Lawa a wúlu-bɔlen 11:42 - LAWA A BOO SONBORE 2011

⁴² Màn baaran mɛn tumaa bɛ́ tɔ we tán, ta ǹ mɛnɛn manə n giɛrɛɛ ǹ nɔ̀ la, ta ǹ mɛnɛn man tɔ we ǹ gòã sii hinlaa gòã gigiã la, ka baran ǹ sɔ̃ wa, a giala, ǹ doamaa bie ǹ wɔ ka lɛ-n wa.

LAWA A BOO SONBORE

⁴² Màn baaran mɛn tumaa bɛ́ tɔ we tán, ta ǹ mɛnɛn manə n giɛrɛɛ ǹ nɔ̀ la, ta ǹ mɛnɛn man tɔ we ǹ gòã sii hinlaa gòã gigiã la, ka baran ǹ sɔ̃ wa, a giala, ǹ doamaa bie ǹ wɔ ka lɛ-n wa.

Lawa a wúlu-bɔlen 11:42 ပူးပေါင်းရင်းမြစ်များ

Siin Giala 1:20

Lawa tɔ́n wusoo á pɛ kɛnɛn doo: «Màn yiikoonaa gigiã yɛ bǎã tumaa a mu li, bàanan dɔn nə piɛ̃ ǹ wo lon.»

Izayii 65:25

Don gin laanka sère nɛ á re buu soɛ̃ kun. Yàra á re buu gere soɛ̃ ka dii bɛ́ lɔn. Miɛ̃ á re n din toe ka gusuũ ni. Maa kele sonbore kɛ la, sii baraa hinlaa kakaarɛbaa a re n zɛnɛɛ doo wa. Dɛnaa Lawa na á pɛ.

Lawa a wúlu-bɔlen 11:41

Màn baaran mɛn tumaa bɛ́ tɔ we tán la, ka nyan toa ka bɛn wɔ ka lɛ-n wa. Ka baran bɛn sɔ̃ wa.

Lawa a wúlu-bɔlen 11:43

Bɛa màn baaran kɛ lɛ tumaa tɔ we tán, ka baran ka dinin zaãbaa ka bɛ kɔn nɛ wa, ka baran toa ǹ mɛ ka ganaa, ka gɔ̀ da ka dinin ganaa wa.

Misee 7:17

Ǹ tá re tii piɛ̃ ka miɛ̃ wɔ bɛ́ lɔn, màn nɔ̀ giɛɛraa tán wolen kɛn wɔbaa nɛ. Nyɛ́ɛ á die ǹ kuĩ, ǹ tá re nyɛ́ɛ biɛ n nɛ. Dɛnaa Lawa, wɔa Lawa, ǹ tá re soe ǹ duru ǹ bǎãn nɛ, bɛ̀ ǹ da n li, ǹ gɔ̀nɔn nə́ bìn diɛ.

Matiə 23:23

Kasɛn landa sii-daraalin laanka Fariziɛ̃ gɔ́ɔ̃ tì-an kɛn, kaa wɔ n ka bɔ̀n nɛ! Ka n Lawa wɔ gii boe ka dù luu buruu bisin tumaa nɛ. Sɛnɛ, Lawa a dí-pɛn lɛn mɛnɛn dinin sii bɛ́ kaka, ka peperebaa á ke lɔn, ka makara bɔ min ganaa laanka bɔlɔgoondɛnaabaa nɛ, ka a bɛn diɛ sii li wa. Bɛ̀ ka doamaa nɛ, ka bɛn lɛn zɛnaa, a ná a ba gialakun kɛ lɛ dɔ sàabiɛ wa.

Matiə 3:7

Zaã bɛ́ á yɛ ǹ mɛn waáraa, mà *Fariziɛ̃ gigiã laanka *Sadusɛɛ̃ gigiã á die asɛ li, mà asɛ batɛmu da ǹ ganaa, a na á pɛ ǹ nɛ: «Ka kɔrɔka tɔrɔn kɛn! Die na á pɛ ka nɛ, mà Lawa a foo busu ǹ kiri gole mɛn bɛ́ die, mà ka á boe la ka baa si ka la bɛ la?

Zaã a sɛ́wɔ 8:44

Kaa díi n ka *Sɛtaan nɛ, ka ǹ giɛ li ka kaa díi foo sii zɛnaa. A kũ kanaa a giala kɔ waáraa ganaa, a dí n ka gɛ̀ dɛ nɛ. A lɛ kɔ sonbore ganaa wa, a giala, sonbore kɔ́n ba a gɔ́ɔ̃-n wa. Bɛ̀ á soɛ boe, a din lɛ mui sii na á zɛnɛɛ, a giala, a n soɛ-bɔle lɛa, soɛ a díi dɔ nɛ.

Korɛnti2 11:13

Bɛa minin kɛn lɛn ba dia dí-a wole taãnan lɛa wa. Maǹ soɛ boe ka ǹ nya ǹ dí ni, ǹ nə́ n dinin biɛ Krita a dia dí-a wolen lɛa.

Korɛnti2 11:3

Sɛnɛ, nyɛ́ɛ tá ma ganaa, máa ka yiri á die ziziɛ̃, ka miɛ̃ bɛ́ á Ɛvu yiri sã ka soɛ-n lɔn. Doa-kɔn sonbore *yoreen mɛn bɛ́ ka bii ka Krita nɛ, ma ba li máa ka n na, ka n bɔ bɛ ganaa wa.

Tiitii 1:12

Ǹ dinin Krɛtin bɛ́ min mɛnɛn bíi Lawa a boo gii-dalin, bɛn goon na á pɛ mà Krɛtin man soɛ-bɔlen lɛa lɛlɛndun, ǹ nə́ don màn babaraan lɛa. Mà maǹ yoobaalin lɛa, ǹ nə́ n taasɛ màn-bii dinsɔɔ̃ ganaa.