Lawa a wúlu-bɔlen 15:13 - LAWA A BOO SONBORE 2011

¹³ Kii mu a da a din li ǹ busu mɛn goã giĩ lɛ ganaa, bɛ̀ á nya, a doamaa nɛ a n yii da lɛawaa sɔbaa, a gɔ̀ bɔma-a ǹ lɛawaa lɛa. Bɛ kio, a na a mɔnaan pii, a n zoo mu yoreen li, á die *yoreen koe.

LAWA A BOO SONBORE

¹³ Kii mu a da a din li ǹ busu mɛn goã giĩ lɛ ganaa, bɛ̀ á nya, a doamaa nɛ a n yii da lɛawaa sɔbaa, a gɔ̀ bɔma-a ǹ lɛawaa lɛa. Bɛ kio, a na a mɔnaan pii, a n zoo mu yoreen li, á die *yoreen koe.

Lawa a wúlu-bɔlen 15:13 ပူးပေါင်းရင်းမြစ်များ

Bɔ bɛ̀rɛbaa nɛ 29:35

A zɛnaa miɛ̃ Aarɔn laanka a nɛgiĩn lɛn manɛ, a kɔnpɛ ka boo kɛ lɛ din tumaa nɛ masɛ pɛ nɛ. Lɛawaa sɔbaa gɔ́ɔ̃ nɛ, Aarɔn laanka a nɛgiĩn lɛn koa kɛa siin zɛnaa.

Bɔ bɛ̀rɛbaa nɛ 29:37

Bɛ dɔ a siin zɛnaa doamaa nɛ, ǹ belebɔ yǎa lɛawaa sɔbaa. Bɛ tumaa kio kəni, wúlu bɔ ǹ bǎã lɛ á re goɛ̃ bǎã sonbore sonbore lɛa, min hinlaa màn mɛn bɛ́ re n loe a ganaa, bɛ á re soɛ̃ màn biɛ.

Zeremii 33:8

Ǹ sii baraa mɛn tumaa zɛnaa masɛ nɛ, ma á re ǹ *yoreen koe, ma ǹ sii baraan toa ǹ nɛ ka ǹ gòãn dii ǹ siin kɛn nɛ masɛ ganaa.

Lawa a wúlu-bɔlen 14:10

A lɛawaa kiwisibaa ǹ wɔ pinaa, a sère nɛ gɔ̀lɔ̀n paa kũ, wɔ̀lɔ̀ ná a ba ǹ ganaa wa, ka lɛ̀ goon sère nɛ luun ni, wɔ̀lɔ̀ ná a ba a ganaa wa. A *wùsu sonbore kilo manangɔrɔ yaa ka nyɔɔ nɛ, Lawa gɔ ǹ wɔ lɛa, a bɛ dɔ saa ka nyɔɔ litiri talɛɛ nɛ.

Lawa a wúlu-bɔlen 14:8

Min mɛn lɛ bɛ́ gɔ̀ boe a din ganaa, bɛ na a mɔnaan pii kəni, a n ka tumaa kɔɔ̃, a n zoo mu li, a tɔn *yoreen kɔ. Bɛ kio, a wo giã ǹ bǎã lɛ nɛ. Sɛnɛ, a n giɛ̃ kanaa, a ba we a mɔnaa kion wa, yǎa lɛawaa sɔbaa.

Lawa a wúlu-bɔlen 15:28

Bɛ̀ a mà-kaa lɛ nya, a n yii da lɛawaa sɔbaa doo, a tɔn goã yoreene.

Lawa a wúlu-bɔlen 15:5

Bɛ̀ min mɛn nə́ n gɔn da bɛa piì lɛ ganaa, ǹ dɛnaa doamaa nɛ a na a mɔnaan pii, a n zoo. Sɛnɛ, ǹ dɛnaa n goɛ̃ gɔ̀dɛnaa lɛa, yǎa wasa woe miɛ̃.

Lawa a wúlu-bɔlen 8:33

Ka giã kɔn yɛ ǹ kion lɛ a kiɛnlɛ-a lɛawaa sɔbaa gɔ́ɔ̃ nɛ, ka n ka a woe bǎã-n wa, yǎa koa wúlu-bɔle lɛa ǹ landa lɛ a nya pinaa. A giala, ka koa wúlu-bɔle lɛa ǹ landa lɛ a dí nə n nyɛɛ yǎa lɛawaa sɔbaa.

Lawa a wúlu-bɔlen 9:1

A lɛawaa kiwisibaa ǹ wɔ pinaa kəni, Muizu Aarɔn laanka a nɛgiĩn lɛn bii, kun ka Izirayeli tɔrɔn lɛn min golen dɔn nɛ.

Minin nimi 12:14

Dɛnaa Lawa tɔ́n pɛ Muizu ni: «Bɛ̀ Miriyamu lɛ a díi na á sɛ̀ kaa a yɔrɔ nɛ, bɛ̀ sìi ba goɛ̃ a ganaa a dɔ pii zii goon wa? Bɛ lɛ nɛ, ka bɔ kaa giã ǹ bǎã lɛ nɛ ka da kanaa a lɛawaa sɔbaa, bɛ kio ka tɔn nə n bɔyaa ka da a bǎã nɛ.»

Korɛnti2 7:1

Maa giaáran lɛn, bɛa lɛ-kɔ ǹ siin kɛn lɛn là á gole wɔ ganaa. Bɛ lɛ n toɛ, sii mɛn tumaa bɛ́ gɔ̀nɔn laanka telenboen gɔgɔrɛ koe, ka daa wɔ n bɔ bɛn wɔlɔ li, wɔ n dinin *yoreen kɔ lenlen. Ka daa wɔ nyɛ́ɛ baa Lawa yii ni.

Zaaki 4:8

Ka n mɔrɔ Lawa ganaa, a dɔ á die n mɔrɛ ka dɔn ganaa. Sii baraa-zɛnaalin lɛn, ka n gɔn pii ka bɔ sii baraa nɛ. Gɔ́ɔ̃ paa dɛnan lɛn, ka n gɔ́ɔ̃ kaa dɛ!

Sii-nyaan 1:5

Yezu lɛ n siére sonbore lɛa, a din yii na á kaa bibinaa nɛ á n bɔ geren bii, a n kanaa a kiin tumaa mìi la. Min mɛn bɛ́ a wɔ narɛ, a din na á wɔ si wɔa sii baraan la ka a gɛ̀ nɛ.