Lawa a wúlu-bɔlen 11:40 - LAWA A BOO SONBORE 2011

⁴⁰ Bɛ̀ min mɛn bɛa màn gere lɛ sɔ̃, ǹ dɛnaa doamaa nɛ a na a mɔnaan pii. Sɛnɛ, ǹ dɛnaa n goɛ̃ gɔ̀dɛnaa lɛa yǎa wasa woe miɛ̃.

LAWA A BOO SONBORE

⁴⁰ Bɛ̀ min mɛn bɛa màn gere lɛ sɔ̃, ǹ dɛnaa doamaa nɛ a na a mɔnaan pii. Sɛnɛ, ǹ dɛnaa n goɛ̃ gɔ̀dɛnaa lɛa yǎa wasa woe miɛ̃.

Lawa a wúlu-bɔlen 11:40 ပူးပေါင်းရင်းမြစ်များ

Izayii 1:16

Ka n zoo, ka *gɔ̀ bɔ ka dinin ganaa. Kaa sii bɔbɔnɛɛn kɛn, ka bɛn pii ka ǹ bɔ ma yɔrɔ-a, ka kaa sii baraan kɛn kaa.

Ezekieli 36:25

Ma á re mu sonbore kiɛ ka ganaa, bɛ ka *yoreen kɔ. Ma á re kaa gɔ̀ siin tumaa pii ma ǹ bɔ ka ganaa, ka kaa dì siin kɛn tumaa nɛ.

Ezekieli 4:14

Má tɔ́n a lɛ si má pɛ: «E! Dɛnaa Lawa, ma tɔn *gɔ̀ da ma din-a duduu wa. A saa maa nɛnyaanbaa waáraa ganaa a da kaa pelo lɛ, bɛ̀ màn mɛn gã a din li hinlaa don mànan man nə́ dɛ, máa ma bin bɛa siĩ sɔ̃ duduu wa, ma bin siĩ gɔgɔrɛ kɔn wɔ ma lɛ-n wa.»

Ezekieli 44:31

Bɛ̀ màn mɛn gã, hinlaa ta mànan man nə́ kũ, ta bàan nɛ hinlaa ta don màn nɛ, Lawa a wúlu-bɔle doamaa bie a bɛ sɔ̃ wa.

Lawa a wúlu-bɔlen 11:25

Bɛ̀ min dɔ nə́ ǹ gere saa, ǹ dɛnaa doamaa nɛ a na a mɔnaa pii. Sɛnɛ, ǹ dɛnaa n goɛ̃ gɔ̀dɛnaa lɛa yǎa wasa woe miɛ̃.

Lawa a wúlu-bɔlen 11:28

Bɛ̀ min mɛn dɔ nə́ ǹ mɛn gere saa, ǹ dɛnaa doamaa nɛ a na a mɔnaan pii, sɛnɛ, ǹ dɛnaa n goɛ̃ gɔ̀dɛnaa lɛa, yǎa wasa woe miɛ̃. Ka ga bɛa mànan lɛn ganaa màn gɔgɔrɛn lɛa.

Lawa a wúlu-bɔlen 11:39

Tɔɔn mɛnɛn bɛ́ ǹ tá boe la ǹ nə ǹ siĩ sɔ̃, bɛ̀ bɛ mɛn gã, yǎa min nə n gɔn da a gere ganaa, bɛa dɛnaa n goɛ̃ gɔ̀dɛnaa lɛa yǎa wasa woe miɛ̃.

Lawa a wúlu-bɔlen 14:46

Kion lɛ a kiɛnlɛn bɛ́ re n tiɛ̃ lɛawaan mɛnɛn tumaa gɔ́ɔ̃ nɛ, bɛ̀ min wɔ a nɛ bɛa biikoo kɛ li, ǹ dɛnaa n goɛ̃ gɔgɔrɛ yǎa wasa woe miɛ̃.

Lawa a wúlu-bɔlen 15:15

Lawa a wúlu-bɔle die a bàanan lɛn goon baa sii baraa sawaa ǹ *wúlu màn lɛa, a ǹ goon baa wúlu màn tiɛ̃ lɛa. Wúlu-bɔle lɛ gɔ̀ bɔma-a ǹ landa zɛnaa bɛa giĩ lɛ a lɛa, kɔn yɛ ka Dɛnaa Lawa nɛ ǹ kion kɛ yɔrɔ-a, a kii mu a da a din li lɛ taman yii.

Lawa a wúlu-bɔlen 15:27

Bɛ̀ min mɛn nə́ n gɔn da ǹ ganaa, ǹ dɛnaa doamaa nɛ a na a mɔnaan pii, a n zoo. Sɛnɛ, ǹ dɛnaa n goɛ̃ gɔ̀dɛnaa lɛa yǎa wasa woe miɛ̃.

Lawa a wúlu-bɔlen 16:26

Min mɛn butumu lɛ loo á woo kɔ Azazeli la, bɛ doamaa nɛ a na a mɔnaan pii, a n zoo, a tɔn wɔ Izirayeli minin giã ǹ bǎã kɛ nɛ.

Lawa a wúlu-bɔlen 16:28

Min mɛn bɛ́ re ǹ tiɛ̃, bɛa dɛnaa doamaa nɛ a na a mɔnaan pii, a n zoo, a tɔn wɔ Izirayeli minin giã ǹ bǎã kɛ nɛ.

Lawa a wúlu-bɔlen 22:6

Bɛ̀ min mɛn nə́ n gɔn da bɛa mànan lɛn ganaa, ǹ dɛnaa n goɛ̃ gɔ̀dɛnaa lɛa yǎa wasa woe miɛ̃. Ǹ dɛnaa a boe la a wúlu màn sonboren kɛn wɔ a lɛ-n, bɛ̀ a ná a n zoo bɔrɔ wa.

Lawa a wúlu-bɔlen 22:8

Bɛ̀ màn gã a din li, hinlaa don mànan man nə́ wɔwoɛ̃ kɔn, Lawa a wúlu-bɔle doamaa bie a bɛ sɔ̃, a gɔ̀ da a din ganaa-n wa. Ma din ni Dɛnaa Lawa lɛa.

Zakarii 13:1

Bɛa waáraa, mu pìã n die baa sii, a Davida a sumu minin laanka Zeruzalɛmu minin yoreen kɔ, a ǹ sii baraa laanka *gɔ̀ bɔ a bɔ ǹ ganaa.»

Minin nimi 19:19

Min mɛn lɛ á ke yoreene, bɛ lɛ die a mu lɛ pɛsɛ̃ gɔ̀dɛnaa lɛ-a, sii lɛ a zɛnaa a lɛawaa sɔɔbaa ǹ wɔ pinaa, ka a lɛawaa sɔbaabaa ǹ wɔ pinaa nɛ. Min yoreen lɛ die a gɔ̀ bɔ gɔ̀dɛnaa lɛ-a, a lɛawaa sɔbaabaa ǹ wɔ pinaa, bɛ kio, gɔ̀dɛnaa lɛ na a mɔnaan pii, a n zoo mu li, á die yoreen koe wasamiɛ̃nɛ.

Korɛnti1 10:21

Ka a boe la ka màn mi ka Dɛnaa a paan nɛ, ka wusoo ka màn mi yiri baraan paan nɛ wa. Ka a boe la ka màn bii Dɛnaa a kùnu ni, ka wusoo ka màn bii yiri baraan dɔn kùnu-n wa.

Korɛnti1 6:11

Ka tɛnɛn man ka goã miɛ̃. Sɛnɛ, Lawa sii baraa pii á bɔ ka ganaa, á ka bɔ ka gɔrɔn a din wɔn lɛa, á lɛ kɔ ka ganaa min peperen lɛa a din yɔrɔ-a, ka Dɛnaa Yezu *Krita tɔ nɛ, wɔa Lawa a Yiri Fu kɛ dɔ pàã ganaa.

Timəə dí-pɛn 14:21

Ka nyan toa ka màn gere kɔn sɔ̃ wa. Gùlin mɛnɛn bɛ́ kaa kiwin ni, ka kɔ bɛn la, bɛn tá boe la ǹ sɔ̃. Bɛ̀ a miɛ̃ wa, ka sã tii la. A giala, kasɛn man ka gɔrɔn, kaa Lawa, Dɛnaa Lawa a zaman lɛa. Ka baran bòe nɛ siĩ kɔrɛ n dan nyɔ mu li wa.

Zaã1 1:7

Sɛnɛ, bɛ̀ wɔ á tɔ we wɔlɔ fúlu li, ka Lawa din bɛ́ wɔlɔ fúlu li lɔn, wɔ á re kaa-kun sonbore yii ka wɔ miãn nɛ. A Nɛgiĩ Yezu mà kɛ n wɔ *yoreen koe, a wɔ bɔ wɔa sii baraa tumaa nɛ.