Lawa a wúlu-bɔlen 13:45 - LAWA A BOO SONBORE 2011

⁴⁵ Gɔ̀nɔn ki busu babaraa lɛ bɛ́ min mɛn ganaa, ǹ dɛnaa doamaa nɛ, a na a mɔnaan tɔtoɛ̃ ka gɛ̀ na á gã la, a n mìi ka toa lɔloɛn kɔn, a pii kɔ a lɛ lɛ, a n lɛ dɛ a pɛ: Man gɔ̀dɛnaa lɛa! Man gɔ̀dɛnaa lɛa!

LAWA A BOO SONBORE

⁴⁵ Gɔ̀nɔn ki busu babaraa lɛ bɛ́ min mɛn ganaa, ǹ dɛnaa doamaa nɛ, a na a mɔnaan tɔtoɛ̃ ka gɛ̀ na á gã la, a n mìi ka toa lɔloɛn kɔn, a pii kɔ a lɛ lɛ, a n lɛ dɛ a pɛ: Man gɔ̀dɛnaa lɛa! Man gɔ̀dɛnaa lɛa!

Lawa a wúlu-bɔlen 13:45 ပူးပေါင်းရင်းမြစ်များ

Siin Giala 37:29

Urubɛn bɛ́ á n bɔyaa, á daa nyankɔrɔ lɛ lɛ-a, a Zozɛfu yɛ a gɔ́ɔ̃-n doo wa. A foo busiimaa, a ná a din a mɔnaan kũ á ǹ toɛ̃.

Samayeli2 13:19

Tamaara ton goa á kaa a din mìi ni, á ná a mɔnaa sɛsia lɛ kũ á toɛ̃, á n gɔnɔn kaa a mìi ni, á woo bɛ̀ a tá n lɛ dii ka gɛ̀ na á gã la.

Kiin2 7:3

Gɔ̀nɔn ki busu babaraadɛnaa min sii kɔn goã kiwi lɛ a kiɛnlɛ-a, bɛn nə́ pɛ kɔn nɛ: «Wɔsɛn nə giã kànaa wɔ n yii da gɛ̀ la? Wàa na á baa?

Zɔbu 1:20

Foo-ziziɛ̃ gɔn, Zɔbu yoo á ná a mɔnaa kũ á toɛ̃, á n mìi kɔɔ̃. Bɛ kio, á na á kaa tán a lɛ la, a n pii kɛnɛn:

Zɔbu 42:6

Bɛ lɛ nɛ, ma nə n gɔ́ɔ̃ bii maa da ǹ boon lɛ-a, man lɛ koe maa san ganaa ma á n gɔ́ɔ̃ bii, ma giã tan tii laanka ton li foo ziziɛ̃ gɔn.

Loen 51:3

Maa Lawa, makara bɔ ma ganaa, n kɔn-narɛɛ gole kɛ taman yii. N makara-doɛ̃ gole kɛa lɛa, maa sãn toa ma nɛ.

Loen 51:5

Ma á maa sãn doɛ̃, maa sii baraa lɛ n ma yɔrɔ-a duduu.

Izayii 52:11

Kasɛn mɛnɛn bɛ́ Dɛnaa Lawa a wúlu bɔ ǹ mànan guĩ, ka woo, ka wo fufuu! Ka soo ka n bɔ *Baabilonii, ka nyan nə n gɔn da màn gɔ̀dɛnaa kɔn ganaa wa. Ka soo kiwi lɛ nɛ ka n dinin *yoreen kɔ.

Izayii 6:5

Má tɔ́n pɛ kəni: «Koe bɔ ma ganaa! Maa wɔ nya lenlen! A giala, man gɔ̀dɛnaa lɛa, ma bɛ́ giã-n tɔrɔn mɛnɛn dɔn bii, bɛn dɔn man gɔ̀dɛnan lɛa. A giala ma yii Kii gole yɛ, Dɛnaa Lawa Pàãyiidɛnaa lɛ!»

Izayii 64:6

Min kɔn ba n tɔ bii doo wa, min kɔn yii á we a n mɔrɔ n ganaa wa, a giala, n ba li n wɔ yɛ doo wa, ń wɔ toa wɔa sii baraan gɔn.

Zeremii 3:25

Ka waa tán sìi li. Wɔa yii gugurubaa papaã. A giala, wɔ laanka wɔ digolon man wɔ sii baraa zɛnaa, Dɛnaa Lawa wɔa Lawa ganaa, a kũ wɔa tenmaa waáraa ganaa a da pelo yaa. Wɔ n too kɔ Dɛnaa Lawa wɔa Lawa a da ǹ boon li wa.

Zeremii 36:24

Sɛnɛ, kii laanka a gána nyɛɛnaandɛnan nə́ boo lɛ tumaa giala ma. Sɛnɛ a nyɛ́ɛ goon din da ǹ ganaa wa, ǹ foo ziziɛ̃ boɛɛn dinin wa.

Busii pɛ 4:15

Bɛ̀ ǹ tá die, maǹ parɛɛ ǹ li: «Ka n tá ka n bɔ kànaa, *gɔ̀ tá ka ganaa! Ka n tá ka n bɔ kànaa! Ka nyan nə n gɔn da wɔ ganaa wa!» Maǹ baa sii, woo ǹ bǎã ná a ba ǹ la wa. Sɛnɛ, tɔrɔ kɔsɔn man pii: «Ǹ ba boe la ǹ giã wɔsɛn li wa.»

Ezekieli 24:17

Gini n din gɔ́ɔ̃ nɛ, n nyan toa n gɛ̀ koa wa. N mɔnaa gɔn kɛ pɛnɛ n mìi ganaa, kɔsɔnɔn wɔ ka n bɛ́ zɛnɛɛ lɔn lɛlɛ. N nyan màn kɔ n lɛ ka lɛ wa, n nyan lɛ kɔ n gɛ̀ wù si wa.»

Ezekieli 24:22

Ezekieli zɛnaa lɔn, ka dɔn die ka zɛnaa miɛ̃. Ka nyan toa ka màn kɔ ka lɛ ka lɛ wa, ka nyan lɛ kɔ ka gɛ̀ wù si wa. Ka kaa mɔnaa gɔnɔn toa ka mìi ganaa, ka kaa kɔsɔnɔn toa ka gòãn ganaa.

Zowɛli 2:13

Ka n gɔ́ɔ̃ binyəə, bɛ á soɛ ka lala diɛ nɛ.» Ka wusoo ka da Dɛnaa Lawa li, kaa Lawa lɛ. Bǐɛ̃ gigiã na a din li, a din nə makara doɛ̃ wole lɛa, a foo a yui fufuu wa. A minin narɛɛ á gole, á boe la a dɔlɔ toa min ni.

Lawa a wúlu-bɔlen 10:6

Muizu tɔ́n pɛ a nɛgiĩ min paa kɔsɔn kɛn manɛ, Eleyazaara laanka Itamaara nɛ: Ka baran n mìi ka toa lɔloɛ-n kɔn wa, ka baran kaa mɔnaan tɔtoɛ̃, ka pɛ mà ka n kaa foo ziziɛ̃ nyɛɛ wa. Bɛ̀ ka bɛ zɛnaa, ka á re giɛ̃. Ka á re toɛ dɔn, Lawa foo yoo zaman lɛ tumaa li. Dɛnaa Lawa min mɛnɛn lɛn dɛ ka tɛ nɛ, ka toa ka dɔɔ̃n Izirayeli minin gialakunun tumaa bɛn gɛ̀ wuu pɛ.

Lawa a wúlu-bɔlen 13:44

ǹ dɛnaa n gɔ̀nɔn ki busu babaraa dɛnaa lɛa, gɔ̀dɛnaa nɛ. Wúlu-bɔle lɛ pɛ mà gɔ̀dɛnaa nɛ, busu lɛ na á kũ a mìi ganaa.

Lawa a wúlu-bɔlen 21:10

Wúlu-bɔlen kiã n wúlu-bɔlen mìi la. Nyɔɔ na á n kaa a din lɛ mìi ni, ǹ nə́ bɔ ǹ nə́ koa, ǹ nə́ dí wɔ a gɔn. A doamaa nɛ, a na a dí lɛ a nya ǹ mɔnaan wɔ. A doamaa bie a n mìi ka toa lɔloɛ-n kɔn ka gɛ̀ na á gã la wa, a doamaa bie a na a mɔnaan dɔn tɔtoɛ̃, a na a foo busii nyaa-n wa.

Misee 3:7

Sii-nyalin kɛn wɔ n ka sìi ni, sii yɛ wolen kɛn wɔ n ka sìi ni. Ǹ tá re pìi koe ǹ yɔrɔ lɛ, mà ǹsɛn manə ǹ sìi duri ni. A giala, Lawa a re ǹ lɛ sii doo wa.»

Minin nimi 5:2

«A pɛ Izirayeli minin lɛn manɛ, ǹ gɔ̀nɔn ki busu babaraadɛnaa din tumaa kaa para-a ǹ bɔ giã ǹ bǎã lɛ nɛ, ka min mɛn tumaa bɛ́ kii mu a da a din li ǹ busu ná a ganaa, hinlaa min mɛn tumaa bɛ́ gere *gɔ̀ da a ganaa.

Luku 17:12

Á wɔ kiwi goon ne yǎa gɔ̀nɔn busu babaraa dɛnaa fù da n da lɛ. Ǹ nə́ n toa tiãlɛa,

Luku 5:8

Simɔn Piɛrɛ bɛ́ á bɛ yɛ, á kaa tán Yezu giulun, á pɛ: «Dɛnaa, n zɔ̃ n nə n bɔ masɛ ganaa, a giala masɛ n sii baraa-zɛnaali lɛa.»