giala, mà ǹ siin baraan lɛn tumaa. Kɔn yɛ ka Lawa nɛ ǹ kion mɛn bɛ́ bɛa gɔ̀dɛnan kɛn lɛn bii, ǹ na a din sii goon lɛ zɛnaa bɛ dɔ a lɛa.

Lawa a wúlu-bɔlen 16:18

Wúlu bɔ ǹ bǎã mɛn lɛ á ke kɔn yɛ ka Dɛnaa Lawa nɛ ǹ kion lɛ yɔrɔ-a, a wusoo a da walan, a gɔ̀ bɔma-a ǹ landa zɛnaa bɛ dɔ a lɛa. A dii gɔ̀lɔ̀ lɛ laanka butumu lɛ mà saa, a kaa wúlu bɔ ǹ bǎã kɛ a bìbìn ganaa, a gùrùn ganaa.

Luku 1:10

A bɛ́ bɛa nyɔɔ gìĩ kɔɔ̃n kɛ lɛ tiɛ̃, zaman gole na á goã Lawa nyankoe kanaa.

Nya ǹ dín 4:12

Kirisibaa ba yii bǎã kɔn nɛ wa yǎa Yezu din ni. A giala, kanaa gɔ́ɔ̃ nɛ, bɛ̀ á n bɔ a din tɔ nɛ, Lawa tɔ kɔsɔ kɔ minbuiinin la, màn mɛn bɛ́ boe la a wɔ kirisibaa wa.

Timote1 2:5

A giala, Lawa goon toto na a tan, zɛlɛ goon toto dɔ na a tan Lawa laanka minbuiinin bii ni, minbuiin nɛ lɛa: Yezu *Krita nɛ.

Ebrəə 1:3

Bɛa Nɛgiĩ kɛ lɛ n Lawa a gugurubaa tɛ-pɛle kɛ nyɛɛ, a din nə Lawa a Lawabaa nyɛɛ taãn-taãnɛ. A din nə kanaa kɛ kuĩ á golee ne, ka a boo pàãdɛnaa kɛ barka nɛ. A bɛ́ á kanaa minin sii baraa pii á nya ǹ mɛn waáraa, á woo giã Lawa pàãdɛnaa gusin lon.

Ebrəə 9:7

Sɛnɛ, wúlu-bɔlen kiã kɛ dinsɔɔ̃ n we kion lɛ a gɔ́ɔ̃ paabaa ǹ wɔ kɛ nɛ, a n bɛ zɛnɛɛ gunyin goon dinsɔɔ̃ lɛ̀ goon gɔ́ɔ̃ nɛ. A doamaa nɛ a wɔ ka tɔɔ mà nɛ, a kɔ Lawa la *wúlu màn lɛa, a dinmaa a sã ǹ siin lɛa, ka zaman lɛ dɔ wɔn nɛ.

Piɛrɛ1 2:24

Krita na á n din kɔ, á wɔa sii baraan gũ gɔn ganaa, màn mɛn bɛ́ toɛ, wɔsɛn mɛnɛn dɔn bɛ́ ka geren bɛ́ lɔn kanna, sii baraan wɔ a paǹ li, wɔ boo la wɔ peperebaa ǹ dí nya. Asɛ a màbɔmaa busulɛn man nə́ wɔsɛn wɔn nya.

Piɛrɛ1 3:18

Sonbore, Krita dinmaa lɛ na á gã minbuiinin sii baraan lɛa, gunyin goon toto. Asɛ pepere lɛ gã, ka minbuiin bɛ́ lɔn, min pepere baãnaan lɛa, sɛnɛ, a yii wusoo á kaa á n bɔ geren bii ka Yiri Fu barka nɛ, màn mɛn bɛ́ toɛ, a ka nyaa Lawa nɛ.